लूका 24:44 - बुक्सा

⁴⁴ फिर बानै उनसै कैई, “जे मेरी बेई बात हैं, जो मैंनै तुमरे संग रैहते भए तुमसै कैई हीं, कै जरूरी है कै जितनी बात मूसा के नियम और नबिऔ और भजनौ की किताबौ मै, मेरे बारे मै लिखी हैं, सब पूरी हौं।”

लूका 24:44 Referans Kwoze

चेलौ के काम 13:33

ईसु के मरनै के बाद परमेसर नै बाकै फिर सै जिन्‍दो करो और बौ बादो हमरी औलाद के ताँई पूरो करो, जैसो भजन किरतन की किताब मै लिखो है, “‘तू मेरो लौंड़ा है, और मैंनै आज सबकै दिखा दओ है कै मैं तेरो अब्बा हौं।’

लूका 9:22

और बानै अपने चेलौ सै कैई, “आदमी के लौंड़ा के ताँई जरूरी है, कै ‘मैं’ भौत दुख उठाऔं, और ‘मैं’ बुजरग यहूदी मुखियौं, मुक्‍ख पुजारिऔं और सास्तरिऔं दुआरा ठुकराओ जाकै, मार डारो जांऔ, और ‘मैं’ तीसरे दिन जी उठौं।”

परकासन 19:10

और मैं उसकै डन्डौत कन्‍नै के ताँई उसके पाँऐऔं मै गिरो, पर उसनै मैंसै कैई, “देख, ऐंसो मत कर, मैं तौ तेरो और तेरे भईयौ को संगी दास हौं, जो ईसु की गभाई दैनै के ताँई हरदम तईयार रैहबै है। परमेसर कैई डन्डौत कर” कैसेकै ईसु की गभाई भबिसबानी की आत्‍मा है।

इबरानिओ 10:1

नियम तौ सिरप आनै बारी अच्‍छी चीजौ की छाँई है, पर जौ असली ना है। इसताँई हर साल बेरमबेरा बैसेई बलिऔ कै चढ़ानै के दुआरा नियम के धौंरे आनै बारे लोगौ कै सिद्‍द ना कर सकै है।

यहून्‍ना 5:46

कैसेकै अगर तुम मूसा को बिसवास करते, तौ मेरो बी बिसवास करते, इसताँई कै बानै मेरे बारे मै लिखो है।

इबरानिओ 9:8

इस्सै पबित्‍तर आत्‍मा जौ दिखाबै है कै, जब तक लै तम्बू को पैलो कमरा है तब तक भीतर के सबसै पबित्‍तर कमरा के मौहड़े बन्‍द हैं।

यहून्‍ना 5:39

तुम पबित्‍तर सास्तर मै ढूंड़ौ हौ, कैसेकै तुम सोचौ हौ कै बामै हमेसा की जिन्‍दगी मिलै है, पर जे सिगरे पबित्‍तर सास्तर मेरी गभाई देवै हैं।

यहून्‍ना 3:14

और जैसे मूसा नै रेगिस्तान मै साँप ऊपर उठाओ, बैसेई आदमी को लौंड़ा बी ऊपर उठाओ जागो,

लूका 24:46

और उनसै कैई, “ऐंसो लिखो है, कै मसी दुख उठागो, और तीसरे दिन मरे भए मै सै जी उठैगो।

इबरानिओ 7:1

जौ मलकीसदेक सालेम को राजा हो और परमपरधान परमेसर को पुजारी हो। जब इब्राहिम उन चार राजाऔं कै हरा कै बापस आ रओ हो तब मलकीसदेक बाकै रस्ता मै मिलो और बानै बाकै आसीरबाद दओ।

इबरानिओ 3:5

परमेसर के सिगरे घराने मै मूसा बिसवासजोग सेवक रैहओ और बौ उन बातौं को गभा हो जो आनै बारे बखत मै परमेसर के दुआरा कैई जानी हीं।

चेलौ के काम 7:37

“जौ बौई मूसा है जिसनै ईसराइली लोगौ सै कैई ही, ‘परमेसर नै तुमरे ताँई तुम्मै सैई मेरे हाँई एक नबी खड़ो करैगो।’

लूका 22:37

कैसेकै मैं तुमसै कैरओ हौं कै, पबित्‍तर सास्तर मै लिखी भई बात, मैं मै जरूर पूरी हौंगी, ‘कै उसकी गिनती कुकरमिऔ मै भई,’ और जो कुछ मेरे बारे मै लिखो गओ है, बौ पूरो होनै मै है।”

लूका 21:22

कैसेकै बे दिन डन्ड दैनै के दिन हौंगे। ताकि जो पबित्‍तर सास्तर मै लिखी गंई हैं, बे सब बात पूरी हौं।

लूका 9:44

“अब जो मैं तुमसै कैरओ हौं, उन बातौं मै धियान दो। आदमी को लौंड़ा, लोगौ के हातौ मै सौंप दओ जागो।”

मत्‍ती 26:56

पर जौ सब इसताँई भओ है, कै नबिऔ नै जो लिखो है बौ पूरो हो जाय,” तब सब चेला ईसु कै छोड़कै भाज गए।

मत्‍ती 26:54

पर तब पबित्‍तर सास्तर को लेख कैसे पूरो होगो? बामै तौ लिखो है कै ऐंसोई होनो जरूरी है।”

मत्‍ती 16:21

उस टैम सै ईसु अपने चेलौ कै बताल लगो कै, “मैंकै ऐरूसलेम जानो होगो, बुजरग यहूदी मुखियौं, मुक्‍ख पुजारिऔं और सास्तरिऔं की ओर सै भौत दुख उठानो, मार डारो जानो और तीसरे दिन जी उठनो होगो।”

1 पतरस 1:11

मसी की आत्‍मा जो उनके भीतर है, और जो उनकै बताबै है कै मसी कै कितने दुख झेलने पड़ंगे और बाकी कितनी बड़ाई होगी, इसताँई बे जा खोज मै लग गए कै मसी कौन है? और जे बात जा दुनिया मै कब हौंगी।

चेलौ के काम 3:18

पर परमेसर नै नबिऔ के दुआरा जौ पैलेई सै किब्बा दओ हो, कै मसी दुख उठागो। उन बातौं कै परमेसर नै इस तरै पूरो करो हो।

मरकुस 9:31

कैसेकै बौ सिरप अपने खास चेलौ कै सिका रओ हो। ईसु नै उनसै कैई, “आदमी को लौंड़ा, आदमिऔ के हवाले धोके सै पकड़बाओ जागो और बे उसकै मार डारंगे। मारे जानै के तीन दिन बाद बौ जी उठैगो।”

मत्‍ती 1:22

जौ सब कुछ इसताँई भओ कै जो बचन परभु नै अपने नबी के दुआरा किब्बाओ हो बौ पूरो हो जाय।

चेलौ के काम 2:27

कैसेकै तू ना तौ मेरी आत्‍मा कै अधलोक मै छोड़ैगो, और ना अपने पबित्‍तर भक्‍त की लाहस कै सड़न देगो।

चेलौ के काम 13:40

इसताँई चौकस रौह कै जो कुछ नबिऔ नै कैई है, बौ तुमरे ऊपर ना आ पड़ै,