इबरानिओ 9:9 - बुक्सा

⁹ जौ तम्बू तौ जा बखत के ताँई एक चिन्‍न है जो जौ दिखाबै है कै, चढ़ाबो और बलि जो चढ़ाए जावै हैं बे आराधना कन्‍नै बारे मन कै सिद्‍द ना कर सकै हैं।

इबरानिओ 9:9 Referans Kwoze

1 पतरस 3:21

जौ पानी बा जल संस्कार के हाँई है जिस्सै अब तुमकै मुक्‍ति मिलै है; जल संस्कार को मतलब सरीर को मैल धोनो ना हैं बलकन सच्‍चे मन सै परमेसर के संग बादो कन्‍नो है। जौ जल संस्कार ईसु मसी के फिर सै जिन्‍दे होनै के दुआरा हमरी मुक्‍ति करै है।

इबरानिओ 5:1

हर एक बड़ो पुजारी लोगौ मै सै छाँटो जावै है और लोगौ के बदले परमेसर की सेवा कन्‍नै के ताँई रखो है, जिस्सै कै बौ चढ़ाबो और पाप की माफी के ताँई बलि चढ़ाऐ।

रोमियो 5:14

आदम आनै बारे मसी को चिन्‍न हो मगर आदम सै लेकै मूसा के टैम तक मौत सबके ऊपर राज करती रैहई। और बैसेई उनके ऊपर बी राज करो जिनौनै आदम के जैसे आगियाँ तोड़कै पाप ना करो।

इबरानिओ 11:19

इब्राहिम नै जौ मान लओ हो कै परमेसर मरे भए लोगौ कै फिर सै जिन्‍दो कर सकै है। एक हिसाब सै देखो जाऐ तौ, इब्राहिम नै इसहाक कै मरे भएऔं मै सै जिन्‍दो पाओ।

इबरानिओ 10:11

हर एक पुजारी रोज खड़े होकै सेवा करै है और उनई बलिऔ कै बेरमबेरा चढ़ाबै है जो पाप कै कबी मिटा ना सकै है।

इबरानिओ 9:24

कैसेकै मसी आदमी के हात सै बनाई भई पबित्‍तर जघै मै ना गओ जो सच्‍चे पबित्‍तर जघै की एक नकल है। पर अब हमरी ओर सै बौ परमेसर के सामने परकट होनै के ताँई सुरग मै गओ।

इबरानिओ 7:11

लेबी गोत के पुजारी दुआरा मूसा को नियम लोगौ कै मिलो है। अगर लेबी पुजारी के काम सै पूरोपन मिलै है, तौ दूसरे तरै के पुजारी की आनै की जरूरत काए है? और एक ऐंसे पुजारी की जो मलकीसदेक के हाँई होए, ना की हारून के खानदान को।

गलातिऔ 3:21

तौ का जाको जौ मतलब है कै नियम परमेसर के बादे को बिरोद करै है? बिलकुल ना। कैसेकै अगर आदमी कै नियम सै जिन्‍दगी मिलती तौ नियम कै माननै सै धारमिकता मिल जाती।

इबरानिओ 8:4

अगर मसी धरती मै होतो तौ बौ कबी बी पुजारी ना बन सकै हो। कैसेकै हिंया पैलेसैई नियम के हिसाब सै चढ़ाबो चढ़ानै बारे पुजारी लोग हैं।