लूका 15:13 - बुक्सा

¹³ अबी कोई जादा टैम ना बीतो हो, कै छोटे लौंड़ा नै अपनी सैरी जायदात समैटी और किसी दूर मुलक कै चलो गओ और बहाँ कुकरम और गंदे कामौ मै अपनी सैरी जायदात बरबाद कर डारी।

लूका 15:13 Referans Kwoze

लूका 16:19

“देखौ, एक सेट आदमी हो बौ भौत मैहंगे बैंगनी रंग के चिकने मखमल के लत्‍ता पैहरै हो, और हर दिन मौज-मस्ती सै खातो पीतो रैहबै हो।

लूका 16:1

फिर ईसु नै अपने चेलौ सै कैई, “किसी साहूकार को एक भन्डारी हो, और उस भन्डारी के ऊपर लोगौं नै इलजाम लगाओ कै बौ तेरी सैरी जायदात उड़ाए देरओ है।

लूका 15:30

पर जब तेरो जौ लौंड़ा, जिसनै तेरी सैरी जायदात रंडिऔ मै उड़ाकै आओ है, तौ तैनै उसके ताँई पलो भओ पसु कटबाओ।’

2 पतरस 2:13

जो बुराई जे दूसरौं के संग करै हैं, तौ बैसोई इनौई के संग बुरो होगो; उनकै दिन के उज्‍जेरे मै सरीर के मजे के ताँई गन्‍दो काम कन्‍नो अच्‍छो लगै है, जे लोग कलंक और दोस हैं। जब बी बे दाबतौं मै रोटी खानै के ताँई तुमरे संग इखट्‍टे होवै हैं, तौ ऐंसो बरताब करै हैं जो आदमी के ताँई सरम की बात है।

इफिसिऔ 2:17

और बानै आकै तुमकै जो दूर हे, और जो धौंरे हे, दौनौ कै मेल-जोल की अच्‍छी खबर सुनाई।

इफिसिऔ 2:13

पर अब, मसी ईसु मै, जो तुम पैले दूर हे, मसी के खून के दुआरा धौंरे आ गए हौ।

लूका 15:12

उनमै सै छोटे लौंड़ा नै अपने अब्बा सै कैई, ‘हे अब्बा, जमीन जायदात मै सै जो हिस्सा मेरो है, बौ मैंकै दे दे,’ बानै अपनी जमीन जायदात दौनौ कै बाँट दई।

लूका 15:14

जब बौ सब कुछ खरच कर चुको तौ, उस मुलक मै बड़ो अकाल पड़ गओ, और बौ कंगाल हो गओ।