याकूब 1:26 - बुक्सा

²⁶ अगर कोई आदमी खुद कै धरमी समजै है, पर अपनी जबान मै लगाम ना लगाबै है, तौ बौ खुद कै धोको देवै है और बाकी भक्‍ति बेकार है।

याकूब 1:26 Referans Kwoze

इफिसिऔ 4:29

तुमरे मौह सै कोई बी गलत बात ना लिकरै, पर जरूरत के हिसाब सै बौई लिकरै जो उनके अग्गे बढ़ानै के ताँई अच्‍छो है जिस्सै कै उन सुन्‍नै बारौ के ऊपर उस्सै भलो होए।

1 पतरस 3:10

कैसेकै “जो कोई अपनी जिन्‍दगी सै पियार रक्‍खै है और अच्‍छे दिन की इच्‍छा रक्‍खै है, बौ अपनी जीब कै बुरी और अपने ओठौं कै धोके बारी बात कन्‍नै सै रोके रैह।

इफिसिऔ 5:4

और ना तुमरे बीच मै बेसरम और बेबकूफ बारी बात होनी चँईऐ और ना गंदी बातौं सै मजाक, जो तुमरे ताँई अच्‍छी ना हैं। पर तुमकै बस परमेसर को धन्‍नबाद देतो रैहनो चँईऐ।

कुलुसिऔं 4:6

तुमरी बोली हमेसा किरपा सै भरी और मीठी होए, जिस्सै कै तुमकै हर एक आदमी कै सई तरीका सै जबाब देनो आ जाय।

याकूब 1:22

परमेसर के बचन मै चलनै बारे बनौ, ना कै सिरप सुन्‍नै बारे। अगर तुम बाकै सिरप सुनौई हौ तौ अपने आपकै धोको देवौ हौ।

याकूब 1:19

हे मेरे पियारे भईयौ, जौ बात कै तुम जानलो कै हर एक आदमी सुन्‍नै के ताँई तईयार रैह और बोलनै मै जल्दबाजी ना करै, और नाई जल्दी सै घुस्सा करै।

लूका 8:18

इसताँई चौकस रैहऔ, कै तुम किस रीती सै सुनौ हौ, कैसेकै जिसके धौंरे कुछ है, उसई कै और दओ जागो और जिसके धौंरे कुछ ना है, बासै बौ बी ले लओ जागो, जिसकै बौ अपनो समजै है।”

गलातिऔ 6:3

कैसेकै अगर कोई आदमी खुद कै बड़ो समजै है और बौ बड़ो ना है, तौ बौ खुद कै धोको देरओ है।

गलातिऔ 2:6

मैंकै जा बात सै कोई मतलब ना है कै बे जानेमाने लोग हे, पैले का हे। मेरे ऊपर उनको कोई असर ना पड़ो है और नाई उन्‍नै मेरी अच्‍छी खबर मै कुछ और कैई। परमेसर किसी के संग बी भेदभाब ना करै है।

मरकुस 7:7

और जे बेकार मै मेरी पिराथना करै हैं, और जे जो सिकाबैं हैं, कैसेकै बे तौ सिरप लोगौ के दुआरा बनाए भए नियम है।’

1 कुरन्‍थियों 15:2

अगर तुम बा अच्‍छी खबर कै पूरे बिसवास के संग थामे रैहओगे तौ जो अच्‍छी खबर मैंनै सुनाई ही बाई सै तुमकै मुक्‍ति मिलैगी, ना तौ तुमरो बिसवास कन्‍नो बेकार है।

मत्‍ती 15:9

और जे बेकार मैई मेरी भक्‍ति करै हैं, कैसेकै उनकी सिक्‍छा सिरप लोगौ के दुआरा बनाए भए नियम हैं।’”

1 कुरन्‍थियों 15:15

तब हम परमेसर के बारे मै झूँटे गभा ठैरे, कैसेकै हमनै परमेसर के बारे मै गभाई दई कै बानै ईसु कै जिन्‍दो करो। अगर मरे भए लोगौ कै जिन्‍दो ना करो है तौ फिर मसी ईसु बी जिन्‍दो ना करो गओ।

याकूब 2:20

पर हे बेबकूफ आदमी, का तू जौ बी ना जानै है कै करम के बिना बिसवास बेकार है?

गलातिऔ 3:4

का तुमनै इत्‍ते दुख बेकार मैई उठाए? का बे सच्‍ची मैई बेकार हे?

गलातिऔ 2:9

याकूब, पतरस और यहून्‍ना बिसवासी लोगौ के बीच मै जानेमाने नेता हे। जो किरपा मैंकै परमेसर सै मिली ही जब उन्‍नै बाकै जान लओ तबई मैंकै और बरनबास कै अपनो साती मानो। और बे जा बात मै राजी हो गए कै हम गैर यहूदी लोगौ के धौंरे जांऐ और बे यहूदी लोगौ के धौंरे जांगे।

1 कुरन्‍थियों 3:18

कोई बी खुद कै धोको ना दै, अगर तुम्मै सै कोई बी जा दुनिया मै खुद कै गियानी समजै है, तौ बौ खुद कै मूरख बनालै, कै बौ गियानी बन जाय।