इबरानिओ 8:11 - बुक्सा

¹¹ किसी कै बी अपने पड़ोसी या अपने भईयौ कै जौ सिकानै की जरूरत ना है कै, ‘तुम परभु कै जानौ।’ कैसेकै छोटे सै लेकै बड़े तक सबई मैंकै जान लंगे।

इबरानिओ 8:11 Referans Kwoze

यहून्‍ना 6:45

नबिऔ के लेखौं मै जौ लिखो है कै, ‘बे सब परमेसर की ओर सै सिकाए भए हौंगे। जिस किसी नै अब्बा सै सुनो और सीको है, बौ मेरे धौंरे आवै है।’

1 यहून्‍ना 2:27

तुम लोगौ कै मसी सै जो पबित्‍तर आत्‍मा मिली है, बौ तुम्मै बनी रैहबै है। इसताँई तुमकै किसी दूसरे गुरू की जरूरत ना है। बौ तुमकै सब कुछ सिकाबै है और बाकी सिक्‍छा सच्‍ची है, झूँटी ना है। तुम बा सिक्‍छा के हिसाब सै मसी मै बने रौह।

1 यहून्‍ना 5:20

हम जानै हैं कै परमेसर को लौंड़ा आ गओ है और बानै हमकै समज दई, ताकि हम बा सच्‍चे परमेसर कै जान लैं और बामै बने रैंह जो सच्‍चो है, कैसेकै हम बाके लौंड़ा ईसु मसी मै बने रैहबै हैं। जौई सच्‍चो परमेसर है और हमेसा की जिन्‍दगी है।

चेलौ के काम 8:10

छोटे सै लेकै बड़े आदमी तक सबई बाकी इज्‍जत करै हे, और बाके बारे मै जौ कैबै हे कै, “जा आदमी मै तौ सच्‍ची मैई परमेसर की सकति है।”