गलातिऔ 6:10 - बुक्सा

¹⁰ इसताँई जो बी हमकै मौको मिलै है, तौ हमकै सबई के संग भलाई कन्‍नी चँईऐ, खास करकै बिसवासी लोगौ के संग।

गलातिऔ 6:10 Referans Kwoze

इबरानिओ 13:16

भलाई कन्‍नी और अपनी चीजौ कै दूसरे के संग बाँटनो ना भूलिओ कैसेकै ऐंसे बलिदानौ सै परमेसर खुस होवै है।

1 थिसलुनीकियौ 5:15

और तुम जा बात को धियान रक्‍खौ कै बुराई के बदले कोई बुराई ना करै, पर हमेसा एक दूसरे के संग और सबई लोगौ के संग भलाई कन्‍नै की कोसिस करे करौ।

तीतुस 3:8

जौ बात सच है, और मैं चाँहौ हौं कै, तू इन बातौं के बारे मै हिम्मत सै बोलै, इसताँई कै जिनौनै परमेसर मै बिसवास करो है, बे भले भले कामौ मै लगे रैहनै को धियान रक्‍खैं। जे बात भली और आदमिऔ के काम की हैं।

मत्‍ती 25:40

“तब राजा उनकै जबाब देगो, ‘मैं तुमसै सच कैरओ हौं, कै तुमनै जो मेरे इन छोटे से छोटे भईयौ मै सै किसी एक के संग करो, बौ तुमनै मेरे ताँई करो।’

इबरानिओ 6:10

तुमनै परमेसर के लोगौ के ताँई जिस पियार सै सेवा करी है और कर रए हौ बा पियार कै और तुमरे दूसरे कामौ कै परमेसर कबी ना भूलैगो, कैसेकै परमेसर अनियाय कन्‍नै बारो ना है।

इफिसिऔ 2:19

इसताँई अब तुम परदेसी और पराए ना हौ पर पबित्‍तर लोगौ के संग एकई देस के और परमेसर के टब्बर के हो गए हौ।

यहून्‍ना 12:35

इसताँई ईसु नै उनसै कैई, “जोती तुमरे धौंरे और थोड़ी देर के ताँई है। जब तक जोती तुमरे संग है, तब तक चलते चलौ, ऐंसो ना होए कै इन्धेरो तुमकै आ घेरै, कैसेकै जो इन्धेरे मै चलै है बौ ना जानै है कै बौ कितै जा रओ है।

लूका 6:35

बलकन अपने दुसमनौ कै बी पियार करौ, उनके संग भलाई करौ। कुछ बी बापस लैनै की उमीद छोड़कै उधार दो। फिर तुमरे ताँई बड़ो ईनाम होगो; और तुम परम परमेसर की औलाद बनौगे, कैसेकै परमेसर कै जो धन्‍नबाद ना करैं हैं, और बुरे लोग हैं, परमेसर उनके ऊपर बी दया करै है।

यहून्‍ना 9:4

जिसनै मैं भेजो हौं, हम बाके काम दिनई दिन मै निपटा दैं, बौ रात आनै बारी है जिसमै कोई काम ना कर सकै है।

तीतुस 2:14

जिसनै अपने आपकै हमरे ताँई दे दओ कै हमकै हर तरै की बुराई सै छुटाले, और सुद्‍द करकै अपने ताँई खुद ऐंसी परजा बना ले जो भले कामौ मै तईयार हो।

फिलिप्‍पीऔ 4:10

मैं परभु मै भौत खुस हौं, कै अब भौत बखत के बाद तुम मेरी फिकर करल लगे हौ कैसेकै पैले तुम मेरी भलाई के बारे मै सोचै तौ करै हे, पर तुमकै दिखानै को मौको ना मिलो हो।

मत्‍ती 12:50

कैसेकै जो कोई मेरे सुरग के अब्बा की मरजी मै चलै है, बेई मेरे भईया, बहन और अईया है।”

3 यहून्‍ना 1:11

मेरे पियारे दोस्त, बुराई के रस्ता मै ना पर भलाई के रस्ता मै चलौ, जो भलाई करै है, बौ परमेसर सै है, जो बुराई करै है, बानै परमेसर कै ना देखो है।

कुलुसिऔं 4:5

जो लोग बिसवासी ना हैं तुम उनके संग सोच समजकै बरताब करौ और मौके को सई फाएदा उठाऔ।

इफिसिऔ 5:16

हर एक मौके को पूरो फाएदा उठाऔ, कैसेकै दिन बुरे हैं।

1 यहून्‍ना 5:1

जो कोई जौ बिसवास करै है कै ईसुई मसी है, बौ परमेसर की औलाद बन गओ है, और जो कोई परम पिता सै पियार करै है, बौ बाकी औलाद सै बी पियार करै है।

इबरानिओ 3:6

पर मसी परमेसर को लौंड़ा होते भए बाके घराने के सामने बिसवासजोग हो। अगर हम हिम्मत रक्‍खै और जो आस मसी मै है बाकै ना छोड़ै तौ तबई हम परमेसर के घराने के हैं।

मरकुस 3:4

तब ईसु नै उन लोगौ सै पूँछी, “हमरे नियमौ के अनुसार का आराम कन्‍नै बारे दिन भलो कन्‍नो ठीक है या बुरो कन्‍नो, जान बचानो या मारनो?” पर बे चुप रैहए।

मत्‍ती 5:43

“तुम सुन चुके हौ, कै अपने पड़ोसी सै पियार रखिओ, और अपने बैरी सै बैर।

मत्‍ती 10:25

चेला के ताँई अपने गुरू जैसो और नौकर कै अपने मालिक जैसो बन जानोई भौत है, जब उनौनै घर के मालिक कै सैतान कैई तौ उसके घर बारौ कै का ना कैंगे?

चेलौ के काम 6:7

तबई परमेसर को बचन फैलतो गओ और ऐरूसलेम मै चेलौ की संखिया भौत बढ़ती गई। भौस्से यहूदी पुजारिऔं नै बी ईसु मसी मै बिसवास करो।

गलातिऔ 1:23

पर उन्‍नै मेरे बारे मै सिरप जौ सुनो हो कै, “जौ आदमी पैले हमकै सताबै हो, बौई अब बिसवास के बारे मै परचार कर रओ है, जिसकै बौ पैलेई मिटानै की सोचै हो।”

इफिसिऔ 4:28

जो आदमी चोरी करै है बौ अब चोरी ना करै। पर मैहनत करकै बौ अपने हातौ सै करे भए भले कामौ के दुआरा गरीब लोगौ की सायता बी कर सकै।

1 थिसलुनीकियौ 5:21

पर सिगरी बातौं कै परखौ और जो अच्‍छी हैं उनकै मजबूती सै पकड़े रौह।

1 पतरस 2:5

तुम बी खुद जिन्‍दे पत्‍थरौं के हाँई हौ और आत्‍मिक घर बनते जाबौ हौ, जिस्सै कै पुजारिऔं को पबित्‍तर समाज बनकै, ऐंसे आत्‍मिक बलिदान चढ़ाऔ, जो परभु ईसु मसी के दुआरा परमेसर कै परसन्‍द हौं।

1 पतरस 4:17

कैसेकै नियाय कन्‍नै को बखत आई गओ है कै पैले परमेसर अपनेई लोगौ सै नियाय सुरू करैगो, और जब नियाय की सुरूआत हम सैई होगी तौ उन लोगौ को का होगो? जो परमेसर की अच्‍छी खबर कै ना मानै हैं।

3 यहून्‍ना 1:3

कैसेकै जब कुछ बिसवासी भईयौ नै मेरे धौंरे आकै, तेरी गभाई दई कै सच्‍चाई के बारे मै तू बिसवासजोग है। जैसे तू सच्‍चाई मै चलै है, तौ मैं जौ सुनकै भौत खुस भओ।

3 यहून्‍ना 1:10

इसताँई जब मैं आंगो, तौ बाके कामौ कै जो बौ कर रओ है उनको हिसाब लंगो। बौ हमरे बारे मै बुरी-बुरी बातौं कै बोलकै बदनाम करै है, और बाकै इन बातौं सैई सबर ना है। बौ दूसरे भईयौ को बी सुआगत ना करै है, और जो लोग कन्‍नो चाँहै हैं, उनकै बी मनैह करै है, और बिसवासिऔ की मंडली सै लिकार देवै है।

2 कुरन्‍थियों 2:8

इसताँई मैं तुमसै बिनती करौ हौं कै बाकै जौ पतो लग जाय कै तुम बासै सच्‍चो पियार करौ हौ।