यहून्‍ना 21:7 - बुक्सा

⁷ फिर ईसु के पियारे चेला नै पतरस सै कैई, “जौ तौ परभु है!” इसताँई जब समौन पतरस नै सुनो कै जौ परभु है तौ बानै अपनो ऊपर को पैहरनै बारो लत्‍ता कस लओ कैसेकै बानै लत्‍ता लिकार खाए हे और बौ झील मै कूद पड़ो।

यहून्‍ना 21:7 Referans Kwoze

यहून्‍ना 13:23

बाके चेलौ मै सै एक चेला ईसु की छाती की ओर झुक्‍कै बैठो भओ हो। जिस्सै ईसु पियार करै हो।

यहून्‍ना 20:2

फिर बौ भाजकै समौन पतरस और बा दूसरे चेला के धौंरे आई जिस्सै ईसु पियार करै हो, और उनसै कैललगी, “बे परभु कै कबर मै सै उठा ले गए हैं, और हमकै ना पतो कै उनौनै बौ कहाँ रखो है।”

यहून्‍ना 19:26

तौ जब ईसु नै अपनी अईया, और बा चेला कै जिस्सै बौ पियार करै हो, धौंरे खड़े भए देखे, तौ अपनी अईया सै कैई, “हे नारी! देख, जौ तेरो लौंड़ा।”

2 कुरन्‍थियों 5:14

कैसेकै मसी को पियार हमकै मजबूर कर देवै है, हम जौ समजै हैं कै जब एक आदमी सब लोगौ के ताँई मरै तौ सिगरे लोग बी मर गए।

यहून्‍ना 21:24

जौ बौई चेला हो जो इन बातौं की गभाई देवै है जिसनै जे बात लिखी हैं और हम जानै हैं कै बाकी गभाई सच्‍ची है।

यहून्‍ना 21:20

पतरस नै मुड़कै बौ चेला पीछे आते देखो, जिस्सै ईसु पियार करै हो, यानी बौई जिसनै खानै के टैम बाकी छाती की ओर झुकते भए पूँछी ही, “परभु, तेकै धोके सै पकड़बानै बारो कौन है?”

चेलौ के काम 10:36

जौ बौई बचन है जिसकै बानै ईसु मसी के दुआरा जो सबई को परभु है, सान्‍ति की अच्‍छी खबर देते भए ईसराइली लोगौ कै सुनाई ही।

चेलौ के काम 2:36

“इसताँई अब ईसराइल को सिगरो टब्बर जौ जरूरई जान लै कै परमेसर नै बा ईसु कै ‘परभु’ और ‘मसी’ ठैराओ हो जिसकै तुमनै कुरूस मै चढ़ाऔ।”

लूका 7:47

इसताँई मैं तेकै कैरओ हौं कै इसको जादा पियार बता रओ है कै इसके भौस्से पाप माफ कर दए गए हैं। पर बौ जिसकै थोड़े पापौं की माफी मिली है, बौ थोड़ो पियार करैगो।”

लूका 2:11

कै आज दाऊद के सैहर मै तुमरे ताँई एक मुक्‍तिदाता जलमो है और जौई मसी परभु है।

मरकुस 11:3

अगर कोई तुमसै कुछ कैए जौ का कर रए हौ? तौ कै देईओ, परभु कै इसकी जरूरत है, और बौ जल्दी उसकै हिंया भेज देगो।”

याकूब 2:1

हे मेरे भईयौ, तुम लोग महिमा बारे हमरे परभु ईसु मसी मै बिसवास करौ हौ इसताँई भेदभाब ना करौ।

1 कुरन्‍थियों 15:47

पैलो आदमी धरती की मट्‍टी सै बनाओ पर दूसरो आदमी मसी सुरग सै आओ।

यहून्‍ना 20:28

थौमा नै जबाब देते भए बासै कैई, “हे मेरे परभु, मेरे परमेसर!”

यहून्‍ना 20:20

जब बौ जौ कैह चुको तौ बानै उनकै अपने हात और अपनी बगल दिखाई। चेलौ नै जब परभु देखो तौ बे भौत खुस भए।

लूका 12:35

“करम कन्‍नै के ताँई हमेसा तईयार रैहऔ। और अपने दिया पजारकै रक्‍खौ।

यहून्‍ना 21:8

पर दूसरे चेला किसती मै मच्‍छी सै भरो भओ जार खैंचते भए आए कैसेकै बे किनार सै जादा दूर ना हे, पर करीब सौ मीटर की दूरी मै हे।