लूका 18:11 - बुक्सा

¹¹ बौ फरीसी अगल खड़ो होकै जौ पिराथना करल लगो, ‘हे परमेसर, मैं तेरो धन्‍नबाद करौं हौं कै मैं दूसरे लोगौं जैसो लालची, ठग और दूसरी बईयरौं सै गलत काम कन्‍नै बारो बी ना हौं, और ना इस लगान लैनै बारे के जैसो हौं।

लूका 18:11 Referans Kwoze

मत्‍ती 6:5

“और जब तू पिराथना करै, तौ ढौंगिऔ के जैसे ना हो कैसेकै लोगौ कै दिखानै के ताँई सभाऔं मै और सड़कौं के मोड़ौ मै खड़े होकै पिराथना कन्‍नो उनकै अच्‍छो लगै है, मैं तुमसै सच कैरओ हौं, कै बे अपनो ईनाम पा चुके हैं।

परकासन 3:17

तू कैबै है कै मैं सेट हौं और मालामाल हो गओ हौं और मैंकै किसी चीज की कमी ना है, पर तू ना जानै है कै तू अभागो, लाचार, कंगाल, अन्धो और नंगो है।

मरकुस 11:25

जब तुम खड़े होकै पिराथना करौ हौ और तुमकै किसी सै कोई सिकात है, तौ उसकै माफ कर दो, जिस्सै तुमरो सुरग को अब्बा बी तुमरी गलतिऔं कै माफ करै।

गलातिऔ 3:10

बे लोग जो नियम के कामौ मै भरोसो रक्‍खै हैं, उनके ऊपर सराप है, कैसेकै पबित्‍तर सास्तर मै लिखो है कै, “बे सिगरे आदमी सरापित हैं, जो मूसा के नियम की लिखी भई सिगरी बातौं मै ना चलै हैं।”

लूका 20:47

बे राँड़ौ कै फसाकै उनको घर लूट लेबै हैं, और दिखानै के ताँई बड़ी लम्बी-लम्बी और देर तक पिराथना करते रैहबैं हैं: परभु इनकै भौत डन्ड देगो।”

फिलिप्‍पीऔ 3:6

मेरे भीतर इत्‍तो जादा हौसला हो कै मैं बिसवासिऔ की मंडली के लोगौ कै सताबै हो, और धारमिकता के बारे मै सबई नियम, और रीती रिबाजौ कै ऐंसे मानै हो कै मेरे ऊपर कोई दोस ना लगा सकै हो।

मत्‍ती 5:20

मैं तुम लोगौ सै कैरओ हौं, अगर तुमरो धरमी होनो सास्तरिऔं और फरीसिऔं के धरमी होनै सै गैहरो ना भओ, तौ तुम सुरग के राज मै कबी ना पौंचौगे।

मत्‍ती 10:3

फिलिप्‍पुस और बरतुलमै, थौमा और चुंगी लैनै बारो मत्‍ती, हलफई को लौंड़ा याकूब और तदै।

लूका 22:41

तब ईसु उनसै थोड़ो सो अग्गे गओ और घूंटे टेक कै पिराथना करल लगो।