यहून्‍ना 3:5 - बुक्सा

⁵ ईसु नै जबाब देओ, “मैं तुमसै सच-सच कैरओ हौं, जब तक कोई आदमी पानी और आत्‍मा सै ना जलमै तब तक बौ परमेसर के राज मै ना जा सकै है।

यहून्‍ना 3:5 Referans Kwoze

चेलौ के काम 2:38

तबई पतरस नै उनसै कैई, “गलत काम सै मन फिराऔ और अपने पापौं की माफी के ताँई ईसु मसी के नाम मै जल संस्कार लो, तौ तुम पबित्‍तर आत्‍मा को दान पा सकौगे।

इफिसिऔ 5:26

जिस्सै कै बौ बचन के दुआरा पानी से नभा धुबा कै बाकै सुद्‍द करकै पबित्‍तर बनाऐ।

1 पतरस 3:21

जौ पानी बा जल संस्कार के हाँई है जिस्सै अब तुमकै मुक्‍ति मिलै है; जल संस्कार को मतलब सरीर को मैल धोनो ना हैं बलकन सच्‍चे मन सै परमेसर के संग बादो कन्‍नो है। जौ जल संस्कार ईसु मसी के फिर सै जिन्‍दे होनै के दुआरा हमरी मुक्‍ति करै है।

1 कुरन्‍थियों 6:11

और तुम्मै सै बी कुछ लोग ऐंसेई हे, पर अब परभु ईसु मसी के नाम सै और हमरे परमेसर की आत्‍मा सै धोकै, पबित्‍तर और धरमी ठैरे हौ।

मत्‍ती 3:11

मैं तौ पानी सै तुमकै मन फिरानै को जल संस्कार देवौ हौं, पर जो मेरे बाद आनै बारो है, बौ मैंसै महान है, मैं तौ उसके जूता के फीता खोलनै के लायक बी ना हौं, बौ तुमकै पबित्‍तर आत्‍मा और आग सै जल संस्कार देगो।

यहून्‍ना 3:3

ईसु नै जबाब देते भए उस्सै कैई, “मैं तेसै सच-सच कैरओ हौं कै जब तक कोई नओ जलम ना लेए, तब तक बौ परमेसर के राज कै ना देख सकैगो।”

मरकुस 16:16

जो बिसवास करै और जल संस्कार लै उनकै मुक्‍ति मिलैगी, पर जो बिसवास ना करै बौ दोसी ठैराओ जागो।

1 कुरन्‍थियों 2:12

पर हमरे भीतर जा दुनिया की आत्‍मा ना पर बौ आत्‍मा है जो परमेसर की ओर सै मिली है। जिस्सै कै हम उन बातौं कै समज सकैं जिनकै परमेसर नै हमकै मुफत मै दओ है।

यहून्‍ना 1:13

बौ ना तौ खून सै, ना सरीर की इच्‍छा सै और ना आदमी की इच्‍छा सै, पर परमेसर सै पैदा भओ है।

1 यहून्‍ना 5:1

जो कोई जौ बिसवास करै है कै ईसुई मसी है, बौ परमेसर की औलाद बन गओ है, और जो कोई परम पिता सै पियार करै है, बौ बाकी औलाद सै बी पियार करै है।

1 यहून्‍ना 2:29

अगर तुम जौ जानौ हौ कै बौ धरमी है तौ तुम जौ बी जानौ हौ कै जो कोई धरम के काम करै है, बौ परमेसर की औलाद है।

गलातिऔ 6:15

कैसेकै ना तौ खतना को कुछ मतलब है और ना बगैर खतना को, और मतलब है तौ बौ जा बात को कै का हम नई रचना बने हैं या ना।

रोमियो 14:17

कैसेकै परमेसर को राज खानै पीनै को ना, पर धारमिकता, सान्‍ति और खुसी को है, जो पबित्‍तर आत्‍मा सै मिलै है।

मत्‍ती 28:19

इसताँई तुम जाकै सब जातिऔं के लोगौ कै चेला बनाऔ और उनकै अब्बा और पुत्‍तर और पबित्‍तर आत्‍मा के नाम सै जल संस्कार दो।

मत्‍ती 18:3

और कैई, “मैं तुमसै सच कैरओ हौं, अगर तुम ना बदलौ और बालकौ के जैसे ना बनौ, तौ सुरग के राज मै दाखिल ना हो पाऔगे।

1 पतरस 1:2

तुमकै परम पिता परमेसर पैलेई सै जानै हो और बानै तुमकै दूसरे लोगौ सै अगल छाँटो और पबित्‍तर आत्‍मा दुआरा पबित्‍तर करो गओ, ताकि तुम बाकी बात मानै और ईसु मसी के खून सै तुम साप हो जांऐ। तुमकै परमेसर की भौस्सी किरपा और सान्‍ति मिलती रैह।

चेलौ के काम 3:19

इसताँई तुम गलत कामौ सै अपनो मन फिराऔ और परमेसर की ओर लौहट आऔ जिस्सै कै तुमरे पाप माफ हो जाऐ।

लूका 13:3

बिलकुल ना, पर मैं तुमकै कैरओ हौं अगर तुम बी अपने पापौं कै ना छोड़ौगे तौ परमेसर तुम सबई कै बी बैसेई नास कर देगो।

मत्‍ती 5:20

मैं तुम लोगौ सै कैरओ हौं, अगर तुमरो धरमी होनो सास्तरिऔं और फरीसिऔं के धरमी होनै सै गैहरो ना भओ, तौ तुम सुरग के राज मै कबी ना पौंचौगे।

रोमियो 8:2

कैसेकै आत्‍मा के नियम नै, जो ईसु मसी दुआरा जिन्‍दगी देवै है, मैंकै पाप के नियम और मौत सै आजाद करो है।

लूका 13:24

“कुट्‍ट मौहड़े सै परमेसर के राज मै घुसनै की हर कोसिस करौ, मैं तुमकै बता रओ हौं कै भौस्से लोग भीतर जानै की कोसिस करंगे पर जा ना सकंगे।

लूका 13:5

बिलकुल ना, पर मैं तुमकै कैरओ हौं अगर तुम बी अपने पापौं कै ना छोड़ौगे तौ, तुम बी ऐंसेई नास हो जाऔगे।”

मत्‍ती 19:24

मैं जौ बी कैरओ हौं, कै सूंई के छेद सै ऊँट को लिकन्‍नो जादा आसान है, पर सेटौं को परमेसर के राज मै परबेस कन्‍नो मुसकल है।”

मत्‍ती 21:31

“बताऔ इन दौनौ मै सै किसनै अपने अब्बा की इच्‍छा पूरी करी?” उनौनै कैई, “बड़े नै।” ईसु नै उनसै कैई, “मैं तुमसै सच कैरओ हौं कै चुंगी लैनै बारे और रन्डी परमेसर के राज मै तुमसै पैले जांगे।

मरकुस 9:47

कांड़ो होकै परमेसर के राज मै परबेस कन्‍नो तुमरे ताँई दो आँख रैहते भए नरक मै डारनै सै अच्‍छो है। इसताँई अगर तेरी आँख तेसै पाप करबाय तौ उसकै लिकार दे।

मरकुस 10:14

जब ईसु नै जौ देखो तौ उसकै भौत घुस्सा आई। फिर उसनै उनसै कैई, “बालकौ कै मेरे धौंरे आन दो। उनकै मत रोकौ कैसेकै परमेसर को राज ऐंसोई को है।

यहून्‍ना 3:4

नीकुदेमुस नै उस्सै पूँछी, “बुढ्ढो आदमी कैसे जलम ले सकै है? का बौ अपनी अईया के गरब मै दूसरी दफै भीतर जाकै जलम ले सकै है?”

1 कुरन्‍थियों 15:50

हे भईयौ और बहनौ, मैं तुमकै जौ बोल रओ हौं कै, जा धरती को सरीर और खून परमेसर के राज के हकदार ना हो सकै हैं, और नास होनै बारी चीज, ना नास होनै बारी चीज के हकदार ना हो सकै हैं।