यहून्‍ना 3:12 - बुक्सा

¹² मैंनै तुमकै धरती की बात बताँई और तुमनै उनमै बिसवास ना करो, अगर मैं सुरग की बात बताऔं तौ तुम उनमै कैसे बिसवास करौगे?

यहून्‍ना 3:12 Referans Kwoze

इबरानिओ 5:11

जाके बारे मै कैनै के ताँई मेरे धौंरे भौत कुछ है, पर जिनकै समजानो मुसकल है, कैसेकै तुमरी बुद्‍धि कमजोर हो गई है।

यहून्‍ना 3:8

हवा जितै चाँहबै है उतैइ चलै है और तू बाकी अबाज सुनै है, पर ना जानै है कै बौ कितै सै आवै है और कितै कै जावै है? जो कोई आत्‍मा सै जलमो है बौ ऐंसोई है।”

यहून्‍ना 3:5

ईसु नै जबाब देओ, “मैं तुमसै सच-सच कैरओ हौं, जब तक कोई आदमी पानी और आत्‍मा सै ना जलमै तब तक बौ परमेसर के राज मै ना जा सकै है।

1 यहून्‍ना 4:10

पियार की पैचान जौ है कै हमनै पैले परमेसर कै ना, बलकन परमेसर नै हम सै पियार करो है और हमरे पापौं कै मिटानै के ताँई बानै अपनो लौंड़ा बलि होनै के ताँई भेजो।

1 तीमुथियुस 3:16

और जा बात मै कोई सक ना है कै जो अच्‍छी खबर हमकै मिली ही, बौ सबसै बड़ी है। मसी आदमी के सरीर के रूप मै जलम लेकै परकट भओ, और परमेसर के आत्‍मा नै बाकै धरमी ठैराओ, सुरगदूतौं नै बाकै देखो, दूसरे देस के लोगौ मै बाको परचार भओ। दुनिया के लोगौ नै बाके ऊपर बिसवास करो, और महिमा के संग बाकै ऊपर उठा लओ गओ।

यहून्‍ना 3:3

ईसु नै जबाब देते भए उस्सै कैई, “मैं तेसै सच-सच कैरओ हौं कै जब तक कोई नओ जलम ना लेए, तब तक बौ परमेसर के राज कै ना देख सकैगो।”

यहून्‍ना 3:11

मैं तुमसै सच-सच कैरओ हौं, हम जो जानै हैं बौ कैबै हैं, और जो हमनै देखो है बाकी गभाई देवै हैं, और तुम हमरी गभाई ना मानौ हौ।