इबरानिओ 9:11 - बुक्सा

¹¹ पर जब मसी अच्‍छी चीजौ को बड़ो पुजारी बनकै आओ तब बौ बा बढ़िया और सबसै अच्‍छे तम्बू मै सै होकै आओ जो आदमी के हात सै बनाओ भओ ना हो यानी जा दुनिया को ना।

इबरानिओ 9:11 Referans Kwoze

2 कुरन्‍थियों 5:1

कैसेकै हम जौ जानै हैं कै जौ हमरो सरीर एक तम्बू के हाँई है जिसमै हम जा धरती मै रैहबैं हैं, और जब जा तम्बू कै गिरा दओ जागो तौ, परमेसर की ओर सै हमकै सुरग मै ऐंसो घर मिलैगो जो कबी खतम ना होगो, और जिसकै किसी आदमी नै ना बनाओ होगो।

इबरानिओ 10:1

नियम तौ सिरप आनै बारी अच्‍छी चीजौ की छाँई है, पर जौ असली ना है। इसताँई हर साल बेरमबेरा बैसेई बलिऔ कै चढ़ानै के दुआरा नियम के धौंरे आनै बारे लोगौ कै सिद्‍द ना कर सकै है।

मरकुस 14:58

“हमनै इसकै जौ कैते भए सुनो है, कै मैं इस हात के बनाए भए मन्‍दर कै ढै दंगो, और तीन दिन के भीतर दूसरो बना दंगो जो हातौ सै ना बनो होगो।”

1 यहून्‍ना 5:20

हम जानै हैं कै परमेसर को लौंड़ा आ गओ है और बानै हमकै समज दई, ताकि हम बा सच्‍चे परमेसर कै जान लैं और बामै बने रैंह जो सच्‍चो है, कैसेकै हम बाके लौंड़ा ईसु मसी मै बने रैहबै हैं। जौई सच्‍चो परमेसर है और हमेसा की जिन्‍दगी है।

इबरानिओ 2:17

इसताँई बाकै सिगरी बातौं मै अपने भईयौ और बहनौ के हाँई बननो जरूरी हो। जिस्सै बौ बिसवासजोग और दया कन्‍नै बारो बड़ो पुजारी बनकै परमेसर की सेवा करै। और बानै खुद कै बलि के रूप मै दे दओ जिस्सै कै लोगौ के पापौं सै उनकै माफी दिब्बा सकै।

चेलौ के काम 7:48

“पर परमपरधान परमेसर हात सै बनाए भए मन्‍दर मै ना रैहबै है। जैसो नबी नै कैओ है।

2 यहून्‍ना 1:7

दुनिया मै भौस्से ऐंसे बैहकानै बारे आए हैं, जो जौ ना मानै हैं कै जा धरती मै आदमी बनकै ईसु मसी आओ, ऐंसे लोग बैहकानै बारे और मसी बिरोदी हैं।

इबरानिओ 3:1

इसताँई हे मेरे बिसवासी भईयौ और बहनौ, तुम बी सुरग की बुलाहट मै हिस्सेदार हौ, इसताँई तुमरो सिगरो धियान ईसु की ओर होए जो परमेसर को भेजो भओ आदमी और बड़ो पुजारी है जिसकै हम मानै हैं।

यहून्‍ना 4:25

बईयर नै ईसु सै कैई, “मैं जानौ हौं कै मसी जो खिरीस्ट कैलाबै है आनै बारो है, जब बौ आगो तौ हमकै सब कुछ बता देगो।”

यहून्‍ना 1:14

और बचन आदमी बनकै हमरे बीच मै रैहओ, और बौ किरपा और सच्‍चाई सै भरो भओ हो और हमनै उसकी ऐंसी महिमा देखी जैसी अब्बा के इकलौते लौंड़ा की महिमा।

इबरानिओ 7:1

जौ मलकीसदेक सालेम को राजा हो और परमपरधान परमेसर को पुजारी हो। जब इब्राहिम उन चार राजाऔं कै हरा कै बापस आ रओ हो तब मलकीसदेक बाकै रस्ता मै मिलो और बानै बाकै आसीरबाद दओ।

इबरानिओ 4:15

कैसेकै हमरो बड़ो पुजारी ऐंसो ना हैं जो हमरी कमजोरिऔं मै तरस ना खाऐ, कैसेकै बाकै बी हर तरै सै हमरे हाँई परखो तब्बी बानै पाप ना करो।

कुलुसिऔं 2:11

और बाई मै तुमरो खतना बी भओ है, बौ खतना आदमी को ना है, बौ तौ मसी को है जिसके दुआरा पाप बारो सरीर लिकारकै फैंक दओ जावै है।

मत्‍ती 11:3

कै, का आनै बारो तूई है, या हम किसी दूसरे को पैंड़ो देखैं?

मत्‍ती 2:6

‘हे बैतलहम यहूदा की धरती, तू यहूदा के परमुख सैहरौं मै किसी सै कम ना है, कैसेकै तेसै एक सासक पैदा होगो, जो मेरी परजा ईसराइल की रखबारी करैगो।’”

2 कुरन्‍थियों 4:18

हम दिखाई दैनै बारी चीजौ के ऊपर ना पर जो दिखाई ना देवै हैं उन चीजौ के ऊपर धियान देवै हैं। कैसेकै देखी भई चीज कुछ बखत की हैं और जो दिखाई ना देवै हैं बे हमेसा की हैं।

इबरानिओ 12:27

“एक दफै फिर” जा बात को मतलब जौ है कै जो बी चीज हलै हैं मतलब बनाई भई हैं बे नास हो जांगी, जिस्सै कै बेई चीज टिकी रैहंगी जो हल ना सकै हैं।

इबरानिओ 13:14

कैसेकै जा धरती मै हमेसा के ताँई हमरो कोई सैहर ना है और हम बा सैहर को पैंड़ो देख रए हैं जो आनै बारो है।