9 जब उनौनै जौ सुनो तौ सबसै पैले बुड्ढे आदमी और फिर बड़े सै लेकै छोटे तक एक-एक करकै बहाँ सै जाल लगे, और ईसु इकलो रैह गओ, और बौ बईयर बहीं सामने खड़ी ही।
बे नियम की बात अपने अपने दिलौ मै लिखी भई दिखाबै हैं, और उनको मन बी गभाई देवै है और उनको मन कबी दोसी तौ कबी निरदोस ठैराबै है।
जब्बी हमरो मन हमकै दोसी ठैराबै है; तब हम जानै हैं कै परमेसर हमरे मन सै बड़ो है, और बौ सब कुछ जानै है।
तू जो कैबै है कै किसी बईयर सै गलत काम मत करौ, पर तू खुदई बईयरौं सै गलत काम करौगे का? तू जो मूरतिऔं सै नफरत करै है, पर खुदई मन्दरौं कै लूटै है का?
तब ईसु नै सीदे खड़े होकै बासै कैई, “हे नारी, बे कहाँ गए? का किसी नै बी तेरे ऊपर दोस ना लगाओ?”
ईसु नै फिर आदमिऔ सै कैई, “दुनिया को उज्जेरो मैं हौं। जो मेरे पीछे हो लंगे, बे इन्धेरे मै ना चलंगे, पर जिन्दगी को उज्जेरो उनकै मिलैगो।”
जब बानै जे बात कैंई, तौ उसके सब बिरोदी सरमिन्दा हो गए। उतै सैरी भीड़ उन अचम्बे कामौ सै जो बौ करै हो, खुसी मनाल लगी।
और सुबे होतेई बौ फिर मन्दर मै गओ। सबई आदमी बाके धौंरे आए। और ईसु बहाँ बैठकै उनकै उपदेस दैनै लगो।
तब फरीसी और सास्तरी लोग एक बईयर कै लाए जो गलत काम करते भए पकड़ी गई ही और बाकै आदमिऔ के सामने खड़ो करकै।
और बौ फिर झुक्कै धरती मै लिखल लगो।