यहून्‍ना 10:10 - बुक्सा

¹⁰ चोर सिरप चोरी कन्‍नै, हत्‍तिया कन्‍नै और नास कन्‍नै आवै है। मैं इसताँई आओ हौं कै बे भरपूर जिन्‍दगी पा सकैं।

यहून्‍ना 10:10 Referans Kwoze

लूका 19:10

और याद रक्‍खौ कै ‘मैं’ आदमी को लौंड़ा, इनके जैसे खोए भएऔं कै ढूंड़नै और उनको छुटकारो कन्‍नै आऔं हौं।”

यहून्‍ना 6:51

बौ जिन्‍दगी की रोटी मैं हौं, जो सुरग सै आवै है। अगर कोई जा रोटी मै सै खाऐ तौ बौ हमेसा जिन्‍दो रैहगो, और जो रोटी मैं दुनिया कै जिन्‍दगी के ताँई दंगो बौ मेरो मांस है।”

यहून्‍ना 12:47

अगर कोई मेरी बात सुनकै बाकै ना मानै तौ मैं बाकै दोसी ना ठैराबौ हौं, कैसेकै मैं दुनिया कै दोसी ठैरानै ना, पर दुनिया कै मुक्‍ति दैनै आओ हौं।

यहून्‍ना 6:33

परमेसर की रोटी तौ बौ है, जो सुरग सै उतरकै दुनिया कै जिन्‍दगी देवै है।”

यहून्‍ना 3:17

परमेसर नै अपनो लौंड़ा दुनिया मै इसताँई ना भेजो कै बौ दुनिया कै डन्ड की आगियाँ देए, पर इसताँई भेजो कै दुनिया उसके दुआरा मुक्‍ति पाय।

1 तीमुथियुस 1:15

जौ बात सच्‍ची है और हर तरै सै बिसवास के लायक है कै ईसु मसी जा दुनिया मै पापी लोगौ कै बचानै के ताँई आओ, और उन पापी लोगौ मै सबई सै बड़ो पापी मैं हौं।

यहून्‍ना 10:1

ईसु नै कैई, “मैं तुमसै सच-सच कैबौ हौं, जो भेड़साला मै मौहड़े सै भीतर ना जावै है, पर किसी दूसरी ओर सै चढ़कै बर जावै है, बौ चोर और डाँकू है।

मत्‍ती 20:28

कैसेकै आदमी को लौंड़ा बी अपनी सेवा करानै ना पर सेवा कन्‍नै और भौतौं की मुक्‍ति के ताँई अपने पिरान दैनै आओ है।”

इबरानिओ 7:25

इस बजै सै ईसु उनकै पूरी मुक्‍ति दे सकै है, जो लोग बाके दुआरा परमेसर के धौंरे आवै हैं। कैसेकै बौ उनके ताँई पिराथना कन्‍नै के ताँई हमेसा जिन्‍दो है।

2 पतरस 1:11

और इसई तरै सै हमरे मुक्‍ति दैनै बारे परभु ईसु मसी के हमेसा के राज मै बड़ी इज्‍जत के संग तुमरो सुआगत करो जागो।

इबरानिओ 6:17

परमेसर अपने बादे के बारिसौ कै जौ बात साप तरीका सै दिखानो चाँहै है कै बाको मकसद बदल ना सकै है इसताँई बानै कसम खाकै पक्‍को कर दओ।

मत्‍ती 23:13

“अरे कपटी सास्तरिऔं और फरीसिऔं! तुम्मै धिक्‍कार है। तुम लोगौ के ताँई सुरग के राज को मौहड़ो बन्‍द कर देवौ हौ तुम खुद तौ ना जाबौ हौ पर जो जानो चाँहै है, उनकै रोक देवौ हौ।

रोमियो 2:21

का तू जो दूसरौं कै सिकाबै है, अपने आपकै ना सिकाबै है? का तू जो चोरी ना कन्‍नै के बारे मै परचार करै है, और खुदई चोरी करै है?

मत्‍ती 18:10

“चौकस रैहऔ, इन छोटौ मै सै एक कै बी बेकार ना समजौ, मैं तुमसै कैरओ हौं, उनके दूत सुरग मै लगातार मेरे सुरग के अब्बा के दरसन करैं हैं।

मरकुस 11:17

फिर बानै सिकाते भए उनसै कैई, “पबित्‍तर सास्तरौं मै लिखो है, ‘मेरो घर सब जाति के लोगौ के ताँई पिराथना को घर कैलागो?’ पर तुम लोगौ नै जौ डाँकुऔं को अड्‍डा बना दओ है।”

यहून्‍ना 12:6

बानै जौ इसताँई ना कैई कै बाकै गरीबौ की फिकर ही, पर इसताँई कै बौ चोर हो, और बाके धौंरे रुपियौ की थैलिया रैहबै ही, और बामै सै चुरा लेबै हो।

मत्‍ती 21:13

और उनसै कैई, “पबित्‍तर सास्तर मै लिखो है, कै मेरो घर पिराथना को घर कैलागो, पर तुम इसकै डाँकुऔं को अड्‍डा बना रए हौ।”

यहून्‍ना 5:40

फिर बी तुम जिन्‍दगी पानै के ताँई, मेरे धौंरे आनो ना चाँहौ हौ।

यहून्‍ना 10:11

“अच्‍छो गरड़ीआ मैं हौं, अच्‍छो गरड़ीआ भेड़ौ के ताँई अपनी जान देवै है।

मत्‍ती 18:11

जो खो गओ हो उसई कै बचानै के ताँई आदमी को लौंड़ा आओ है।