याकूब 5:7 - बुक्सा

⁷ इसताँई मेरे भईयौ, परभु ईसु मसी के फिर सै आनै तक सबर रक्‍खौ, देखौ, किसान जो अपने खेत की फसल कै पकनै को पैंड़ो देखै है, तौ बा सुरू की बरखा सै लेकै बाद की बरखा के आनै तक सबर रक्‍खै है।

याकूब 5:7 Referans Kwoze

गलातिऔ 6:9

इसताँई आऔ हम भलाई कन्‍नै मै कबी ना थकैं, कैसेकै अगर हम भलाई करते रैहंगे तौ सई बखत मै हमकै बाको फल मिलैगो।

कुलुसिऔं 1:11

तुम परमेसर की महिमा की सकति के हिसाब सै हर तरै की सकति सै मजबूत होते जाऔ, जिस्सै कै तुम सब तरै के सबर कै दिखा सकौ और सैह सकौ।

इबरानिओ 6:15

तब इब्राहिम नै सबर रक्‍खो और परमेसर के बादेऔ कै पा लओ।

रोमियो 2:7

जो लोग धीरज के संग भलाई करते भए महिमा और आदर और अमर जिन्‍दगी की खोज मै हैं, उनकै बौ हमेसा की जिन्‍दगी देगो।

गलातिऔ 5:5

पर हम पबित्‍तर आत्‍मा और बिसवास के दुआरा परमेसर के सामने धरमी होनै की आस रखते भए पैंड़ो देखै हैं।

1 थिसलुनीकियौ 2:19

हमरे परभु ईसु के आनै के बखत मै बाके सामने हमरी आस, खुसी, या बड़ाई को मुकट का है? का तुम ना हौ?

मत्‍ती 24:44

इसताँई तुम लोग बी तईयार रौह, कैसेकै जिस घड़ी तुम उसके आनै की ना सोचते, उसई टैम आदमी को लौंड़ा आ जागो।

1 थिसलुनीकियौ 3:13

हम जौ पिराथना करै हैं कै तुमरे दिल मजबूत हौंऐ। जब हमरो परभु ईसु अपने पबित्‍तर लोगौ के संग आय, तौ बा बखत मै बी तुम परमेसर के सामने पबित्‍तर और निरदोस ठैर सकौ।

मत्‍ती 24:27

कैसेकै जैसे बिजली पूरब सै लिकरकै पच्छिम तक चमकै है, बैसेई आदमी के लौंड़ा को आनो होगो।

रोमियो 15:4

पबित्‍तर सास्तर मै जो कुछ पैले लिखो गओ हो, बौ हमकै सिकानै के ताँई लिखो गओ हो कै जो सबर और बढ़ाबो हमकै पबित्‍तर सास्तर मै लिखी भई बातौं सै मिलै है हमकै उस्सै उमीद मिलै है।

2 पतरस 3:4

और कैंगे, “परभु के आनै को बादे को का भओ? हमरे बापदादे मर गए, पर दुनिया की सुरूआत सै अब तक सब कुछ बैसोई को बैसो चल रओ है।”

1 थिसलुनीकियौ 1:3

और हम अपने परमेसर और अब्बा के सामने तुमरे बिसवास के काम, और पियार की मैहनत और हमरे परभु ईसु मसी मै उमीद के सबर कै हमेसा याद करै हैं।

1 कुरन्‍थियों 1:7

और तुम्मै पबित्‍तर आत्‍मा के किसी बी बरदान की कमी ना है और तुम हमरे परभु ईसु मसी के बापस आनै को पैंड़ो देखते रैहए।

लूका 21:27

तब लोग आदमी के लौंड़ा कै बड़ी सकति और बड़ी इज्‍जत के संग बादरौं मै आते देखंगे।

लूका 18:8

मैं तुमसै कैरओ हौं; परमेसर तुरन्‍त उनको फैसला करैगो; तौबी जब आदमी को लौंड़ा बापस आगो, तौ का धरती के ऊपर भौत लोगौ कै बिसवास करते देखैगो?”

लूका 8:15

पर अच्‍छी जमीन मै गिरे भए बे लोग हैं, जो बचन सुनकै उसकै अच्‍छे और सच्‍चे मन सै मानै हैं, और अपने धीरज के मारे बे फल लाबैं हैं।

मत्‍ती 16:27

कैसेकै आदमी को लौंड़ा अपने सुरगदूतौं के संग अपने परम पिता की महिमा मै आगो और बौ हर आदमी कै उसके करम को फल देगो।

मत्‍ती 16:28

मैं तुमसै सच कैरओ हौं, हिंया कुछ ऐंसे खड़े हैं जो तब तक ना मरंगे जब तक बे आदमी के लौंड़ा कै उसके राज मै आते ना देख लै।”

यहून्‍ना 21:22

ईसु नै बासै कैई, “अगर मैं चाँहौ कै बौ मेरे आनै तक जहीं रुको रैह, तौ तेकै इस्सै का? तू मेरे पीछे चलो आ।”

यहून्‍ना 21:23

इसताँई भईयौ मै जौ बात फैल गई कै बौ चेला ना मरैगो। पर ईसु नै बासै जौ ना कैई कै बौ ना मरैगो, बलकन जौ कैई ही, “अगर मैं चाँहौ कै बौ मेरे आनै तक जहीं रुको रैह, तौ तेकै इस्सै का?”

याकूब 4:11

हे भईयौ, एक दूसरे की बदनामी ना करौ, जो अपने भईया की बदनामी करै है, या भईया के ऊपर दोस लगाबै है, तौ बौ परमेसर के नियम के खिलाप बोलै है। अगर तुम नियम मै दोस लगाबौ हौ, तौ तुम नियम मै चलनै बारे ना हौ पर बाके ऊपर दोस लगानै बारे हौ।

याकूब 5:3

तुमरे सौने चाँदी मै जिंगाल लग गई है, और बौ जिंगाल तुमरे खिलाप गभाई देगी, और बौ आग के हाँई तुमरो मांस कै खा जागी। कैसेकै तुम लोगौ नै आखरी के दिनौ मै धन-दौलत को ढेर लगाओ है।

याकूब 5:10

हे भईयौ, उन भबिसबानी कन्‍नै बारौ कै याद रक्‍खौ जिनौनै परभु के नाम सै बात बताँई, और जिनौनै दुख और मुसीबत सैहईं। उनको सबर और दुख सैहनो तुमरे ताँई एक मिसाल है।