लूका 19:12 - बुक्सा

¹² फिर ईसु नै कैई, “एक ऊँचे खानदान को सेट आदमी दूर देस कै चलो गओ, जिस्सै कै राजा बनकै बापस आ सकै।

लूका 19:12 Referans Kwoze

1 पतरस 3:22

बौ सुरग मै जाकै परमेसर के दाँय हात की ओर बैठ गओ, और सुरगदूत, सैरे अधकारी और सकति बाके हक मै हैं।

इबरानिओ 9:28

बैसेई मसी नै बी भौस्से लोगौ के पापौं के ताँई एकई दफै अपनी बलि चढ़ाई। अब बौ दूसरी दफै पाप की बलि चढ़नै के ताँई ना आगो पर जो लोग बाको पैंड़ो देख रए हैं उनकै बचानै के ताँई आगो।

यहून्‍ना 18:37

इसताँई पीलातुस नै बासै कैई, “तौ का तू राजा है?” ईसु नै जबाब दओ, “तू ठीक कैबै है कै मैं राजा हौं। मैंनै इसताँई जलम लेओ और इसताँई दुनिया मै आओ हौं कै सच की गभाई दौं। हर एक बौ जो सच को है, मेरी अबाज सुनै है।”

लूका 20:9

ईसु फिर लोगौ सै एक दासतान कैललगो, “कै किसी आदमी नै अंगूर को बगीचा लगाओ, और कुछ किसानौ कै उसको ठेका दे दओ, और भौत दिनौ के ताँई परदेस चलो गओ।

परकासन 1:7

देखौ, बौ बादरौं के संग आनै बारो है, और हर एक आँख बाकै देखैगी पर जिनौनै बाके सरीर मै भालो घौंपो हो, बे बी बाकै देखंगे और धरती के सिगरे गोत बाके बजै सै छाती पीटंगे। हाँ! ऐंसोई होए।

1 कुरन्‍थियों 15:25

कैसेकै जब तक परमेसर मसी के दुसमनौ कै बाके पाँऐ के नीचे ना लाऐ, तब तक मसी को राज कन्‍नो जरूरी है।

चेलौ के काम 17:31

कैसेकै परमेसर नै एक दिन ऐंसो ठैराओ है, जिसमै बौ बा आदमी के दुआरा दुनिया के लोगौ को सच्‍चाई सै नियाय करैगो जिसकै बानै ठैरार खाओ है, और बाकै मरे भएऔं मै सै फिर सै जिन्‍दो करकै जा बात को सबूत दे दओ है।”

लूका 24:51

और उनकै आसीरबाद देते भए बौ उनसै अगल हो गओ और सुरग मै उठा लओ गओ।

मरकुस 16:19

इस तरै परभु ईसु अपने चेलौ सै बात कन्‍नै के बाद सुरग मै उठा लओ गओ और परमेसर के खाने हात बैठ गओ।

मरकुस 12:1

फिर बौ दासतान मै उनसै बात करल लगो कै, “किसी आदमी नै अंगूर को बगीचा लगाओ, और उसके चारौ लंग बेड़ा बांधी, और उसमै रस को कुन्ड खुदबाओ और पक्‍को मचान बनबाओ, और कुछ किसानौ कै उसको ठेका देकै दूसरे मुलक चलो गओ।

मत्‍ती 21:38

पर उन किसानौ नै उसको लौंड़ा देखो तौ बे आपस मै कैललगे, ‘जौ तौ उसको बारिस है, आऔ इसकै मार डारैं और इसकी बिरासत मै कबजा कर लैं।’

मत्‍ती 28:18

फिर ईसु नै उनके धौंरे जाकै कैई, “सुरग और धरती को सैरो अधकार मैंकै देओ गओ है।