लूका 11:18 - बुक्सा

¹⁸ और तुम मेरे बारे मै कैबौ हौ कै मैंकै दुसट आत्‍माऔ के मुखिया सै सकति मिलै है। अगर सैतान मैई फूट पड़ जाय तौ बौ अपनेई खिलाप लड़ रओ है, तौ उसको राज कैसे बनो रैहगो।

लूका 11:18 Referans Kwoze

मत्‍ती 12:26

और अगर सैतानई सैतान कै लिकारैगो, तौ बौ अपनोई बिरोदी हो गओ है, फिर उसको राज कैसे बनो रैहगो?

लूका 11:15

पर उनमै सै भौतौं नै कैई, “जौ तौ दुसट आत्‍माऔ के मुखिया बालजबूल की सकति सै दुसट आत्‍माऔ कै लिकारै है।”

मत्‍ती 4:10

तब ईसु नै उस्सै कैई, “हे सैतान दूर हो जा, कैसेकै पबित्‍तर सास्तर मै लिखो है कै, “ ‘तू परभु अपने परमेसर कैई डन्डौत कर और सिरप उसई की सेवा कर।’ ”

मत्‍ती 4:24

और सैरे सीरिया मै उसकी खबर फैल गई और लोग सब बेमारौं कै, जो तरै-तरै की बेमारिऔ और दुखौ मै जकड़े भए हे और जिनमै दुसट आत्‍मा हीं, और मिरगी बारौ और फालस के मारे भएऔं कै उसके धौंरे लाए और ईसु नै बे ठीक करे।

मत्‍ती 10:25

चेला के ताँई अपने गुरू जैसो और नौकर कै अपने मालिक जैसो बन जानोई भौत है, जब उनौनै घर के मालिक कै सैतान कैई तौ उसके घर बारौ कै का ना कैंगे?