याकूब 1:1 - बुक्सा

¹ उन बारैह गोतौं कै जो अगल अगल देसौ मै रैहबैं हैं नमस्कार, मैं परमेसर को और परभु ईसु मसी को सेवक याकूब जौ चिट्‌ठी लिख रओ हौं।

याकूब 1:1 Referans Kwoze

1 पतरस 1:1

पतरस जो ईसु मसी को भेजो भओ चेला हो बाकी ओर सै, परमेसर के उन चुने भएऔं के नाम जो परदेसी होकै, पुन्‍तुस, गलातिया, कपदुकिया, एसिया और बिथुनिया इलाके मै सबई इतै-उतै रैहबै हैं।

यहून्‍ना 7:35

तब यहूदिऔं नै आपस मै कैई, “जौ आदमी कहाँ जानो चाँहै है कै हम बाकै ना ढूंड़ सकैं? का बौ उन यहूदी लोगौ के धौंरे जागो, जो यूनानी लोगौ के बीच मै इतै-उतै होकै बसे पड़े हैं, और का बौ यूनानी लोगौ कै बी सिक्‍छा देगो?

चेलौ के काम 8:1

सितेफनुस की हत्‍तिया मै साऊल बी सैहमत हो। बाई दिन सै ऐरूसलेम के बिसवासिऔ की मंडली मै मुसीबत आनी सुरू हो गंई, और जो भेजे भए चेला हे उनकै छोड़कै दूसरे सिगरे बिसवासी लोग यहूदिया और सामरिया के देस सै इतै-उतै बिखर गए।

चेलौ के काम 26:7

और हमरे बारैह गोत जा बादे कै पानै के ताँई खुसी सै दिन रात परमेसर की सेवा करै हैं। हे राजा, जा आस की बजै सै यहूदी लोग मेरे ऊपर इलजाम लगाबैं हैं।

चेलौ के काम 15:23

जो चिट्‌ठी उनके हातौ सै भेजी ही बामै जौ लिखो हो कै, अन्‍ताकिया, सीरिया और किलिकिया के गैर यहूदी भईयौ कै भेजे भए चेलौ और बिसवासिऔ की मंडली के मुखियौं की ओर सै नमस्कार।

तीतुस 1:1

पौलुस की ओर सै जो परमेसर को दास और ईसु मसी को भेजो भओ चेला है। मैंकै परमेसर के चुने भए लोगौ कै बिसवास मै बढ़ानै और सच्‍चाई कै जान्‍नै के ताँई भेजो गओ है जिस्सै बे पबित्‍तर जिन्‍दगी जीऐं।

गलातिऔ 2:9

याकूब, पतरस और यहून्‍ना बिसवासी लोगौ के बीच मै जानेमाने नेता हे। जो किरपा मैंकै परमेसर सै मिली ही जब उन्‍नै बाकै जान लओ तबई मैंकै और बरनबास कै अपनो साती मानो। और बे जा बात मै राजी हो गए कै हम गैर यहूदी लोगौ के धौंरे जांऐ और बे यहूदी लोगौ के धौंरे जांगे।

चेलौ के काम 15:13

जब उन्‍नै अपनी बात खतम करी, तबई याकूब नै कैई कै, “हे भईयौ, मेरी बात सुनौ।

रोमियो 1:1

जौ चिट्‌ठी ईसु मसी के दास पौलुस की ओर सै है, जो परमेसर दुआरा भेजो भओ चेला बन्‍नै के ताँई बुलाओ है, और उसकी अच्‍छी खबर दैनै के ताँई छाँटो गओ है।

चेलौ के काम 21:18

और दूसरे दिन पौलुस हमरे संग याकूब सै मिलनै गओ और जहाँ सबई बिसवासिऔ की मंडली के मुखिया बैठै हे।

यहून्‍ना 12:26

अगर कोई मेरी सेवा करै है तौ बौ मेरे पीछे हो ले, और जहाँ मैं हौं बहाँ मेरो सेवक बी होगो। अगर कोई मेरी सेवा करै तौ अब्बा बाकी इज्‍जत करैगो।

मत्‍ती 19:28

ईसु नै अपने चेलौ सै कैई, “मैं तुमसै सच कैरओ हौं, कै नए युग मै जब आदमी को लौंड़ा अपनी महिमा के सिंगासन मै बैठैगो, तौ तुम बी जो मेरे पीछे हो लए हौ, बारैह सिंगासनौ मै बैठकै ईसराइल के बारैह गोतौं को नियाय करौगे।

यहूदा 1:1

ईसु मसी के सेवक और याकूब को भईया, यहूदा की ओर सै उन बुलाए भए लोगौ के नाम जो परमेसर के पियारे और जिनकै ईसु मसी के ताँई समार कै रक्‍खो है।

2 पतरस 1:1

मैं समौन पतरस जो ईसु मसी को सेवक और भेजो भओ चेला हौं, जौ चिट्‌ठी मैं उन लोगौ के नाम लिख रओ हौं जो हमरे हाँई हमरे परमेसर और मुक्‍ति दैनै बारे ईसु मसी की धारमिकता के दुआरा सै बिसवास पावै हैं।

फिलिप्‍पीऔ 1:1

जौ चिट्‌ठी मसी ईसु की सेवा कन्‍नै बारे पौलुस और तीमुथियुस की ओर सै, फिलिप्‍पी मै रैहनै बारे मसी ईसु के सिगरे बिसवासी लोगौ कै और मुखियौं कै, और सेवकौ कै,

गलातिऔ 2:12

जब पतरस गैर यहूदी लोगौ के संग रोटी खा रओ हो, तौ याकूब के भेजे भए कुछ आदमी बहाँ आए, और पतरस उन खतना बारौ के डर सै गैर यहूदी लोगौ के धौंरे सै अलग होकै दूर रैहल लगो।

गलातिऔ 1:19

और बहाँ परभु के भईया याकूब के अलाबा, किसी दूसरे खास भेजे भए चेला सै मैं ना मिलो।

चेलौ के काम 15:21

कैसेकै पुराने जमाने मै मूसा के जौ नियम को परचार कन्‍नै बारे गाम-गाम मै और अपने आराम कन्‍नै बारे दिन मै पिराथना घरौं मै जाकै पढ़ै करै हे।”

चेलौ के काम 1:13

और बहाँ पौंच कै पतरस, यहून्‍ना, याकूब, अन्‍दरयास, फिलिप्‍पुस, थौमा, बरतुलमै, मत्‍ती, हलफई को लौंड़ा याकूब, जोसीलो भक्‍त समौन और याकूब को लौंड़ा यहूदा जे सबई बा ऊपर के कमरा मै इखट्‍टे भए जहाँ जे रुके हे।

मत्‍ती 13:55

का जौ बढ़ई को लौंड़ा ना है? का मरियम इसकी अईया ना है? का याकूब, यूसप, समौन और यहूदा इसके भईया ना है?

चेलौ के काम 12:17

तबई बानै उनकै चुप रैहनै के ताँई हात हलाकै इसारो करो और उनसै कैई कै, “परभु मैंकै जेल मै सै कैसे बाहार लिकारकै लाओ है।” फिर बानै कैई कै, “जा बात कै याकूब और दूसरे भईयौ सै कैह देईओ।” और तबई पतरस बहाँ सै किसी दूसरी जघै चलो गओ।

परकासन 7:4

फिर मैंनै मौहर लगे भए लोगौ की गिनती सुनी, तौ जे एक लाख चबालीस हजार हे और बे ईसराइलिऔ के सबई गोतौं मै सै हे।

चेलौ के काम 2:5

जो यहूदी भक्‍त ऐरूसलेम मै रैह रए हे, बे अगल अगल देसौ सै आए हे।

लूका 22:30

जिस्सै मेरे राज मै तुम मेरी मेज मै खाऔ और पिऔ और ईसराइल के बारैह गोतौं को फैसला कन्‍नै के ताँई सिंगासनौ मै बैठौ।

मत्‍ती 10:3

फिलिप्‍पुस और बरतुलमै, थौमा और चुंगी लैनै बारो मत्‍ती, हलफई को लौंड़ा याकूब और तदै।

2 तीमुथियुस 4:21

और तू जाड़े सै पैलेई आनै की कोसिस करिए। इबलुस और पूदेनुस, लिनुस, कोलोदीया और सिगरे बिसवासी लोगौ को तेकै नमस्कार।

चेलौ के काम 23:26

“आदरनीय राजपाल फेलिक्‍स कै कलोदियुस लुसियस की ओर सै नमस्कार।

लूका 6:15

मत्‍ती, थौमा, हलफई को लौंड़ा याकूब, और समौन जो देसभक्‍त कैलाबै हो।

मरकुस 3:18

और अन्‍दरयास, फिलिप्‍पुस, बरतुलमै, मत्‍ती, थौमा, हलफई को लौंड़ा याकूब, और तदै और समौन देसभक्‍त।