लूका 19:13 - बुक्सा

¹³ और जाने सै पैले उसनै अपने दसौं नौकरौ कै बुलाकै हर एक कै एक-एक सौने को रुपिया दओ, और उनसै कैई, ‘जब तक मैं ना लौहटौं, इनसै कोई ब्यापार करिओ।’

लूका 19:13 Referans Kwoze

यहून्‍ना 12:26

अगर कोई मेरी सेवा करै है तौ बौ मेरे पीछे हो ले, और जहाँ मैं हौं बहाँ मेरो सेवक बी होगो। अगर कोई मेरी सेवा करै तौ अब्बा बाकी इज्‍जत करैगो।

2 पतरस 1:1

मैं समौन पतरस जो ईसु मसी को सेवक और भेजो भओ चेला हौं, जौ चिट्‌ठी मैं उन लोगौ के नाम लिख रओ हौं जो हमरे हाँई हमरे परमेसर और मुक्‍ति दैनै बारे ईसु मसी की धारमिकता के दुआरा सै बिसवास पावै हैं।

याकूब 1:1

उन बारैह गोतौं कै जो अगल अगल देसौ मै रैहबैं हैं नमस्कार, मैं परमेसर को और परभु ईसु मसी को सेवक याकूब जौ चिट्‌ठी लिख रओ हौं।

गलातिऔ 1:10

का मैं आदमी की ओर सै अपनी बड़ाई चाँहौ हौं या परमेसर की? का मैं आदमिऔ कै खुस कन्‍नै के ताँई लगो रैहबौं हौं? अगर मैं अब तक लोगौ कै खुस करतो रैहतो तौ मैं मसी को सेवक ना होतो।

मत्‍ती 25:16

जिसकै पाँच हजार असरपी मिली हीं, उसनै तुरन्‍त जाकै उनसै लेन-देन करो, बानै पाँच हजार असरपी और कमा लंई।

मत्‍ती 25:20

जिसकै पाँच हजार असरपी मिली हीं, बानै और पाँच हजार लाकै कैई, ‘मालिक, तैनै मैंकै पाँच हजार असरपी सौंपी हीं, देख, मैंनै पाँच हजार और कमाई हैं।’”

मत्‍ती 25:22

“इसके बाद बौ आओ जिसकै दो हजार असरपी मिली हीं। बानै कैई, ‘मालिक, तैनै मैंकै दो हजार असरपी सौंपी हीं। देख, मैंनै और दो हजार कमाई।’”

मत्‍ती 25:24

“बाद मै बौ आओ जिसकै एक हजार असरपी मिली हीं। बानै कैई, ‘मालिक, मैंकै मालूम हो कै तू कठोर आदमी है। तू बहाँ काटै है जहाँ तैनै बोओ ना है, और जहाँ तैनै कोई बीज ना डारो बहाँ फसल बटोरै है।

लूका 19:12

फिर ईसु नै कैई, “एक ऊँचे खानदान को सेट आदमी दूर देस कै चलो गओ, जिस्सै कै राजा बनकै बापस आ सकै।

लूका 19:14

पर उसके सैहर के रैहनै बारे लोग उस्सै बैर रक्‍खै हे, इसताँई उनौनै उसके पीछे कुछ आदमिऔ सै जौ सन्‍देसो भिजबाओ कै, ‘हम ना चाँहै हैं, कै जौ आदमी हमरे ऊपर राज करै।’