यहून्‍ना 17:9 - बुक्सा

⁹ मैं उनके ताँई पिराथना करौ हौं, दुनिया के ताँई पिराथना ना करौ हौं, पर उनके ताँई करौ हौं जिनकै तैनै मैंकै दओ है, कैसेकै बे तेरे हैं।

यहून्‍ना 17:9 Referans Kwoze

इबरानिओ 9:24

कैसेकै मसी आदमी के हात सै बनाई भई पबित्‍तर जघै मै ना गओ जो सच्‍चे पबित्‍तर जघै की एक नकल है। पर अब हमरी ओर सै बौ परमेसर के सामने परकट होनै के ताँई सुरग मै गओ।

यहून्‍ना 17:2

तैनै तौ उसकै सिगरी मानब जाति मै अधकार दओ है, कै बौ उन सबकै जिनकै तैनै उसकै दओ है, उनकै हमेसा की जिन्‍दगी दे।

यहून्‍ना 17:6

“मैंनै तेरो नाम उन आदमिऔ मै परकट करो है जो तैनै दुनिया मै सै मैंकै दए। बे तेरे हैं, और तैनै बे मैंकै दए और उनौनै तेरे बचन मान लए हैं।

यहून्‍ना 17:20

मैं सिरप इनौई के ताँई पिराथना ना करौं हौं, पर उनके ताँई बी जो इनौके बचनौ के दुआरा मेरे ऊपर बिसवास करंगे,

लूका 22:32

पर मैंनै तेरे ताँई पिराथना करी है कै तेरो बिसवास ना डगमगाय और जब तू बापस मेरे धौंरे लौहट आए तौ अपने भईयौ को बिसवास मजबूत बना।”

1 यहून्‍ना 5:19

हम जानै हैं कै हम परमेसर सै हैं। मगर जौ सिगरी दुनिया बा दुसट के बस मै है।

यहून्‍ना 14:16

और मैं अब्बा सै बिनती करंगो, और बौ तुमकै एक और सायता कन्‍नै बारो देगो, कै बौ हमेसा तुमरे संग रैहबै।

परकासन 20:15

और जिस किसी को नाम जिन्‍दगी की किताब मै लिखो भओ ना मिलो, बौ आग की झील मै डारो जागो।

परकासन 13:8

और धरती मै बे सब रैहनै बारे उस जनाबर की पूजा करंगे जिनके नाम दुनिया की सुरूआत सैई मारे भए मैमना की जिन्‍दगी की किताब मै ना लिखे गए हैं।

इबरानिओ 7:25

इस बजै सै ईसु उनकै पूरी मुक्‍ति दे सकै है, जो लोग बाके दुआरा परमेसर के धौंरे आवै हैं। कैसेकै बौ उनके ताँई पिराथना कन्‍नै के ताँई हमेसा जिन्‍दो है।

परकासन 12:9

और उस बड़े से अजगर कै जो पुरानो साँप है, जिसकै सबसै बड़ी दुसट आत्‍मा और सैतान कैबै हैं। जो सिगरी दुनिया कै भटकावै है उसकै और उसके दूतौ कै धरती मै फैंक दओ गओ।

लूका 8:34

जौ देखकै सूअर चुंगानै बारे भाज गए और उनौनै इसकी खबर सैहर और गामौ मै फैला दई।

लूका 23:34

तब ईसु नै कैई, “हे पिता, इनकै माफ कर, कैसेकै जे ना जानै हैं कै, का कर रए हैं।” तब उनौनै परची डारकै ईसु के लत्‍ता आपस मै बाँट लए

यहून्‍ना 6:37

जो कुछ अब्बा मैंकै देवै है, बौ सब मेरे धौंरे आगो, और जो कोई बी मेरे धौंरे आगो बाकै कबी ना लिकारंगो।

यहून्‍ना 6:39

जिसनै मैं भेजो बाकी जौ इच्‍छा है, कै बौ सब जो बानै मैंकै दओ है, बामै सै कुछ बी ना खोवौं, पर आखरी दिन मै बाकै जिन्‍दो करौं।