यहून्‍ना 10:4 - बुक्सा

⁴ जब बौ अपनी सब भेड़ौ कै बाहार लिकार लेबै है तौ उनके अग्गे-अग्गे चलै है, और भेड़ बाके पिच्‍छे पिच्‍छे हो लेबै हैं कैसेकै बे बाकी अबाज पैचानै हैं।

यहून्‍ना 10:4 Referans Kwoze

यहून्‍ना 10:16

मेरी और बी भेड़ हैं, जो इस बाडे़ की ना हैं। मैंकै उनकै बी लानो जरूरी है, और बे मेरी अबाज सुनंगी, तब उनको एकई झुन्ड और एकई गरड़ीआ होगो।

यहून्‍ना 12:26

अगर कोई मेरी सेवा करै है तौ बौ मेरे पीछे हो ले, और जहाँ मैं हौं बहाँ मेरो सेवक बी होगो। अगर कोई मेरी सेवा करै तौ अब्बा बाकी इज्‍जत करैगो।

यहून्‍ना 18:37

इसताँई पीलातुस नै बासै कैई, “तौ का तू राजा है?” ईसु नै जबाब दओ, “तू ठीक कैबै है कै मैं राजा हौं। मैंनै इसताँई जलम लेओ और इसताँई दुनिया मै आओ हौं कै सच की गभाई दौं। हर एक बौ जो सच को है, मेरी अबाज सुनै है।”

1 पतरस 2:21

और तुम जाई के ताँई बुलाए गए हौ कैसेकै मसी नै बी तुमरे ताँई दुख उठाओ है और जौ तुमरे ताँई एक मिसाल है ताकि हम बी बाके हाँई चाल चल सकैं।

1 पतरस 5:3

जिन लोगौ कै तुमरे हात मै देओ है उनके ऊपर हक ना जमाऔ, पर उनके ताँई एक मिसाल बनौ।

1 कुरन्‍थियों 11:1

जैसो मैं मसी कै देक्‍कै करे करौ हौं तुम बी बैसेई मैंकै देक्‍कै करे करौ।

यहून्‍ना 10:8

जितने मैंसै पैले आए बे सब चोर और डाँकू हैं, पर भेड़ौ नै उनकी ना सुनी।

मत्‍ती 16:24

तब ईसु नै अपने चेलौ सै कैई, “अगर कोई मेरे पीछे आनो चाँहै, तौ अपने आप को इनकार करै और रोज बाकै दुख झेलनो पड़ैगो चाँए मौत बी आ जाय। तबई बौ मेरे पीछे आ सकै है।

इबरानिओ 12:2

हमरे बिसवास की सुरूआत कन्‍नै बारे और पक्‍को कन्‍नै बारे ईसु की ओर देखते रौह। ईसु नै लोगौ की बेजती कै अनदेखो करकै कुरूस को दुख झेलो जिस्सै कै बौ उनके ताँई रखी गई खुसी कै पाऐ। अब ईसु परमेसर के सिंगासन के खाने हात बैठो है।

इबरानिओ 6:20

जहाँ ईसु हमरी ओर सै, और हम सै पैलेई गओ। मलकीसदेक के हाँई ईसु बी हमेसा के ताँई बड़ो पुजारी बन गओ।

इफिसिऔ 5:1

तुम परमेसर की पियारी औलाद हौ, और जैसो बाको चाल-चलन है, बैसोई तुमरो बी होनो चँईऐ।

यहून्‍ना 3:29

दूलाह बौई है जिसकी दुलहैन है, पर दूलाह को दोस्त जो खड़ो भओ बाकी सुनै है, दूलाह की अबाज सुनकै खुस होवै है और बैसेई मेरी जौई खुसी पूरी भई है।

यहून्‍ना 13:15

कैसेकै मैंनै तुमरे सामने एक उदाहरन रखो है कै तुम बी बैसोई करौ जैसो मैंनै तुमरे संग करो।

1 पतरस 4:1

मसी नै अपने सरीर मै दुख उठाओ, इसताँई तुम बी ऐंसेई मन सै तईयार हो जाऔ, कैसेकै जिसनै सरीर मै दुख उठाओ है बौ पाप सै आजाद हो गओ है।

यहून्‍ना 10:3

चौकीदार बाके ताँई मौहड़ो खोलै है, और भेड़ बाकी अबाज पैचानै हैं, और बौ अपनी भेड़ौ को नाम ले-लेकै बुलाबै है और उनकै बाहार ले जावै है।

यहून्‍ना 10:5

और बे किसी दूसरे के पिच्‍छे कबी ना जांगी, पर बासै भाजंगी, कैसेकै बे दूसरौं की अबाज ना पैचानै हैं।”

यहून्‍ना 10:27

मेरी भेड़ मेरी अबाज सुनै हैं और मैं उनकै जानो हौं, और बे मेरे पीछे-पीछे चलै हैं।