याकूब 5:16 - बुक्सा

¹⁶ इसताँई तुम लोग एक दूसरे के सामने अपने अपने पापौं कै मान लो; और एक दूसरे के ताँई पिराथना करौ, जिस्सै कै तुम लोग ठीक हो जाऔ। धरमी आदमी की पिराथना भौत सकतिसाली और असरदार है।

याकूब 5:16 Referans Kwoze

मत्‍ती 21:22

और जो कुछ तुम पिराथना मै बिसवास सै माँगौगे बौ सबई कुछ तुमकै मिलैगो।”

यहून्‍ना 9:31

हम जानै हैं कै परमेसर पापिऔं की ना सुनै है, पर जो कोई परमेसर को डर मानै है, और बाकी इच्‍छा पूरी करै है, तौ बौ उसकी सुनै है।

1 पतरस 2:24

बौ हमरे पापौं कै अपने सरीर मै लेए भए कुरूस मै चढ़ गओ जिस्सै कै हम पापौं के ताँई मरै और धारमिकता के ताँई जिन्‍दगी जीऐं, कैसेकै पबित्‍तर सास्तर मै लिखो है, “बाईके मार खाने सै तुम अच्‍छे भए हौ।”

1 यहून्‍ना 3:22

और हम उस्सै जो कुछ माँगै हैं, बौ हमकै देवै है, कैसेकै हम बाकी आगियाँऔ कै मानै हैं। और बौई करै हैं जो बाकै अच्‍छो लगै है।

चेलौ के काम 19:18

और जिन्‍नै बिसवास करो हो उनमै सै भौस्से लोगौ नै अपनी गलतिऔं कै सबई के सामने मानो।

1 थिसलुनीकियौ 5:17

हमेसा पिराथना करौ।

इबरानिओ 12:13

और अपने पाँऐऔं के ताँई रस्ता सीदी करौ, जिस्सै कै जो लंगड़े हैं बे चंगे होते जांऐ।

1 थिसलुनीकियौ 5:25

पियारे भईयौ और बहनौ हमरे ताँई बी पिराथना करौ।

मत्‍ती 3:6

और अपने अपने पापौं कै मानकै यरदन नद्‍दी मै बासै जल संस्कार लओ।

इबरानिओ 13:18

हमरे ताँई पिराथना करते रौह, कैसेकै हमकै पक्‍को बिसवास है कै हमरो मन बिलकुल साप है और हम सिगरी बातौं मै अच्‍छे चाल-चलन सै जिन्‍दगी बितानो चाँहै हैं।

इबरानिओ 11:7

बिसवास की बजै सैई परमेसर नै नूह कै जब उन बातौं की चितौनी दई जो नूह नै ना देखी ही, तब बानै बातौं कै मानकै अपने टब्बर कै बचानै के ताँई एक पानी को जिहाज बनाओ। बाके बिसवास के दुआरा बानै दुनिया कै दोसी ठैराओ और बा बिसवास सैई बौ धारमिकता को बारिस बनो।

रोमियो 5:19

कैसेकै जैसे एक आदमी के आगियाँ ना माननै सै भौस्से लोग पापी ठैरे, बैसेई एक आदमी के आगियाँ माननै सै भौस्से लोग धरमी ठैरे हैं।

रोमियो 3:10

जैसो पबित्‍तर सास्तर मै लिखो है, “कोई बी धरमी ना रैहओ, एक बी ना

इबरानिओ 11:4

बिसवास सैई हाबिल नै परमेसर के ताँई कैन सै बढ़िया चढ़ाबो चढ़ाओ, और बिसवास सैई परमेसर नै हाबिल कै धरमी ठैराओ। कैसेकै परमेसर नै बाके चढ़ाबे कै अपनाओ। हाबिल तौ मर गओ पर बाको बिसवास अब्बी बात करै है।

चेलौ के काम 10:38

परमेसर नै ईसु नासरी कै पबित्‍तर आत्‍मा और सकति सै भरो हो और बौ सबई लंग फिर कै भलाई के काम करतो और जो लोग सैतान के बस मै हे उनकै बौ अच्‍छो करै हो, कैसेकै परमेसर बाके संग हो।

1 थिसलुनीकियौ 5:23

सान्‍ति दैनै बारो परमेसर खुदई तुमकै पूरी तरै पबित्‍तर करै; और तुमरी आत्‍मा, पिरान और सरीर कै हमरे परभु ईसु मसी के आनै तक निरदोस रखैगो।

कुलुसिऔं 1:9

और जिस दिन सै हमनै जौ बात सुनी है, तब सै रोज हम तुमरे ताँई पिराथना और बिनती करै हैं कै, परमेसर तुमकै आत्मा के दुआरा सिगरी समज और बुद्‍धि दे, जिस्सै कै तुम बाकी इच्‍छा कै पूरे तरीका सै जान सकौ।

लूका 9:6

बे बहाँ सै लिकरकै गामौ-गामौ अच्‍छी खबर सुनाते, और हर कहीं लोगौ कै ठीक करते भए फिरते रैहए।

मरकुस 1:5

और यहूदिया मुलक और ऐरूसलेम के सब रैहनै बारे लोग यहून्‍ना के धौंरे जाल लगे और बे अपने अपने पापौं कै मानकै यरदन नाम की नद्‍दी मै यहून्‍ना सै जल संस्कार लेल लगे।

चेलौ के काम 8:24

समौन नै जबाब देओ कै, “तुम मेरे ताँई परभु सै पिराथना करौ कै जो कुछ बी तुमनै कैई है, बामै सै कुछ बी बात मेरे ऊपर ना पड़ जाऐ।”