यहून्‍ना 2:2 - बुक्सा

² ईसु और बाके चेलौ को बी बिहा मै नौहतो हो।

यहून्‍ना 2:2 Referans Kwoze

कुलुसिऔं 3:17

तुम लोग जो बी बोलौ या करौ, बौ सबई परभु ईसु के नाम सै करे करौ, और बाईके दुआरा परमेसर अब्बा कै धन्‍नबाद देते रौह।

1 कुरन्‍थियों 7:39

जब तक जिस बईयर को लोग जिन्‍दो है, तब तक बौ बासै बंधी भई है। पर जब बाको लोग मर जाय, तौ जिस्सै चाँहै बासै बौ बिहा कर सकै है, पर सिरप परभु मै बिसवास कन्‍नै बारो आदमी होनो चँईऐ।

इबरानिओ 13:4

बिहा सब मै इज्‍जत की बात समजी जाऐ और लोग-बईयर एक दूसरे के संग बिसवासजोग रैंह। कैसेकै परमेसर बैबिचार कन्‍नै बारौ कै और गलत तरीका सै सरीरिक सम्बंध रखनै बारौ कै सजा देगो।

1 कुरन्‍थियों 10:31

इसताँई तुम लोग चाँहे खाऔ-पिऔ, या जो कुछ बी करौ, सब परमेसर की बड़ाई के ताँई करौ।

मत्‍ती 25:45

“तब राजा उनकै जबाब देगो, ‘मैं तुमसै सच कैरओ हौं कै तुमनै जो इन छोटे से छोटौ मै सै किसी एक के संग ना करो, बौ मेरे संग बी ना करो।’

मत्‍ती 25:40

“तब राजा उनकै जबाब देगो, ‘मैं तुमसै सच कैरओ हौं, कै तुमनै जो मेरे इन छोटे से छोटे भईयौ मै सै किसी एक के संग करो, बौ तुमनै मेरे ताँई करो।’

मत्‍ती 12:19

बौ ना तौ झगड़ैगो और ना चिल्‍लागो, और ना बजारौं मै कोई उसकी अबाज सुनैगो।

परकासन 3:20

देख मैं मौहड़े मै खड़ो भओ खटखटा रओ हौं, अगर कोई मेरी अबाज सुनकै किबाड़ खोलैगो, तौ मैं बाके धौंरे भीतर आकै बाके संग खानो खांगो और बौ मेरे संग खानो खागो।

यहून्‍ना 2:3

जब बहाँ अंगूर को रस खतम हो गओ, तौ ईसु की अईया नै ईसु सै कैई, “इनके धौंरे अंगूर को रस खतम हो गओ है।”

यहून्‍ना 2:12

इसके बाद ईसु और उसकी अईया और भईया और चेला कफरनहूम मै गए और बहाँ कुछ दिन रैहए।

यहून्‍ना 2:17

तब उसके चेलौ कै याद आई कै पबित्‍तर सास्तर मै लिखो है, “तेरे घर के ताँई मेरो पियार मैंकै खा जागो।”

यहून्‍ना 2:22

जब बौ मरे भएऔं मै सै जिन्‍दो करो तब उसके चेलौ कै याद आई कै ईसु नै जौ कैई ही, इसताँई उनौनै पबित्‍तर सास्तर और बा बचन मै बिसवास करो जो ईसु नै कैओ हो।

यहून्‍ना 3:22

इसके बाद ईसु और उसके चेला यहूदिया मुलक मै आए, और बौ बहाँ उनके संग रैहकै जल संस्कार देल लगो।

यहून्‍ना 4:2

ईसु खुद ना पर बाके चेला जल संस्कार दे रए हे।

यहून्‍ना 4:8

कैसेकै बाके चेला तौ सैहर मै खानो मोल लैनै गए हे।

यहून्‍ना 4:33

चेला आपस मै कैललगे, “कहीं कोई बाके ताँई रोटी तौ ना लाओ है?”

यहून्‍ना 6:8

बाके चेलौ मै सै अन्‍दरयास जो समौन पतरस को भईया हो बानै कैई,

यहून्‍ना 6:12

जब उनको पेट भर गओ तौ ईसु नै अपने चेलौ सै कैई, “जो टुकड़ा बचे हैं, उनकै इखट्‍टो कर लो जिस्सै कै कुछ बेकार ना जाऐ।”

यहून्‍ना 6:16

जब साँज भई, तौ बाके चेला नीचे उतरकै झील के किनार गए।

यहून्‍ना 6:60

इसताँई बाके चेलौ मै सै भौतौं नै जब जौ सुनो तौ कैई, “जौ तौ कठिन बात है, इसकै कौन मान सकै है?”

यहून्‍ना 6:66

इसके बाद ईसु के चेलौ मै सै भौत से बापस चले गए और फिर बाके संग ना चले।

यहून्‍ना 6:67

तब ईसु नै उन बारैह चेलौ सै कैई, “का तुम बी चले जानो चाँहबौ हौ?”

यहून्‍ना 6:70

ईसु नै उनकै जबाब देओ, “का मैंनै तुम बारौंह कै ना चुनो है? तब बी तुम्मै सै एक सैतान है।”

यहून्‍ना 6:71

जौ बात बानै समौन इसकरोती के लौंड़ा यहूदा के बारे मै कैई ही, कैसेकै बौई बारौंह मै सै एक हो, जो बाकै पकड़बानै बारो हो।

यहून्‍ना 7:3

इसताँई ईसु के भईयौ नै बासै कैई, “इस जघै कै छोड़कै तेकै यहूदिया चले जानो चँईऐ। ताकि तेरे चेला बी उन कामौ कै देख सकै जिनकै तू करै है।

चेलौ के काम 11:26

जब बौ बासै मिलो तौ तबई बाकै बी अन्‍ताकिया मै लिआओ और बे एक साल तक बिसवासिऔ की मंडली के लोगौ सै मिलते रैहए और भौस्से लोगौ कै सिकाते रैहए और सबसै पैले चेलौ कै अन्‍ताकिया मै “मसी” कैओ गओ।

चेलौ के काम 11:29

तबई चेलौ नै फैसला करो कै यहूदिया मुलक मै बिसवासी भईयौ की सायता के ताँई अपनी कमाई मै सै कुछ भेजैं।