यहून्‍ना 1:10 - बुक्सा

¹⁰ बौ दुनिया मै हो और दुनिया बाके दुआरा बनाई गई और दुनिया नै बौ ना पैचानो।

यहून्‍ना 1:10 Referans Kwoze

यहून्‍ना 17:25

हे धरमी अब्बा, दुनिया नै तू ना जानो, फिर बी मैंनै तू जानो, और इन चेलौ नै बी जानो है कै तैनैई मैं भेजो हौं,

1 यहून्‍ना 3:1

देखौ परम पिता परमेसर नै हम सै कितनो पियार करो है, कै हम बाकी औलाद कैलाए, और हम हैं बी। दुनिया हमकै ना जानै है, कैसेकै दुनिया नै परमेसर कै ना जानो।

1 कुरन्‍थियों 2:8

और जा दुनिया को कोई बी राजा इन बुद्‍धि की बातौं कै ना समजो। अगर समज पाते तौ बे महिमा के परभु कै कुरूस मै ना चढ़ाते।

1 कुरन्‍थियों 1:21

कैसेकै परमेसर के बुद्‍धि के हिसाब सै जा दुनिया के लोग अपनेई बुद्‍धि सै परमेसर कै ना जानै हैं। तबई परमेसर कै जौ अच्‍छो लगो कै जिन परचार कन्‍नै बारे लोगौ कै जा दुनिया के लोगौ नै मूरख समजो उनई के परचार के दुआरा बिसवास कन्‍नै बारौ के ताँई मुक्‍ति को रस्ता खुलो।

मत्‍ती 11:27

“मेरे अब्बा नै मैंकै सब कुछ सौंपो है, अब्बा कै छोड़कै कोई बी लौंड़ा कै ना जानै है, इसई हाँई अब्बा कै कोई बी ना जानै है, सिरप लौंड़ा जानै है और बौई, जिसके ऊपर लौंड़ा उसकै परकट कन्‍नो चाँहै है।

इबरानिओ 11:3

बिसवास सैई हम जौ जानै हैं कै परमेसर नै सिगरी दुनिया कै अपने मौह के बोल सैई बनाओ। इसताँई हमकै जौ पतो चलो है कै जो कुछ बी हम देखैं हैं बौ सिगरो किसी बी दिखाई दैनै बारी चीजौ सै ना बनार खाओ है।

यहून्‍ना 1:18

परमेसर कै किसी नै कबी ना देखो, परमेसर को इकलौतो लौंड़ा जो खुद परमेसर है और अब्बा के संग है, बाई नै बौ परकट करो है।

यहून्‍ना 1:5

और जोती इन्धेरे मै चमकै है, पर इन्धेरो बाकै जीत ना सको।

चेलौ के काम 14:17

तौबी बौ अपने भले कामौ के दुआरा तुमकै अपनी गभाई देतो रैहऔ। बौ भलाई करते भए आसमान सै बरखा बरसातो जिस्सै कै अच्‍छी फसल पैदा होए। और बौ तुमकै रोटी देवै हो और तुमरे दिल कै खुसी सै भरै हो।”

यहून्‍ना 5:17

ईसु नै उनकै जबाब देते भए कैई, “मेरो अब्बा अब तक काम करै है, और मैं बी काम करौ हौं।”

यहून्‍ना 1:3

सब कुछ उसई नै बनाओ है और जो कुछ बनाओ है, उसके बिना कुछ बी ना बनाओ गओ।

यहून्‍ना 1:11

बौ अपनौ के धौंरे आओ और उसके अपने लोगौं नैई बौ ना अपनाओ।

1 कुरन्‍थियों 8:6

पर हमरे ताँई तौ एकई परमेसर है, मतलब बौ अब्बा जिसनै सिगरी चीज बनाई हैं, और हम उसई के ताँई हैं। एकई परभु है और बौ ईसु मसी है जिसके दुआरा सब चीज भंई और हम बी बाईके दुआरा हैं।

कुलुसिऔं 1:16

कैसेकै सबई कुछ बाके दुआरा बनो है, चाँहे सुरग की चीज हौं, चाँहे धरती की चीज हौं, और चाँहे देखी हौं या ना देखी हौं बे बी, और का सिंगासन, का सासन कन्‍नै की तागत, का राज, का अधकारी सिगरी चीज बाके दुआरा और बाके ताँई बनाई गंई।