यहून्‍ना 3:8 - बुक्सा

⁸ हवा जितै चाँहबै है उतैइ चलै है और तू बाकी अबाज सुनै है, पर ना जानै है कै बौ कितै सै आवै है और कितै कै जावै है? जो कोई आत्‍मा सै जलमो है बौ ऐंसोई है।”

यहून्‍ना 3:8 Referans Kwoze

1 कुरन्‍थियों 2:11

जो बात आदमी के मन मै है, बाकै कोई दूसरो ना पर बाई की आत्‍मा समज सकै है। इसई तरीका सै परमेसर की सिगरी बातौं कै बी परमेसर की आत्‍मा समज सकै है।

चेलौ के काम 2:2

तबई अचानक आसमान मै सै बड़ी तेज आँधी के हाँई अबाज सुनाई दई और जिस घर मै बे बैठे हे, बामै भर गई।

1 यहून्‍ना 2:29

अगर तुम जौ जानौ हौ कै बौ धरमी है तौ तुम जौ बी जानौ हौ कै जो कोई धरम के काम करै है, बौ परमेसर की औलाद है।

चेलौ के काम 4:31

जब बे जौ पिराथना कर चुके हे, तौ बौ जघै जहाँ बे इखट्‍टे हे हल गई, और पबित्‍तर आत्‍मा सै भरकै, परमेसर को बचन हिम्मत के संग सुनाते रैहए।

1 कुरन्‍थियों 12:11

पर ऐंसी एक आत्‍मा है जो जे सिगरे काम करबाबै है, और अपनी मरजी सै जैसो जिसकै चाँहबै बैसोई बरदान दे देवै है।

यहून्‍ना 1:13

बौ ना तौ खून सै, ना सरीर की इच्‍छा सै और ना आदमी की इच्‍छा सै, पर परमेसर सै पैदा भओ है।

यहून्‍ना 3:7

मैंनै जो तुमसै कैई है उसमै अचम्बो मत करौ, ‘तुमकै नओ जलम लेनोई है।’

यहून्‍ना 3:9

नीकुदेमुस नै जबाब देते भए उस्सै कैई, “जौ सब कैसे हो सकै है?”