यहून्‍ना 16:3 - बुक्सा

³ और बे ऐंसो इसताँई करंगे कैसेकै उनौनै ना तौ अब्बा जानो और ना मैं।

यहून्‍ना 16:3 Referans Kwoze

यहून्‍ना 15:21

पर जे सब बात बे मेरे नाम के बजै सै तुमरे संग करंगे, कैसेकै बे बाकै ना जानै हैं जिसनै मैं भेजो हौं।

यहून्‍ना 17:25

हे धरमी अब्बा, दुनिया नै तू ना जानो, फिर बी मैंनै तू जानो, और इन चेलौ नै बी जानो है कै तैनैई मैं भेजो हौं,

2 थिसलुनीकियौ 1:8

धदकती भई आग के संग परकट होगो। और जो परमेसर कै ना मानै हैं और हमरे परभु ईसु की अच्‍छी खबर के हिसाब सै ना चलै हैं, उनकै सजा देंगे।

यहून्‍ना 8:55

तुम तौ बाकै ना जानौ हौ, पर मैं बाकै जानौ हौं। अगर मैं कैंऔ कै मैं बाकै ना जानौ हौं, तौ मैं तुमरे जैसो झूँटो कैलांगो, पर मैं बाकै जानौ हौं और बाके बचनौ मै चलौ हौं।

यहून्‍ना 8:19

तब बे बासै कैललगे, “तेरो अब्बा कहाँ है?” ईसु नै जबाब देओ, “तुम ना तौ मैंकै जानौ हौ और ना मेरे अब्बा कै, अगर तुम मैंकै जानते तौ मेरे अब्बा कै बी जानते।”

1 यहून्‍ना 4:8

और जो पियार ना करै है, बौ परमेसर कै ना जानै है, कैसेकै परमेसरई पियार है।

1 यहून्‍ना 3:1

देखौ परम पिता परमेसर नै हम सै कितनो पियार करो है, कै हम बाकी औलाद कैलाए, और हम हैं बी। दुनिया हमकै ना जानै है, कैसेकै दुनिया नै परमेसर कै ना जानो।

यहून्‍ना 17:3

और हमेसा की जिन्‍दगी जौ है कै बे तेकै जो एकमातर सच्‍चो परमेसर और ईसु मसी कै, जिसकै तैनै भेजो है, जानै।

1 यहून्‍ना 5:20

हम जानै हैं कै परमेसर को लौंड़ा आ गओ है और बानै हमकै समज दई, ताकि हम बा सच्‍चे परमेसर कै जान लैं और बामै बने रैंह जो सच्‍चो है, कैसेकै हम बाके लौंड़ा ईसु मसी मै बने रैहबै हैं। जौई सच्‍चो परमेसर है और हमेसा की जिन्‍दगी है।

1 कुरन्‍थियों 2:8

और जा दुनिया को कोई बी राजा इन बुद्‍धि की बातौं कै ना समजो। अगर समज पाते तौ बे महिमा के परभु कै कुरूस मै ना चढ़ाते।

यहून्‍ना 15:23

“जो मैंसै नफरत करै है बौ मेरे अब्बा सै बी नफरत करै है।

लूका 10:22

“मेरे अब्बा नै मैंकै सब कुछ सौंप दओ है। अब्बा कै छोड़कै जौ कोई बी ना जानै है कै लौंड़ा कौन है और लौंड़ा कै छोड़कै जौ कोई बी ना जानै है कै अब्बा कौन है। सिरप बौई जानै है, जिसके ऊपर लौंड़ा नै, अब्बा कै जान्‍नै की किरपा करी है।”

1 तीमुथियुस 1:13

मैं पैले मसी के खिलाप बुराई कन्‍नै बारो और सतानै बारो और अनियाय कन्‍नै बारो हो, पर तौबी मेरे ऊपर दया करी, कैसेकै मैं जे काम बिना सोचे समजे और बिना बिसवास सै करै हो।

चेलौ के काम 3:17

“हे भईयौ, अब मैं जानौ हौं कै जौ काम तुमनै मूरखता सै करो है, बैसेई तुमरे नेताऔं नै बी करो।

1 यहून्‍ना 2:23

जो कोई लौंड़ा कै ना मानै है, बाके धौंरे अब्बा बी ना है, पर जो कोई लौंड़ा कै मानै है, बाके धौंरे अब्बा है।