लूका 1:17 - बुक्सा

¹⁷ बौ एलिया की जैसी सकति और आत्‍मा मै होकै परभु के अग्गे-अग्गे चलैगो। बौ अब्बाऔं को मन उनकी औलादौं की ओर बापस मोड़ देगो और आगियाँ ना माननै बारौं कै ऐंसे बिचारौं की ओर फेर देगो जिस्सै कै बे धरमिऔं के जैसे बिचार रक्‍खैं। जौ सब, बौ लोगौं कै परभु के खातर तईयार कन्‍नै के ताँई करैगो।”

लूका 1:17 Referans Kwoze

मत्‍ती 11:14

तुम चाँहौ, तौ मेरी बात मान लो, एलिया जो आनै बारो हो, बौ जौई है।

लूका 1:76

और तू हे बालक, परमपरधान को नबी कैलागो, कैसेकै तू परभु को रस्ता तईयार कन्‍नै के ताँई बाके अग्गे-अग्गे चलैगो,

यहून्‍ना 3:28

तुम खुदई मेरे गभा हौ, जो मैंनै कैई ही कै, ‘मैं मसी ना हौं, पर बासै अग्गे भेजो गओ हौं।’

परकासन 20:4

फिर मैंनै सिंगासनौ कै देखो जिनमै कुछ लोग बैठे हे। उन लोगौ कै नियाय कन्‍नै को अधकार देओ गओ हो, और मैंनै उन लोगौ की आत्‍माऔ कै बी देखो, जिनकी खोपड़ी ईसु की गभाई दैनै और परमेसर के बचन के कारन काटी गंई हीं। और जिनौनै उस जनाबर या उसकी मूरती की कबी पूजा ना करी ही, और अपने हातौ या माथे मै उसको निसान ना लगाओ हो। बे फिर सै जिन्‍दे हो गए और उनौनै मसी के संग एक हजार बरस तक राज करो।

1 पतरस 2:9

पर तुम एक चुनो भओ बंस, राज कन्‍नै बारे बड़े पुजारी को समाज, पबित्‍तर लोग, और परमेसर के अपने लोग हौ। इसताँई तुम परमेसर की अच्‍छाई के बारे मै बोलौ, जिसनै तुमकै इन्धेरे सै अपनी एक अनौखी जोती मै बुलाओ है।

कुलुसिऔं 1:12

और अब्बा को धन्‍नबाद करते रौह, जिसनै हमकै जा लायक बनाओ कै हम उज्‍जेरे के राज मै रैहनै बारे पबित्‍तर लोगौ के संग हिस्सेदार बनै।

2 तीमुथियुस 2:21

अगर कोई अपने आपकै गलत बातौं सै दूर रखैगो, तौ बौ इज्‍जत को बरतन बनैगो और पबित्‍तर ठैरैगो, और मालिक के काम मै आगो और हर अच्‍छे काम के ताँई तईयार रैहगो।

रोमियो 9:23

जो दया के लोग बानै अपनी महिमा के ताँई पैलेसैई तईयार करे हे, उनके ऊपर बानै अपनी महिमा भरपूरी सै चमकाई।

चेलौ के काम 10:33

तबई मैंनै तुरन्‍त तेकै लैनै के ताँई अपने आदमी भेजे और तैनै बी अच्‍छो करो कै तू आ गओ। अब हम सिगरे जनी परमेसर के सामने हैं, और जो कुछ तेकै परभु नै कैई बौ हमकै सुना।”

यहून्‍ना 1:34

और मैंनै देखो और गभाई देई कै जौई परमेसर को लौंड़ा है।”

यहून्‍ना 1:13

बौ ना तौ खून सै, ना सरीर की इच्‍छा सै और ना आदमी की इच्‍छा सै, पर परमेसर सै पैदा भओ है।

लूका 1:16

और बौ ईसराइल के भौस्से लोगौ कै उनके परभु परमेसर की ओर लौहटा ले आगो।

मत्‍ती 14:4

कैसेकै यहून्‍ना नै बासै कैई ही कै, “इसकै रखनो तेरे ताँई ठीक ना है।”

1 यहून्‍ना 2:28

इसताँई बालकौ, अब तुम मसी मै बने रौह, जिस्सै कै जब बौ दुबारा आगो, तौ हम्मै हिम्मत होए और जब बौ आगो तौ बाके सामने हमरी बेजती ना होए।

मत्‍ती 3:4

यहून्‍ना के लत्‍ता ऊँट के बार की ऊन सै बने हे और बौ कमर मै चमड़ा को पट्‍टा बांधै हो। टिड्‍डी और जंगली सैंत बाको खानो हो।

मत्‍ती 3:3

जौ यहून्‍ना बौई है जिसके बारे मै नबी यसाया नै कैई ही, बियाबान मै एक पुकारनै बारे की अबाज है, “परभु के आनै के ताँई रस्ता तईयार करौ और बाके ताँई सड़कौं कै सीदी करौ।”