यहून्‍ना 11:11 - बुक्सा

¹¹ ऐंसो कैनै के बाद बानै फिर उनसै कैई, “हमरो दोस्त लाजर सो गओ है, पर मैं बाकै जगानै जा रओ हौं।”

यहून्‍ना 11:11 Referans Kwoze

यहून्‍ना 11:13

ईसु नै तौ बाकी मौत के बारे मै कैई ही, पर उनौनै सोचो कै बौ नींद सै सो जानै के बारे मै कैरओ है।

1 थिसलुनीकियौ 5:10

बौ हमरे ताँई इसताँई मरो जिस्सै कै हम चाँहे जिन्‍दे रैंह या मर गए हौं, जब बौ बापस आगो सबई मिलकै बाईके संग जिन्‍दगी जीऐं।

1 कुरन्‍थियों 15:51

सुनौ, मैं तुमकै एक छिपी भई बात कैरओ हौं कै, हम सबई मरंगे ना पर सबई बदल जांगे।

चेलौ के काम 7:60

फिर बानै घूंटे के बल टिक कै जोर सै कैई कै, “हे परभु, जौ पाप उनके ऊपर मत लगईए।” और जौ कैह कै बानै अपने पिरान छोड़ दए। सितेफनुस कै मारनै के ताँई साऊल को बी हात हो।

मत्‍ती 27:52

कबर खुल गंई, और भौत से मरे भए पबित्‍तर लोगौ के सरीर फिर सै जिन्‍दे हो गए।

इफिसिऔ 5:14

कैसेकै जोती आई है, जो सबई कुछ कै परकट करै है। इसताँई ऐंसो कैओ गओ है कै, “ओ सोनै बारे जगौ, और मरे भएऔं मै सै जिन्‍दे हो जाऔ, और मसी को उज्‍जेरो तुमरे ऊपर चमकैगो।”

मरकुस 5:39

तब उसनै भीतर जाकै उस्सै कैई, “तुम काए रोबा-राट कर रए और हल्‍ला मचा रए हौ? लौंड़िया मरी ना है, पर सो रई है।”

मत्‍ती 9:24

“हट जाऔ, लौंड़िया मरी ना है, पर सो रई है।” इस बात मै बे उसकी हसी उड़ाल लगे।

याकूब 2:23

और पबित्‍तर सास्तर को जौ बचन पूरो भओ कै, “इब्राहिम नै परमेसर के ऊपर बिसवास करो, और जाई बिसवास की बजै सै धरमी ठैरो।” और बौ परमेसर को दोस्त कैहलाओ।

1 कुरन्‍थियों 15:34

होस मै आकै सई तरीका सै सोचौ, और पाप कन्‍नो छोड़ौ। कैसेकै तुम्मै सै कुछ ऐंसे हैं, जो परमेसर के बारे मै कुछ बी ना जानै हैं। मैं जौ सबई इसताँई कैरओ हौं कै तुमकै सरम आय।

1 कुरन्‍थियों 15:18

अगर ऐंसी बात है तौ फिर बे लोग जो मसी मै बिसवास करते भए मर गए, बे बी नास भए।

यहून्‍ना 11:3

इसताँई बाकी बहनौ नै ईसु कै जौ सन्‍देसो भेजो, “परभु देख, जिस्सै तू पियार करै है बौ बेमार है।”

यहून्‍ना 3:29

दूलाह बौई है जिसकी दुलहैन है, पर दूलाह को दोस्त जो खड़ो भओ बाकी सुनै है, दूलाह की अबाज सुनकै खुस होवै है और बैसेई मेरी जौई खुसी पूरी भई है।

यहून्‍ना 11:10

पर अगर कोई रात मै चलै तौ बौ ठोकर खावै है, कैसेकै बाके धौंरे उज्‍जेरो ना होवै है।”

यहून्‍ना 11:12

इसताँई चेलौ नै बासै कैई, “परभु, अगर बौ सो गओ है तौ बौ बच जागो।”