3 “जाऔ, मैं तुमकै भिड़ियौ के बीच, भेड़ौ के हाँई भेज रओ हौं
“देखौ, मैं तुमकै भिड़ियौ के बीच भेड़ौ की हाँई भेज रओ हौं, इसताँई साँप के हाँई चालाँक और कबूतर के हाँई भोले बनौ।
मैं जानौ हौं कै मेरे जानै के बाद खतरनाक भिड़िया हाँई लोग तुमरे बीच मै आंगे और बिसवासी लोगौ के झुन्ड कै ना छोड़ंगे।
बे तुमकै पिराथना घर सै बाहार कर दंगे, पर बौ टैम आ रओ है कै जो कोई तुमकै मार डारैगो, बौ जौ समजैगो कै परमेसर की सेवा कर रओ हौं।
“बौ बचन जो मैंनै तुमसै कैओ है, याद रक्खौ ‘नौकर अपने मालिक सै बड़ो ना है।’ अगर उनौनै मैं सताओ तौ बे तुमकै बी सतांगे। अगर उनौनै मेरी बात मानी तौ बे तुमरी बात बी मानंगे।
मेरे नाम के कारन सब लोग तुमसै बैर करंगे, पर जो अन्त तक बिसवास मै बनो रैहगो उसई कै मुक्ति मिलैगी।
“झूँटे नबिऔ सै चौकस रैहऔ। बे भेड़ौ के भेस मै तुमरे धौंरे आंगे, पर बे भीतर सै खूँकार भिड़िया हैं।
बानै दमिसक के यहूदी पिराथना घरौ के नाम की चिट्ठी माँगी कै जो लोग ईसु मसी के पिच्छे चलनै बारे मिलै उनमै सै चाँए बईयरैं हौं या आदमी हौं उन सबई कै बांधकै ऐरूसलेम मै ला सकौं।
जो मजदूर है, बौ गरड़ीआ ना है, और नाई भेड़ौ को मालिक है, भिड़िया कै आते देख भेड़ौ कै छोड़कै भाज जावै है और भिड़िया झपटकै उनकै इतै-उतै भजा देवै है।
मेरे ताँई जो बी बाकै मुसीबत उठानी पड़ंगी उनके बारे मै मैं खुदई बाकै बताँगो।”
इसताँई ना बटुआ, ना झोला, ना जूता लो, और ना रस्ता मै किसी कै नमस्कार करौ।
