यहून्‍ना 13:10 - बुक्सा

¹⁰ ईसु नै बासै कैई, “जो नहालओ है बाकै तौ बस अपने पाँऐ कैई धोनै की जरूरत है, कैसेकै बौ बाहार सै सुद्‍द है और तुम सुद्‍द हौ, पर तुम्मै सबके सब ना।”

यहून्‍ना 13:10 Referans Kwoze

यहून्‍ना 15:3

तुम बा बचन के बजै सै सुद्‍द हो चुके हौ जो मैंनै तुमसै कैई है।

2 कुरन्‍थियों 5:17

कैसेकै अगर कोई मसी मै है, तौ बौ एक नओ आदमी है। सिगरी पुरानी बात खतम हो गंई, और सब नओ हो गओ है।

2 कुरन्‍थियों 7:1

हे मेरे पियारे सातिऔं, जब हमकै जे बादे मिले हैं, तौ आऔ हम बा चीज कै सुद्‍द करैं जो हमरे सरीर और आत्‍मा कै असुद्‍द बनाबै हैं, और परमेसर को डर मानते भए पबित्‍तर बनौ।

2 कुरन्‍थियों 5:21

मसी नै कोई पाप ना करो हो, पर बाकै हमरे ताँई परमेसर नै पाप बना दओ जिस्सै कै हम परमेसर की धारमिकता मै साजेदार हौं।

याकूब 3:2

इसताँई कै हम सै भौस्सी बातौं मै गलती हो जावै हैं। जो कोई बोलनै मै गलती ना करै है, तौ बौ सिद्‍द है; और बौ अपने सिगरे सरीर कै बस मै कर सकै है।

इबरानिओ 9:10

जे तौ सिरप खानै पीनै की चीजौ और अगल अगल तरीका सै नाहनै-धोनै के सरीर के नियम हैं, जे नियम तौ चलते रैहबै हैं जब तक कै नए बिधि-बिधान ना आ जांऐ।

1 थिसलुनीकियौ 5:23

सान्‍ति दैनै बारो परमेसर खुदई तुमकै पूरी तरै पबित्‍तर करै; और तुमरी आत्‍मा, पिरान और सरीर कै हमरे परभु ईसु मसी के आनै तक निरदोस रखैगो।

मत्‍ती 6:12

और जिस तरै हमनै अपने अपरादी माफ करे हैं, बैसेई तू बी हमरे अपरादौं कै माफ कर।

यहून्‍ना 13:9

समौन पतरस नै बासै कैई, “परभु, पाँऐई ना पर मेरे हात और खोपड़ी बी धो दे।”

यहून्‍ना 13:18

“मैं तुम सबई के बारे मै ना कैबौ हौं। मैं उनकै जानौ हौं जो मैंनै चुन लए हैं, पर जौ इसताँई है, कै पबित्‍तर सास्तर को जौ बचन पूरो भओ कै ‘बौ जो मेरी रोटी खावै है, बौई मेरे बिरोद मै हो गओ।’