इबरानिओ 2:3 - बुक्सा

³ तौ भला हम लोग इत्‍ती अच्‍छी मुक्‍ति कै छोड़कै आनै बारी सजा सै कैसे बचंगे? जिसके बारे मै पैलेई परभु नै कैई ही और जिन लोगौ नै सुनी है और उन्‍नै जौ साबित बी करो कै जे बात सच्‍ची हैं।

इबरानिओ 2:3 Referans Kwoze

इबरानिओ 12:25

चौकस रौह और बा बोलनै बारे सै मौह ना फेरौ। अगर बे लोग बासै मौह फेरकै ना बच पाए जिसनै उनकै धरती मै चितौनी दई ही तौ अगर हम बासै मौह फेरैं जो सुरग सै चितौनी देरओ है, तौ हम डन्ड सै ना बच पांगे।

रोमियो 2:3

ऐ आदमी तू जो ऐंसे ऐंसे काम कन्‍नै बारौं मै दोस लगाबै है, और खुद बेई काम करै है, तू का जौ समजै है कै परमेसर की डन्ड की आगियाँ सै बच जागो?

इबरानिओ 5:9

और बौ बड़ो पुजारी बनकै उन सबई लोगौ के ताँई हमेसा की मुक्‍ति को सोता बन गओ, जो बाकी बातौं कै मानै हैं।

चेलौ के काम 4:12

मुक्‍ति किसी दूसरे सै ना मिल सकै है, कैसेकै ईसु मसी के नाम के अलाबा जा दुनिया मै कोई दूसरो ना है जो मुक्‍ति दे सकै।”

इबरानिओ 4:11

इसताँई हमकै बी आराम कन्‍नै की जघै मै जानै के ताँई कोसिस करती रैहनी चँईऐ कै, कहीं ऐंसो ना होए कै जैसे हुकम ना माननै की बजै सै उनको नास भओ, बैसोई हमरो बी कहीं नास ना हो जाऐ।

इबरानिओ 1:2

पर अब इन आखरी दिनौ मै बानै अपने लौंड़ा के दुआरा हम सै बात करीं जिसकै परमेसर नै सिगरी चीजौ को हकदार ठैरार खाओ है और बाईके दुआरा बानै सिगरी दुनिया बनाई।

लूका 1:2

बेई बात हमकै उन लोगौं के दुआरा बताई गंई, जिनौनै सुरू सैई होते भए देखी हीं और जो अच्‍छी खबर के परचारक रैहए हे।

परकासन 7:10

और जोर सै ऊँची अबाज मै चिल्‍लाकै कैरए हे, “जो सिंगासन मै हमरो परमेसर बैठो है उस्सै और मैमना सैई मुक्‍ति मिलै है।”

तीतुस 2:11

कैसेकै परमेसर की किरपा सब आदमिऔ के मुक्‍ति के ताँई परकट भई है।

1 तीमुथियुस 1:15

जौ बात सच्‍ची है और हर तरै सै बिसवास के लायक है कै ईसु मसी जा दुनिया मै पापी लोगौ कै बचानै के ताँई आओ, और उन पापी लोगौ मै सबई सै बड़ो पापी मैं हौं।

मत्‍ती 23:33

“अरे साँपौ और साँपौ की औलादौं! तुम लोग नरक की सजा सै कैसे बचौगे?

इबरानिओ 4:1

इसताँई जब तक परमेसर की ठैराई भई आराम कन्‍नै की जघै मै जानै को बादो अबी बी बनो भओ है तब तक हमकै चौकस रैहनो चँईऐ जिस्सै कै कोई बी आदमी बा बादे सै छुट ना जाऐ।

चेलौ के काम 2:22

“हे ईसराइल के लोगौ इन बचनौ कै सुनौ, परमेसर नै ईसु नासरी के दुआरा तुम लोगौ के बीच मै ताजुब के काम करे और चिन्‍न, चमत्कार दिखाए जिस्सै कै जौ पतो लगै है कै ईसु कै परमेसर की ओर सै तुमरे धौंरे भेजो गओ है और तुम खुद बी जानौ हौ।

यहून्‍ना 15:27

और तुम बी मेरी गभाई दोगे, कैसेकै तुम सुरू सैई मेरे संग रैहए हौ।”

लूका 24:19

ईसु नै उनसै पूँछी, “कौन सी बात?” उनौनै बासै कैई, “नासरत के ईसु के बारे मै है, बौ एक ऐंसो सकतिसाली आदमी हो जिसनै जो करो और कैओ बौ परमेसर और सबई लोगौं के सामने दिखा दओ कै बौ एक नबी हो।

मरकुस 1:14

यहून्‍ना के गिरप्‍तार हो जानै के बाद ईसु गलील मुलक मै आकै परमेसर की अच्‍छी खबर को परचार करल लगो।

1 थिसलुनीकियौ 5:3

जब लोग जौ कैंगे कै, “अब तौ चैन और किसी बात को डर ना है” तौ तबई एकदम बिनास आगो और ऐंसो कै जैसे एक गरबबती बईयर के बालक जननै के बखत जो दरद अचानक सै आवै है बैसेई आगो और बा बिनास सै कोई बी बच ना पागो।

लूका 1:69

उसनै अपने सेवक दाऊद के बंस मै हमरे ताँई एक सकतिसाली मुक्‍तिदाता पैदा करो है।

मत्‍ती 4:17

उस टैम सै ईसु उपदेस दैनै और जौ कैललगो, “पापौं सै मन फिराऔ, कैसेकै सुरग को राज धौंरे आ गओ है।”

रोमियो 11:14

ताकि किसी तरै सै मैं अपने लोगौ मै जरन पैदा करबाकै उनमै सै कईऔ कै मुक्‍ति दौं।

1 कुरन्‍थियों 1:21

कैसेकै परमेसर के बुद्‍धि के हिसाब सै जा दुनिया के लोग अपनेई बुद्‍धि सै परमेसर कै ना जानै हैं। तबई परमेसर कै जौ अच्‍छो लगो कै जिन परचार कन्‍नै बारे लोगौ कै जा दुनिया के लोगौ नै मूरख समजो उनई के परचार के दुआरा बिसवास कन्‍नै बारौ के ताँई मुक्‍ति को रस्ता खुलो।

इबरानिओ 1:1

पुराने जमाने मै परमेसर नै नबिऔ के दुआरा हमरे बापदादौं के संग बेरमबेर और अगल अगल तरीका सै बात करीं।

इबरानिओ 1:14

का जे सिगरे सुरगदूत परमेसर की सेवा कन्‍नै बारी आत्‍मा ना हैं? परमेसर इनकै मुक्‍ति पानै बारे लोगौ की सेवा कन्‍नै के ताँई भेजै है।

इबरानिओ 9:28

बैसेई मसी नै बी भौस्से लोगौ के पापौं के ताँई एकई दफै अपनी बलि चढ़ाई। अब बौ दूसरी दफै पाप की बलि चढ़नै के ताँई ना आगो पर जो लोग बाको पैंड़ो देख रए हैं उनकै बचानै के ताँई आगो।

1 यहून्‍ना 1:1

बा जिन्‍दगी के बचन के बारे मै हम तुमकै लिख रए हैं। जो सुरू सै हो, जो हमनै सुनो, अपनी आँखौ सै देखो, और गौर सै देखो, और अपने हातौ सै छुँओ।

यहूदा 1:17

पर पियारे सातिऔं, तुम उन बातौं कै याद रक्‍खौ जो हमरे परभु ईसु मसी के भेजे भए चेलौ नै पैलेई कैई हीं।