इबरानिओ 4:11 - बुक्सा

¹¹ इसताँई हमकै बी आराम कन्‍नै की जघै मै जानै के ताँई कोसिस करती रैहनी चँईऐ कै, कहीं ऐंसो ना होए कै जैसे हुकम ना माननै की बजै सै उनको नास भओ, बैसोई हमरो बी कहीं नास ना हो जाऐ।

इबरानिओ 4:11 Referans Kwoze

इबरानिओ 3:18

परमेसर नै किन लोगौ के ताँई कसम खाई ही कै बे मेरे आराम कन्‍नै की छाँटी भई जघै मै ना पौंचंगे? का उनके ताँई ना खाई जिन्‍नै बाके हुकम कै ना मानो?

लूका 13:24

“कुट्‍ट मौहड़े सै परमेसर के राज मै घुसनै की हर कोसिस करौ, मैं तुमकै बता रओ हौं कै भौस्से लोग भीतर जानै की कोसिस करंगे पर जा ना सकंगे।

इबरानिओ 6:11

हम जौ चाँहै हैं कै तुम सबई जनी ऐंसीई चाहत रक्‍खौ जिस्सै कै तुमकै आखरी तक आस कै पानै को पूरो यकीन हो।

इफिसिऔ 5:6

देखौ, कोई बी तुमकै बेकार की बातौं कै बोलकै धोके मै फसा ना पाऐ। कैसेकै इन सबई बातौं की बजै सै परमेसर की घुस्सा उनके ऊपर पड़ै है जो बाको हुकम ना मानै हैं।

इबरानिओ 3:12

हे बिसवासी भईयौ और बहनौ, चौकस रौह कै, तुम्मै सै किसी बी आदमी के मन मै बुराई और अबिसवास ना होए जो जिन्‍दे परमेसर सै दूर ले जावै है।

तीतुस 1:16

बे कैबै हैं कै हम परमेसर कै जानै हैं, पर अपने कामौ सै उसको इनकार करैं हैं, कैसेकै बे नफरत कन्‍नै बारे और आगियाँ ना माननै बारे हैं, और किसी अच्‍छे काम के लायक ना हैं।

फिलिप्‍पीऔ 2:12

इसताँई हे मेरे पियारे दोस्तौ, जैसे तुम हमेसा मेरी बातौं कै बा टैम मानै करै हे जब मैं तुमरे संग हो, और अब जब मैं तुमरे संग ना हौं तौबी तुम माने करौ, और तुम डरते और कांपते भए अपनी अपनी मुक्‍ति कै पूरो करते जाऔ।

तीतुस 3:3

कैसेकै हम बी पैले, मूरख और आगियाँ ना माननै बारे, और भरम मै पड़े भए और हर तरै की बुरी बासनाऔ और सुकबिलास के गुलाम हे, बैरभाव, जरन और नफरत कन्‍नै मै जिन्‍दगी बिता रए हे, हम सै लोग नफरत करै हे, और हम बी एक दूसरे सै बैर रक्‍खै हे।

कुलुसिऔं 3:6

इनई बातौं के बजै से परमेसर को घुस्सा उन लोगौ के ऊपर पड़ो है, जो बाको हुकम ना मानै है।

चेलौ के काम 26:19

“हे राजा अगरिपा, इसताँई मैंनै बा दरसन की बात ना टाली जो मैंकै सुरग सै मिलो हो,

लूका 16:16

“नियम और नबिऔ की भबिसबानी तौ यहून्‍ना जल संस्कार दैनै बारे के टैम तक रैहईं। और उस टैम के बाद सै परमेसर लोगौं के जिन्‍दगी मै किस रीती सै राज करैगो, उसके बारे मै सिकातो आओ, और भौत लोग जे बात मानकै परमेसर के राज मै घुसनै के ताँई कोसिस कर रए हैं।

मत्‍ती 11:12

यहून्‍ना जल संस्कार दैनै बारे के टैम सै आज तक लोग सुरग के राज के ताँई जोर दे रए हैं और जिनमै दम है बे उसकै छीन्‍नै की कोसिस कर रए हैं।

मत्‍ती 7:13

“सकरे फाटक सै परबेस करौ, कैसेकै चौंड़ो है बौ फाटक और सरल है बौ रस्ता जो नास की ओर ले जावै है और उसमै चलनै बारौ की संखिया भौत है।

इफिसिऔ 2:2

जिसमै पैले तुम जा दुनिया के बुरी रस्ता मै चलते भए बा आसमान के दुसट सकतिऔं के अधकारी को नाम जपते भए जीवै हे। जौ बौई आत्‍मा है जो अब उन लोगौ के भीतर काम कर रई है, जो लोग परमेसर की आगियाँ कै ना मानै हैं।

यहून्‍ना 6:27

बा खाने के ताँई मैहनत ना करौ जो सड़ जावै है, पर बा खाने के ताँई मैहनत करौ जो हमेसा जिन्‍दगी भर बनो रैहबै है, जिसकै आदमी को लौंड़ा तुमकै देगो, कैसेकै अब्बा यानी परमेसर नै बाई मै अपनी मौहर लगाई है।”

इबरानिओ 4:6

जो आराम कन्‍नै की जघै है बौ अब्बी लोगौ के ताँई खुली है, कैसेकै जिन लोगौ कै पैलेई अच्‍छी खबर सुनाई गई ही बे आगियाँ ना माननै कै बजै सै आराम कन्‍नै की जघै के भीतर ना जा सके।

2 पतरस 2:6

और परमेसर नै सदोम, अमोरा नाम के सैहरौं कै जरा कै उनको नास कर दओ। जौ बात परमेसर कै ना माननै बारे लोगौ के ताँई आनै बारे बखत मै सजा की एक चितौनी है।