इबरानिओ 13:3 - बुक्सा

³ जो लोग कैदी हैं उनकै इस तरै याद करौ जैसे कै तुम बी उनके संग कैद मै हौ। जिनके संग बुरो बरताब करो जावै है उनकै बी ऐंसे याद रक्‍खौ कै तुमरे संग बी बुरो बरताब करो जा रओ है।

इबरानिओ 13:3 Referans Kwoze

मत्‍ती 25:36

मैं नंगो हो, तुमनै मैंकै लत्‍ता पैहराए, मैं बेमार हो, तुम मेरो हालचाल पूँछनै आए, मैं जेल मै हो, तुम मुस्सै मिलनै आए।”

इबरानिओ 10:34

जो जेल मै कैद हे तुमनै उनके ऊपर तरस खाओ और जब तुमरी धन-दौलत लुटल लगी तब्बी तुमनै खुसी सै लुटन दई कैसेकै तुम जौ जानै हे कै तुमरे धौंरे इस्सै बी अच्‍छो और हमेसा टिके रैहनै बारी धन-दौलत है।

रोमियो 12:15

जो खुस हैं, उसके संग खुस रैहऔ। और जो रोबैं हैं, उनके संग रोओ।

1 कुरन्‍थियों 12:26

इसताँई अगर सरीर के एक अंग मै चोट लगै है, तौ बाके संग-संग सिगरे अंगौ मै बी दरद होवै है, और अगर सरीर के एक अंग कै इज्‍जत मिलै है तौ बाके संग बाकी के सिगरे अंगौं कै बी खुसी होवै है।

कुलुसिऔं 4:18

मैं पौलुस, खुद अपने हात सै तुमकै जौ नमस्कार लिख रओ हौं। जौ बात याद रखिओ कै मैं जेल मै हौं और तुमरे ऊपर परमेसर की किरपा होती रैह।

1 पतरस 3:8

आखरी मै मैं ऐंसो बोलौ हौं कै, तुम सबई के सब एक मन, दुख बाँटनै बारे, आपस मै पियार रखनै बारे, तरस खानै बारे, और नमर बनौ।

मत्‍ती 25:43

मैं परदेसी हो, और तुमनै मैं अपने घर मै ना ठैराओ, मैं नंगो हो, और तुमनै मैंकै लत्‍ता ना पैहराए, मैं बेमार और जेल मै हो, तुमनै मेरी खबर ना लई।’

चेलौ के काम 24:23

और फिर बानै सूबेदार कै हुकम दओ कै पौलुस कै जेल मै रखो जाऐ पर बाकै छूट देईओ जिस्सै कै बाके दोस्त बाकी जरूरत कै पूरी कर सकैं।

इफिसिऔ 4:1

इसताँई मैं परभु मै होनै की बजै सै जेल मै हौं, और तुम लोगौ सै बिनती करौ हौं कै तुमकै अपनी जिन्‍दगी बैसेई जीनी चँईऐ जैसे परमेसर नै तुमकै बुलार खाओ है।

चेलौ के काम 27:3

दूसरे दिन हम सैदा मै उतरे और यूलियुस नै पौलुस के संग अच्‍छो बरताब करो और बानै पौलुस कै अपने सातिऔं सै मिलनै की ईजाजत दे दई जिस्सै कै बे बाकी जरूरत की चीज दे सकैं।

इबरानिओ 11:37

और उनकै पत्‍थर मारे और आरे सै चीर कै दो टुकड़ा कर दए और उनकै तरवार सै मार गिराओ, बे भेड़ौ और बकरिऔं की खाल ओढ़ कै इतै-उतै भटकते फिरे और उनकै सता कै उनके संग बुरो बरताब करो गओ।