लूका 23:7 - बुक्सा

⁷ फिर जब बाकै जौ पतो चलो कै बौ हेरोदेस की रियासत को है, तौ उसनै ईसु कै हेरोदेस के धौंरे भेज दओ, उन दिनौ मै, बौ बी ऐरूसलेम सैहर मैई हो।

लूका 23:7 Referans Kwoze

लूका 3:1

महाराजा कैसर तिबिरियुस के राज के पन्‍दरमे साल मै जब पिन्‍तुस पीलातुस यहूदिया को राजपाल हो, और गलील मै हेरोदेस, इतुरिया और तरखोनीतस मै उसको भईया फिलिप्‍पुस, और अबीलेने मै लिसानियास राजपाल हे।

लूका 13:31

उसई टैम ईसु के धौंरे कुछ फरीसी आए और बासै बोले, “हेरोदेस राजपाल तेकै मार डान्‍नो चाँह रओ है, इसताँई हिंया सै कहीं और चलो जा।”

मत्‍ती 14:1

उस टैम राजा हेरोदेस नै ईसु की चरचा सुनी

मत्‍ती 14:3

कैसेकै हेरोदेस नै अपने भईया फिलिप्‍पुस की बईयर हेरोदियास के बजै सै यहून्‍ना गिरप्‍तार करो और बांधकै जेलखाने मै डार दओ हो।

मत्‍ती 14:6

पर जब हेरोदेस को जलम दिन आओ, तौ हेरोदियास की लौंड़िया नै पौंहनेऔ के सामने नाच दिखाकै हेरोदेस खुस कर दओ।

मरकुस 6:14

ईसु को नाम फैल गओ हो, और हेरोदेस राजा नै बी ईसु की चरचा सुनी, और कुछ लोगौ नै कैई कै, “यहून्‍ना जल संस्कार दैनै बारो मरे भए मै सै जी उठो है, इसताँई बौ जे महान चमत्कार दिखा रओ है।”

लूका 9:7

एक चौथाई देस को राजपाल हेरोदेस, जौ सब सुनकै घबरा गओ, कैसेकै कुछ लोग कैबै हे कै “यहून्‍ना मरे भएऔं मै सै जी उठो है।”

लूका 23:6

जौ सुनकै पीलातुस नै पूँछी, “का जौ आदमी गलील परदेस को है?”

चेलौ के काम 4:27

कैसेकै हेरोदेस और पिन्‍तुस पीलातुस बी जाई सैहर के गैर यहूदी लोगौ और ईसराइल के लोगौ के संग मिलकै तेरे पबित्‍तर सेवक ईसु के बिरोद मै इखट्‍टे होवै हैं जिसकै तैनै मसी के रूप मै छाँटो हो।