यहून्‍ना 5:10 - बुक्सा

¹⁰ इसताँई यहूदी नेताऔं नै बासै, जो ठीक हो गओ हो कैई, “आज तौ आराम कन्‍नै को दिन है। तेरो सितरो उठानो हमरे नियम के खिलाप है।”

यहून्‍ना 5:10 Referans Kwoze

यहून्‍ना 9:16

इसताँई फरीसिऔं मै सै कुछ कैललगे, “जौ आदमी परमेसर की ओर सै ना है, कैसेकै बौ आराम कन्‍नै बारे दिन कै ना मानै है।” पर दूसरे कैललगे, “एक पापी आदमी ऐंसे चमत्कार के चिन्‍नौ कै कैसे दिखा सकै है?” और उनमै फूट पड़ गई।

लूका 6:2

तब कुछ फरीसी कैललगे, “तुम बौ काम काए करौ हौ जो आराम कन्‍नै बारे दिन कन्‍नो ठीक ना है?”

लूका 13:14

कैसेकै ईसु नै बौ आराम कन्‍नै बारे दिन ठीक करी ही, इसताँई पिराथना घर को मुखिया घुस्सा सै भरकै लोगौ सै कैललगो, “काम कन्‍नै के छै दिन होवै हैं तौ उनई दिनौ मै आकै ठीक हो जाऔ; पर आराम कन्‍नै बारे दिन मै ना।”

मरकुस 3:4

तब ईसु नै उन लोगौ सै पूँछी, “हमरे नियमौ के अनुसार का आराम कन्‍नै बारे दिन भलो कन्‍नो ठीक है या बुरो कन्‍नो, जान बचानो या मारनो?” पर बे चुप रैहए।

मरकुस 2:24

और फरीसी दल के लोग ईसु सै कैललगे, “देख, जो काम सब्‍त के दिन कन्‍नो मनैह है, जे काए बौई कर रऐ हैं?”

यहून्‍ना 5:16

कैसेकै बौ ऐंसे काम आराम के दिन करै हो, इसताँई यहूदी नेता ईसु कै सताल लगे।

यहून्‍ना 7:23

अगर आराम कन्‍नै बारे दिन किसी को खतना इसताँई करो जावै है कै मूसा को नियम ना टूटै तौ तुम मेरे ऊपर घुस्सा काए करौ हौ कै मैंनै आराम कन्‍नै बारे दिन एक आदमी कै पूरी तरै सै ठीक कर दओ हो?

लूका 23:56

फिर उनौनै घर लौहटकै खसबोईदार चीजौ और लेप तईयार करे। सब्‍त के दिन नियम के अनुसार उनौनै आराम करो।

मत्‍ती 12:10

बहाँ एक आदमी हो जिसको हात सूक चुको हो, ईसु के ऊपर दोस लगानै के ताँई लोगौ नै उस्सै जौ पूँछो, “का आराम कन्‍नै बारे दिन किसी कै ठीक कन्‍नो सई है?”

यहून्‍ना 1:19

यहून्‍ना की गभाई जौ ही, कै जब यहूदिऔं नै बाके धौंरे ऐरूसलेम सै पुजारिऔं और लेबिऔं कै जौ पूँछनै के ताँई भेजो, “तू कौन है?”

यहून्‍ना 5:11

बानै उनकै जबाब देओ, “जिसनै मैं ठीक करो, बाई नै मैंसै कैई, ‘अपनो सितरो उठा और चल फिर।’”

यहून्‍ना 5:15

बा आदमी नै जाकै यहूदी नेताऔं सै कैई, “जिसनै मैं ठीक करो, बौ ईसु है।”