यहून्‍ना 9:3 - बुक्सा

³ ईसु नै जबाब दओ, “ना तौ जा आदमी नै पाप करो, नाई जाके अईया-अब्बा नै पर जौ इसताँई अन्धो पैदा भओ कै परमेसर के काम जामै दिखाए जांऐ।

यहून्‍ना 9:3 Referans Kwoze

यहून्‍ना 11:4

पर जब ईसु नै जौ सुनी तौ कैई, “जौ बेमारी मौत की ना है, पर परमेसर की इज्‍जत के ताँई है, कै जाके दुआरा परमेसर के लौंड़ा की बड़ाई हो।”

यहून्‍ना 11:40

ईसु नै बासै कैई, “का मैंनै तेसै ना कैई ही कै अगर तू बिसवास करैगी तौ परमेसर की महिमा देखैगी?”

मत्‍ती 11:5

कै अन्धे देख रए हैं, लंगड़े चल रए हैं, कोढ़ी सुद्‍द करे जा रए हैं, बैहरे सुन रए हैं, मुरदे जिन्‍दे करे जा रए हैं, और कंगालौ कै अच्‍छी खबर सुनाई जा रई है।

चेलौ के काम 4:21

फिर उनौनै उनकै धमकाकै छोड़ दओ, और उनकै सजा दैनै के ताँई उनमै कोई बहानो ना मिलो। कैसेकै जो चमत्कार को काम भओ हो बाकै देक्‍कै लोग परमेसर की बड़ाई कर रए हे।

चेलौ के काम 28:4

जब बहाँ के रैहनै बारौ नै साँप कै बाके हात मै लटके भए देखो तौ आपस मै कैललगे कै, “का सच्‍ची मैई जौ आदमी खूनी है। जौ समन्‍दर सै तौ बच गओ पर नियाय को देबता जाकै जीनै ना देगो।”

1 यहून्‍ना 4:9

परमेसर नै अपनो पियार हमरे ऊपर ऐंसे दिखाओ कै बानै अपनो इकलौतो लौंड़ा जा दुनिया मै भेजो, जिस्सै कै हम बाके लौंड़ा के दुआरा जी सकैं।

1 यहून्‍ना 4:16

इसताँई हम बा पियार कै जानै हैं और बाके ऊपर भरोसो रक्‍खैं हैं, जो परमेसर सै हमकै मिलै है। परमेसर पियार है, और जो पियार मै बनो रैहबै है, बौ परमेसर मै बनो रैहबै है और परमेसर बामै।