गलातिऔ 6:16 - बुक्सा

¹⁶ और जो लोग जा नियम कै मानै हैं उनके ऊपर और परमेसर के ईसराइली लोगौ के ऊपर सान्‍ति और दया होती रैह। ऐंसोई होए।

गलातिऔ 6:16 Referans Kwoze

गलातिऔ 3:29

अगर तुम मसी के हौ तौ तुम इब्राहिम के खानदान के हौ, और जो बादो परमेसर नै इब्राहिम सै करो हो बामै तुम बी बारिस हौ।

फिलिप्‍पीऔ 3:3

कैसेकै हम जो सच्‍ची आत्‍मा सै परमेसर की बड़ाई करै हैं, हमई सच्‍चे खतना बारे हैं और हम सरीर की बातौं मै ना पर मसी ईसु मै गर्ब करै हैं।

रोमियो 4:12

और बौ उनको बी अब्बा है जिनको खतना भओ है, और जो हमरे अब्बा इब्राहिम के उस बिसवास के रस्ता मै चलैं हैं, जो उनकै खतना सै पैले दिखाओ हो।

यहून्‍ना 1:47

ईसु नै नतनैल कै अपनी ओर आते भए देखो और बाके बारे मै कैई, “देखौ, जौ है एक सच्‍चो ईसराइली जिसमै कोई कपट ना है।”

फिलिप्‍पीऔ 3:16

जिस सच्‍चाई तक हम पौंच चुके हैं, हमकै बाई मै चलतो रैहनो चँईऐ।

गलातिऔ 5:25

कैसेकै जब हम पबित्‍तर आत्‍मा दुआरा जिन्‍दे हैं, तौ जैसो आत्‍मा बोलै है, हम बैसोई करैं।

गलातिऔ 5:16

पर मैं तुमसै जौ कैबै हौं कै, अगर तुम परमेसर की आत्‍मा के हिसाब सै चलौगे तौ तुम अपने सरीर की बुरी इच्‍छा कै पूरी ना करौगे।

यहून्‍ना 16:33

मैंनै जे बात तुमसै इसताँई कैंई कै मेरे दुआरा तुमकै सान्‍ति मिलै। दुनिया मै तुमकै दुख मिलो है मगर हौसला रक्‍खौ, मैंनै दुनिया जीत लई है।”

यहून्‍ना 14:27

“मैं तुमकै अपनी सान्‍ति देए जाबौ हौं, अपनी सान्‍ति तुमकै देवौ हौं, ऐंसे ना देवौ हौं जैसे दुनिया तुमकै देवै है। तुमरो मन ना घबराऐ और ना डरै।

फिलिप्‍पीऔ 4:7

तब परमेसर की ओर सै मिलनै बारी सान्‍ति, जिसकै आदमी समजई ना सकै है, बौई सान्‍ति तुमरे दिल और तुमरे दिमाक कै मसी ईसु मै समार कै रखैगी।

गलातिऔ 1:3

हमरे पिता परमेसर और हमरे परभु ईसु मसी की ओर से तुमकै किरपा और सान्‍ति मिलती रैह।

रोमियो 1:7

जिनमै सै तुम बी ईसु मसी के होनै के ताँई बुलाए गए हौ।

इफिसिऔ 6:23

पिता परमेसर और परभु ईसु मसी की ओर सै भईयौ कै सान्‍ति और बिसवास के संग पियार मिलै।

1 पतरस 1:3

हमरे परभु ईसु मसी के परम पिता परमेसर को धन्‍नबाद होए, जिसनै ईसु मसी कै मरे भएऔं मै सै जिन्‍दो कन्‍नै के दुआरा, अपनी बड़ी दया सै हमकै एक जिन्‍दी आस के ताँई नओ जलम दओ है।

यहूदा 1:2

तुमकै परमेसर की दया, सान्‍ति और पियार हरदम भौस्सो मिलतो रैह।