लूका 22:12 - बुक्सा

¹² फिर बौ आदमी तुमकै सजो-सजाओ ऊपर को एक बड़ो कमरा दिखागो, बहीं खानै की तईयारी करिओ।”

लूका 22:12 Referans Kwoze

चेलौ के काम 1:13

और बहाँ पौंच कै पतरस, यहून्‍ना, याकूब, अन्‍दरयास, फिलिप्‍पुस, थौमा, बरतुलमै, मत्‍ती, हलफई को लौंड़ा याकूब, जोसीलो भक्‍त समौन और याकूब को लौंड़ा यहूदा जे सबई बा ऊपर के कमरा मै इखट्‍टे भए जहाँ जे रुके हे।

यहून्‍ना 2:25

और उसकै कोई जरूरत ना ही कै कोई आकै उसकै लोगौ के बारे मै बताऐ, कैसेकै लोगौ के मन मै का है, इसकै बौ जानै हो।

चेलौ के काम 20:8

जिस ऊपर के कमरा मै हम सबई जनी बैठे हे बहाँ भौस्से दिया पजर रए हे।

यहून्‍ना 21:17

ईसु नै फिर तीसरी दफै पतरस सै कैई, “समौन, यहून्‍ना के लौंड़ा, का तू मैंसै पियार करै है?” पतरस उदास भओ कैसेकै बानै बासै तीसरी दफै ऐंसे कैई कै, “का तू मैंसै पियार करै है?” और पतरस नै ईसु सै कैई, “हे परभु तू सब कुछ जानै है, तू जौ बी जानै है कै मैं तेसै पियार करौ हौं।” ईसु नै बासै कैई, “तू मेरी भेड़ौ कै चुंगा।

लूका 22:11

और घर के मालिक सै कैईयो, ‘गुरूजी नै तेसै पूँछी है कै बौ पौंहने बारो कमरा कहाँ है, जहाँ मैं अपने चेलौ के संग फसै तौहार की रोटी खा सकौं?’

लूका 22:13

बे चल पड़े और उनौनै जाकै, जैसो बानै कैओ हो, उनकै बैसोई मिलो, फिर उनौनै फसै भोज तईयार करो।