इबरानिओ 11:6 - बुक्सा

⁶ बगैर बिसवास के परमेसर कै खुस कन्‍नो नामुमकिन है। कैसेकै जो परमेसर के धौंरे आवै है बाके ताँई जौ बिसवास कन्‍नो जरूरी है, कै परमेसर है और जो बाकै ढूंड़ै है उनकै बौ ईनाम देवै है।

इबरानिओ 11:6 Referans Kwoze

मत्‍ती 6:33

इसताँई पैले तुम परमेसर के राज और धारमिकता की खोज करौ तौ जे सबई चीज तुमकै मिल जांगी।

लूका 12:31

पर तुम तौ परमेसर के राज की खोज मै रौह, फिर बौ तुमकै जे सब जरूरत बारी चीज बी दे देगो।

इबरानिओ 7:25

इस बजै सै ईसु उनकै पूरी मुक्‍ति दे सकै है, जो लोग बाके दुआरा परमेसर के धौंरे आवै हैं। कैसेकै बौ उनके ताँई पिराथना कन्‍नै के ताँई हमेसा जिन्‍दो है।

रोमियो 10:14

मगर बे जो उसके ऊपर बिसवास ना करै हैं, तौ उसको नाम कैसे ले सकैं हैं? और बे जिनौनै उसके बारे मै कबी सुनोई ना है, उसके ऊपर कैसे बिसवास कर सकैं हैं? और अगर अच्‍छी खबर कै सुनानै बारोई ना है, तौ बे उसके बारे मै कैसे सुन सकै हैं?

इबरानिओ 3:12

हे बिसवासी भईयौ और बहनौ, चौकस रौह कै, तुम्मै सै किसी बी आदमी के मन मै बुराई और अबिसवास ना होए जो जिन्‍दे परमेसर सै दूर ले जावै है।

यहून्‍ना 14:6

ईसु नै बासै कैई, “रस्ता, सच्‍चाई और जिन्‍दगी मैंई हौं। बिना मेरे दुआरा कोई अब्बा के धौंरे ना जा सकै है।

2 पतरस 1:5

इसताँई तुम पूरे दिल सै मैहनत करकै अपने बिसवास मै अच्‍छे गुन, और अच्‍छे गुन मै गियान,

इबरानिओ 4:6

जो आराम कन्‍नै की जघै है बौ अब्बी लोगौ के ताँई खुली है, कैसेकै जिन लोगौ कै पैलेई अच्‍छी खबर सुनाई गई ही बे आगियाँ ना माननै कै बजै सै आराम कन्‍नै की जघै के भीतर ना जा सके।

गलातिऔ 5:6

पर मसी ईसु के संग रिस्ता रखनै के ताँई खतना होनो या खतना ना होनो दौनौ की कुछ ऐहमियत ना है, ऐहमियत सिरप बिसवास की है, जो पियार के दुआरा काम करै है।

2 पतरस 3:14

इसताँई पियारे दोस्तौ, जब तुम इन बातौं की आस रक्‍खौ हौ तौ ऐंसी कोसिस करे करौ कै तुम लोग परभु की नजरौ मै बिना कलंक के और बिना गलती के बाके संग मेल-जोल रखे करौ।

यहून्‍ना 8:24

मैंनै इसताँई कैई ही कै तुम अपने पापौं मै मरौगे, कैसेकै अगर तुम बिसवास ना करौ कै मैं बौई हौं, तौ अपने पापौं मै मरौगे।”

2 पतरस 1:10

इसताँई हे भईयौ, तुम जौ बात जाननै के ताँई हमेसा तईयार रौह, कै परमेसर नै तुमकै सच्‍ची मैई बुलाओ और चुनो है। कैसेकै अगर तुम इन बातौं कै करौ हौ तौ तुम कबी ठोकर ना खाऔगे।

इबरानिओ 7:19

कैसेकै मूसा को नियम किसी कै बी पूरी तरै सै पक्‍को ना करै है। पर अब हमरे ताँई एक ऐंसी अच्‍छी आस रक्‍खी गई है, जिसके दुआरा हम परमेसर के धौंरे जा सकै हैं।

इबरानिओ 4:2

कैसेकै हमकै बी उनके हाँई अच्‍छी खबर सुनाई गई पर जैसी अच्‍छी खबर उन्‍नै सुनी, उनकै बासै कुछ फाएदा ना भओ कैसेकै उन्‍नै परमेसर की बात माननै बारौ के बिसवास के हाँई बिसवास ना करो।

परकासन 21:8

मगर डरपौकौ, अबिसवासिऔं, बुरे लोगौ, खूनी, बैबिचारिऔ, जादू कन्‍नै बारे और मूरती पूजा कन्‍नै बारे और सबई झूँट बोलनै बारौं को हिस्सा उस झील मै मिलैगो, जिसमै आग और गन्धक पजरती रैहबै है। जौ दूसरी मौत है।”

इबरानिओ 11:26

और मिसर के धन-दौलत सै जादा बानै मसी के ताँई दुख झेलनो कीमती समजो कैसेकै बाकी नजर ईनाम पानै को पैंड़ो देख रई हीं।

मरकुस 16:17

बिसवास कन्‍नै बारे जे चमत्कार दिखाय करंगे। बे मेरो नाम लेकै दुसट आत्‍माऔ कै लिकारंगे, और नई नई भासा बोलंगे,

लूका 6:35

बलकन अपने दुसमनौ कै बी पियार करौ, उनके संग भलाई करौ। कुछ बी बापस लैनै की उमीद छोड़कै उधार दो। फिर तुमरे ताँई बड़ो ईनाम होगो; और तुम परम परमेसर की औलाद बनौगे, कैसेकै परमेसर कै जो धन्‍नबाद ना करैं हैं, और बुरे लोग हैं, परमेसर उनके ऊपर बी दया करै है।

मत्‍ती 6:16

“जब तुम बरत रक्‍खौ तौ, ढौंगिऔ के हाँई तुमरे मौह लटके भए ना दिखाई दैं, बे अपनो मौह इसताँई सुस्त रक्‍खै हैं कै बे लोगौ कै दिखाऐ कै बे बरत रख रए हैं, मैं तुमसै सच कैरओ हौं, कै बे अपनो ईनाम पा चुके हैं।

मत्‍ती 6:5

“और जब तू पिराथना करै, तौ ढौंगिऔ के जैसे ना हो कैसेकै लोगौ कै दिखानै के ताँई सभाऔं मै और सड़कौं के मोड़ौ मै खड़े होकै पिराथना कन्‍नो उनकै अच्‍छो लगै है, मैं तुमसै सच कैरओ हौं, कै बे अपनो ईनाम पा चुके हैं।

मत्‍ती 5:12

तब खुस और मगन होईयो, कैसेकै तुमरे ताँई सुरग मै बड़ो महान ईनाम है। इसताँई कै उनौनै बे नबी बी जो तुमसै पैले हे इसई रीती सै सताए हे।

मत्‍ती 11:26

हाँ, परम पिता, कैसेकै तेकै जौई अच्‍छो लगो।