लूका 22:16 - बुक्सा

¹⁶ कैसेकै मैं तुमसै कैरओ हौं कै जब तक परमेसर के राज मै इस भोज की सैरी बात पूरी ना हो लेती तब तक मैं इसकै दुबारा ना खांगो।”

लूका 22:16 Referans Kwoze

परकासन 19:9

और सुरगदूत मैंसै कैललगो, “लिख: धन्‍न हैं बे, जिनकै मैमना के बिहा की दाबत मै बुलाओ गओ है।” उसनै फिर कैई, “जे परमेसर के सच्‍चे बचन हैं।”

लूका 14:15

फिर उसके संग रोटी खा रए लोगौ मै सै एक नै जौ सुनकै ईसु सै कैई, “हर बौ आदमी धन्‍न है, जो परमेसर के राज मै रोटी खागो।”

लूका 22:30

जिस्सै मेरे राज मै तुम मेरी मेज मै खाऔ और पिऔ और ईसराइल के बारैह गोतौं को फैसला कन्‍नै के ताँई सिंगासनौ मै बैठौ।

चेलौ के काम 10:41

सबई लोगौ के सामने ना पर उन गभाऔ के सामने जिनकै परमेसर नै पैलेई सै चुनर खाओ हो, और बे गभा हम हैं। जब बौ मर कै फिर सै जिन्‍दो भओ तबई हमनै बी बाके संग खाओ और पिओ हो।

यहून्‍ना 6:27

बा खाने के ताँई मैहनत ना करौ जो सड़ जावै है, पर बा खाने के ताँई मैहनत करौ जो हमेसा जिन्‍दगी भर बनो रैहबै है, जिसकै आदमी को लौंड़ा तुमकै देगो, कैसेकै अब्बा यानी परमेसर नै बाई मै अपनी मौहर लगाई है।”

लूका 12:37

धन्‍न हैं बे नौकर, जिनको मालिक उनकै जगतो भओ देखै; मैं तुमसै सच कैरओ हौं बौ कमर बांधकै रोटी खानै कै ताँई नौकरौ कै बैठागो, और उनके धौंरे आकै उनकी सेवा करैगो।

लूका 22:15

और उसनै उनसै कैई, “मेरी बड़ी इच्‍छा ही, कै दुख उठानै सै पैले जौ फसै को भोज तुमरे संग खांऔ।

लूका 22:18

कैसेकै मैं तुमसै कैरओ हौं आज के बाद जब तक परमेसर अपने लोगौ के ऊपर राज ना करै, मैं अंगूर को रस कबी ना पियंगो।”