यहून्‍ना 4:11 - बुक्सा

¹¹ बईयर नै ईसु सै कैई, “हे परभु, तेरे धौंरे तौ पानी लिकान्‍नै के ताँई कुछ बी ना है, और कुआँ गैहरो है, तौ फिर बौ जिन्‍दगी को जल तेरे धौंरे कहाँ सै आओ?

यहून्‍ना 4:11 Referans Kwoze

1 कुरन्‍थियों 2:14

पर जा दुनिया के लोग परमेसर की आत्‍मा की बातौं कै ना मानै हैं, कैसेकै बे बात उन लोगौ की नजरौ मै मूरखता बारी हैं। बे इनकै ना समज सकै हैं, कैसेकै इन बातौं की परख आत्‍मा करै है।

यहून्‍ना 3:4

नीकुदेमुस नै उस्सै पूँछी, “बुढ्ढो आदमी कैसे जलम ले सकै है? का बौ अपनी अईया के गरब मै दूसरी दफै भीतर जाकै जलम ले सकै है?”

यहून्‍ना 4:14

पर जो कोई उस जल मै सै पियैगो जो मैं बाकै देंगो, बौ फिर जिन्‍दगी भर कबी पियासो ना होगो, पर जो जल मैं बाकै देंगो, बौ बामै एक सोता बन जागो, जो हमेसा की जिन्‍दगी के ताँई उमड़तो रैहगो।”

यहून्‍ना 7:37

तौहार के आखरी और खास दिन मै, ईसु खड़ो भओ, और जोर सै कैललगो, “अगर कोई पियासो है तौ मेरे धौंरे आय और पिऐ।

चेलौ के काम 10:14

पतरस नै कैई कै, “परभु, मैंनै अपबित्‍तर और असुद्‍द चीज कबी ना खाँई।”

परकासन 7:17

कैसेकै मैमना जो सिंगासन के बीच मै है उनकी रखबारी करैगो और उनकै जिन्‍दगी दैनै बारे जल के सोतौं के धौंरे ले जाऐ करैगो और परमेसर उनकी आँखौ सै सब असुआ पछौन डारैगो।”

परकासन 21:6

फिर उसनै मैंसै कैई, “सब कुछ पूरो हो चुको है। मैंई पैलो और आखरी हौं, मैंई सुरूआत और अन्‍त हौं। जो बी पियासो है, मैं उसकै जिन्‍दगी के जल के सोत सै मुफत मै पिबांगो।

परकासन 22:1

फिर उस सुरगदूत नै मैंकै जिन्‍दगी के जल की नद्‍दी दिखाई, जो काँच के जैसे चमक रई ही, जो परमेसर और मैमना के सिंगासन सै बैह रई ही।

परकासन 22:17

आत्‍मा और दुलहैन दौनौ कैबै हैं, “आ!” और सुन्‍नै बारो बी कैए, कै “आ!” और जो पियासो होए, बौ आए और जो कोई चाँहै बौ जिन्‍दगी को जल मुफत मै पी ले।