लूका 1:1 - बुक्सा

¹ आदरनीय थियोफुलुस भौस्से लोगौ नै उन बातौं कै जो हमरे बीच मै होवै हीं इतिहास लिखनै मै हात लगाओ है।

लूका 1:1 Referans Kwoze

1 तीमुथियुस 3:16

और जा बात मै कोई सक ना है कै जो अच्‍छी खबर हमकै मिली ही, बौ सबसै बड़ी है। मसी आदमी के सरीर के रूप मै जलम लेकै परकट भओ, और परमेसर के आत्‍मा नै बाकै धरमी ठैराओ, सुरगदूतौं नै बाकै देखो, दूसरे देस के लोगौ मै बाको परचार भओ। दुनिया के लोगौ नै बाके ऊपर बिसवास करो, और महिमा के संग बाकै ऊपर उठा लओ गओ।

यहून्‍ना 20:31

पर जे इसताँई लिखे गए हैं कै तुम बिसवास करौ, कै ईसुई परमेसर को लौंड़ा मसी है, और बिसवास करकै बाके नाम सै जिन्‍दगी पाऔ।

2 तीमुथियुस 4:17

पर परभु मेरे संग हो और बानै मैंकै हिम्मत दई और मैंकै जौ मौको दओ कै मैं बिना डरे जा पूरी खबर कै गैर यहूदी लोगौ कै सुना सकौं और तैनै मैंकै मौत के मौह सै बी बचाओ है।

मरकुस 16:20

और बाके चेलौ नै बाहार जाकै हर जघै अच्‍छी खबर को परचार करो, और परभु उनके दुआरा काम करतो रैहओ और संग-संग होनै बारे चमत्कारौं दुआरा परभु के बचन कै पक्‍को और साबित करतो रैहओ।

रोमियो 4:21

उसकै पक्‍को बिसवास हो कै परमेसर नै उसकै जो बादो देर खाओ है, बौ बाकै जरूर पूरो कर सकै है।

रोमियो 14:5

और फिर कोई किसी एक दिन कै सब दिनौ सै अच्‍छो मानै है और कोई सब दिनौ कै एक जैसे मानै है, तौ हर किसी कै पूरी तरै सै अपने मन की बात माननी चँईऐ।

कुलुसिऔं 2:2

जिस्सै उनके मनौ मै सान्‍ति होए और बे पियार की एकता के संग आपस मै बंधे रैंह, और बे पूरी समज को सैरो धन पाकै परमेसर के गुप्‍त बात कै, मतलब मसी कै पैचान लैं,

कुलुसिऔं 4:12

इपफरास जो तुमरे हिंया को है, बौ मसी ईसु को सेवक है, तुमकै नमस्कार कैबै है। बौ तुमरे ताँई हमेसा जौ पिराथना करतो रैहबै है कै तुम परमेसर की सिगरी मरजी के बारे मै पूरे तरीका सै समजकै और पक्‍के होकै टिके रौह।

1 थिसलुनीकियौ 1:5

कैसेकै हमरी अच्‍छी खबर तुमरे धौंरे सिरप बातौंई सै ना बलकन पबित्‍तर आत्‍मा की सकति और पक्‍के बिसवास सै तुम लोगौ के बीच मै पौंची है। तुम लोग जौ बी जानौ हौ कै हम जब तुमरे संग हे तौ तुमरे फाएदा के ताँई हमनै कैसी जिन्‍दगी बिताई ही।

इबरानिओ 6:11

हम जौ चाँहै हैं कै तुम सबई जनी ऐंसीई चाहत रक्‍खौ जिस्सै कै तुमकै आखरी तक आस कै पानै को पूरो यकीन हो।

इबरानिओ 10:22

तौ आऔ, बिसवास के पूरे भरोसे के संग और अपने दिल कै बुरे मन सै सुद्‍द करकै और अपने सरीर कै साप जल सै धोकै सच्‍चे दिल सै परमेसर के धौंरे जांऐ।