याकूब 2:5 - बुक्सा

⁵ हे मेरे पियारे भईयौ सुनौ; का परमेसर नै जा दुनिया के गरीब लोगौ कै ना चुनो कै बे बिसवास मै पक्‍के और मसी के राज के अधकारी हौं, जिसको बादो बानै अपने पियार कन्‍नै बारौ से करो है?

याकूब 2:5 Referans Kwoze

मत्‍ती 5:3

“धन्‍न हैं बे, जो मन के दीन हैं, कैसेकै सुरग को राज उनई को है।

लूका 6:20

फिर अपने चेलौ कै देखते भए बौ बोलो, “धन्‍न हौ तुम जो दीन हौ, सुरग को राज तुमरो है,

परकासन 2:9

“मैं तेरे कलेस और गरीबी कै जानौ हौं फिर बी तू सेट है, और जो लोग अपने आपकै यहूदी कैबै हैं पर हैं ना, पर सैतान की सभा हैं, उनौनै तुमरी बुराई बतकाई, मैं बाकै बी जानौ हौं।

2 कुरन्‍थियों 8:9

कैसेकै तुम हमरे परभु ईसु मसी की किरपा कै जानौ हौ और जौ बी जानौ हौ कै सेट होते भए बी बौ तुमरे ताँई गरीब बनो जिस्सै कै बाके गरीब होनै सै तुम सेट हो जाऔ।

लूका 12:21

“ऐंसोई बौ आदमी बी है जिसनै अपने ताँई अच्‍छी-अच्‍छी चीज इखट्‍टी करीं, पर परमेसर की नजर मै बौ सेट ना है।”

1 पतरस 1:4

जो धन-दौलत तुम लोगौं के ताँई सुरग मै है, बौ कबी नास ना होगी और ना खराब होगी और ना बामै दाग लगैगो और ना बाकी चमक कबी कम होगी।

याकूब 1:12

धन्‍न है बौ आदमी, जो परख मै खरो लिकरै है, कैसेकै बौ खरो लिकरकै जिन्‍दगी को बौ मुकट पागो, जिसको बादो परमेसर नै अपने पियार कन्‍नै बारौ सै करो है।

इबरानिओ 11:26

और मिसर के धन-दौलत सै जादा बानै मसी के ताँई दुख झेलनो कीमती समजो कैसेकै बाकी नजर ईनाम पानै को पैंड़ो देख रई हीं।

लूका 12:32

“ऐ मेरे छोटे झुन्ड मत डरौ, कैसेकै तुमरो पिता तुमकै सुरग को राज दैनै कै तईयार है।

1 कुरन्‍थियों 2:9

पर जैसो पबित्‍तर सास्तर मै लिखो है, “जिन बातौं कै ना तौ आँखौ नै देखो और ना कानौ नै सुनो, और नाई कोई आदमी उनकै अपने मन मै सोच सकै है। बेई बात परमेसर नै अपने पियार कन्‍नै बारौ के ताँई तईयार करी हैं।”

मत्‍ती 25:34

“तब राजा अपने खाने हात बारे लोगौ सै कैगो, हे मेरे अब्बा के धन्‍न लोगौ, आऔ और उस राज के हकदार बन जाऔ, जो दुनिया के सुरू सैई तुम लोगौ के ताँई तईयार करो गओ है।

परकासन 21:7

जो जीतैगो, बो उन सब चीजौ को मालिक बनैगो। मैं उसको परमेसर हौंगो और बौ मेरो लौंड़ा होगो।

याकूब 1:9

जिस बिसवासी आदमी कै लोग निकम्मो समजै हैं बाकै जा बात मै गर्ब होनो चँईऐ कै परमेसर नै बाकै ऊँचो औहदा दओ है।

2 तीमुथियुस 4:8

अब सुरग मै मेरे ताँई धारमिकता को मुकट तईयार करकै रखर खाओ है और परभु जो सच्‍चो नियाय कन्‍नै बारो है। मैंकै बा दिन देगो और मैंकैई ना पर उन सबई लोगौ कै बी देगो जो पियार के संग बाको फिर सै आनै को पैंड़ो देख रए हैं।

2 कुरन्‍थियों 6:10

हम दुखी लोगौ के हाँई दिखाई देवै हैं, पर हम हमेसा खुस रैहबै हैं। हम गरीब लोगौ के हाँई दिखाई देवै हैं, पर दूसरौं कै सेट बना देवै हैं। लोग समजै हैं कै हमरे धौंरे कुछ ना है तौबी हमरे धौंरे सब कुछ है।

परकासन 3:18

इसताँई मैं तेकै सला देरओ हौं कै आग मै सुद्‍द करो भओ सौनो मैंसै मोल लेकै तू सेट हो जाय और सपेद लत्‍ता मोल ले ले जिसकै पैहरकै तेरे नंगेपन की सरम ढक जाय और अपनी आँख मै लगानै के ताँई सुरमा मोल ले ले, कै तू देखल लगै।

1 तीमुथियुस 6:18

जाऔ उनकै हुकम दो कै बे भलाई करैं और भलाई के काम मै सेट बनै, और दान दैनै बारे और सायता कन्‍नै मै अग्गे आँय।

लूका 16:25

“पर इब्राहिम नै कैई, ‘हे मेरे लौंड़ा, तू अपनी जिन्‍दगी मै अच्‍छी-अच्‍छी चीज ले चुको है, जबकि लाजर कै बुरी चीजई मिली हैं, पर अब हिंया बाकै सान्‍ति मिल रई है, और तू तड़प रओ है।

मत्‍ती 11:5

कै अन्धे देख रए हैं, लंगड़े चल रए हैं, कोढ़ी सुद्‍द करे जा रए हैं, बैहरे सुन रए हैं, मुरदे जिन्‍दे करे जा रए हैं, और कंगालौ कै अच्‍छी खबर सुनाई जा रई है।

2 पतरस 1:11

और इसई तरै सै हमरे मुक्‍ति दैनै बारे परभु ईसु मसी के हमेसा के राज मै बड़ी इज्‍जत के संग तुमरो सुआगत करो जागो।

2 तीमुथियुस 4:18

परभु मैंकै सिगरी बुराई के कामौ सै बचाबै है, और बौ मैंकै अपने सुरग के राज मै बचाकै ले जागो। बाकी महिमा युगौं-युगौं तक होती रैह। ऐंसोई होए।

2 थिसलुनीकियौ 1:5

जौ परमेसर के सच्‍चे नियाय को पक्‍को सबूत है कै तुम परमेसर के राज मै जानै के लायक ठैरे जिसके ताँई तुमनै दुख बी झेले।

इफिसिऔ 3:8

मैं परमेसर के सबई पबित्‍तर लोगौ मै छोटे सै बी छोटो हौं, तब्बी मैंकै जौ बरदान मिलो कै मैं गैर यहूदी लोगौ कै कबी खतम ना होनै बारे मसी की बरकत की अच्‍छी खबर सुनाऔ।

रोमियो 8:17

और अगर औलाद हैं, तौ बारिस बी हैं, और परमेसर के बारिस और मसी संग के बी बारिस हैं, अगर हम उसके संग दुख उठाबै हैं तौ हमकै उसके संग महिमा बी मिलै है।

लूका 16:22

फिर ऐंसो भओ कै बौ गरीब मर गओ, और सुरगदूतौं नै ले जाकै बौ इब्राहिम की गोदी मै पौंचा दओ फिर बौ सेट आदमी बी मर गओ और बौ दफना दओ गओ।

याकूब 1:16

हे मेरे पियारे भईयौ, धोको ना खाऔ।

1 थिसलुनीकियौ 2:12

बैसेई हम तुम सबई कै बी उपदेस, और सान्‍ति देवै हैं, और समजाबै बी हैं कै तुमरो चाल-चलन परमेसर कै परसन्‍द आनै बारो होए, जो तुमकै अपने राज और महिमा मै बुलाबै है।

इफिसिऔ 1:18

मेरी जौ बी पिराथना है कै तुमरे मन की आँख खुल जाँय और तुम जौ जान सकौ कै बाके बुलानै सै तुमकै कितनी बड़ी आस मिली है, और जिस बिरासत कै बौ अपने पबित्‍तर लोगौ कै देगो बौ कितनो महान और महिमा सै भरी भई है।

2 कुरन्‍थियों 4:15

जे सिगरी चीज तुमरेई ताँई हैं और जैसे परमेसर की किरपा जादा सै जादा लोगौ मै फैलती जागी बैसेई बे परमेसर की महिमा की बजै सै बाकै जादा सै जादा धन्‍नबाद दंगे।

यहून्‍ना 7:48

का यहूदी नेताऔं या फरीसिऔं मै सै बाके ऊपर किसी नै बिसवास करो है?

लूका 22:29

इसताँई जैसे मेरे अब्बा नै मेरे हात मै राज कन्‍नै के ताँई एक राज दओ है, बैसेई मैं बी तुमकै एक राज देरओ हौं।

मरकुस 7:14

फिर ईसु नै लोगौ कै अपने धौंरे बुलाकै उनसै कैई, “तुम सब मेरी सुनौ और समजौ।

चेलौ के काम 7:2

सितेफनुस नै जबाब दओ, “हे भईयौ, और बुजरगौं मेरी बात सुनौ। हमरो अब्बा इब्राहिम हारान देस मै बसनै सै पैले जब मेसोपोटामिया जघै मै रैहबै हो तौ सकतिसाली परमेसर नै बाकै दरसन दओ,

याकूब 1:19

हे मेरे पियारे भईयौ, जौ बात कै तुम जानलो कै हर एक आदमी सुन्‍नै के ताँई तईयार रैह और बोलनै मै जल्दबाजी ना करै, और नाई जल्दी सै घुस्सा करै।