गलातिऔ 6:1 - बुक्सा

¹ पियारे भईयौ, अगर तुम्मै सै कोई आदमी गलत काम करतो भओ पकड़ो जाय तौ तुम्मै सै जो आत्‍मिक होए बौ बाकै पियार सै समजाऐ, और तुम खुद बी चौकस रौह कै तुम बी किसी लालच मै ना पड़ौ।

गलातिऔ 6:1 Referans Kwoze

रोमियो 15:1

हम जो बिसवास मै पक्‍के हैं तौ हमकै उन लोगौ की बात सैहनी चँईऐ जो बिसवास मै कमजोर हैं। ना कै अपने आपकै खुस कन्‍नो चँईऐ।

2 थिसलुनीकियौ 3:15

और बाकै अपनो दुसमन ना समजिओ पर बिसवासी भईया या बहन समजकै चितौनी देईओ।

2 तीमुथियुस 2:25

जो बिरोद करै उनकै पियार सै समजाऔ, का पतो, परमेसर बाकै बाके पाप सै मन फिरानै को मन देए, जिस्सै कै बे बी सच्‍चाई कै पैचान सकैं,

1 यहून्‍ना 5:16

अगर कोई अपने भईया कै ऐंसो पाप करतो देखै जिसको फल मौत ना है, तौ बौ बाके ताँई पिराथना करै और परमेसर बाकै जिन्‍दगी देगो, जिनौनै ऐंसो पाप करो हो जिसको फल मौत ना है। ऐंसो पाप बी है जिसको फल मौत है; मैं बाके बारे मै पिराथना कन्‍नै के ताँई ना कैबै हौं।

2 कुरन्‍थियों 2:7

इसताँई इस्सै अच्‍छो तौ जौ है कै, बाकी गलती कै माफ करौ; और सबई कुछ भूल कै बाको हौसला बढ़ाऔ, कहीं ऐंसो ना हो जाय कै बौ दुख मै डूब जाय।

इबरानिओ 12:13

और अपने पाँऐऔं के ताँई रस्ता सीदी करौ, जिस्सै कै जो लंगड़े हैं बे चंगे होते जांऐ।

1 पतरस 3:15

पर मसी कै अपनी जिन्‍दगी मै सच्‍चे मन सै परभु मानकै पबित्‍तर समजौ, और जो उमीद तुमरी मसी मै है अगर बाके बारे मै कोई पूँछै तौ बाकै जबाब दैनै के ताँई तईयार रौह, पर पियार और आदर के संग।

रोमियो 14:1

अगर कोई बिसवास मै कमजोर है, तौ उसकै अपने संग-संग लेकै चलौ मगर उनसै बैहैस ना करौ।

1 कुरन्‍थियों 10:12

अगर कोई ऐंसो सोचै है कै, मैं मजबूताई सै खड़ो हौं, तौ होसिआर रैहकै, कहीं बौ गिर ना पड़ै।

1 कुरन्‍थियों 4:21

तुम का चाँहौ हौ? का मैं डन्डा लेकै तुमरे धौंरे आँऔं या पियार और कोमलता की आत्‍मा के संग आँऔं?

याकूब 3:2

इसताँई कै हम सै भौस्सी बातौं मै गलती हो जावै हैं। जो कोई बोलनै मै गलती ना करै है, तौ बौ सिद्‍द है; और बौ अपने सिगरे सरीर कै बस मै कर सकै है।

2 कुरन्‍थियों 10:1

मैं पौलुस जो मसी की दीनता और दया की बजै सै तुमसै बिनती करौ हौं। पर कुछ लोग कैबै हैं कै जब मैं तुमरे धौंरे होबौ हौं तौ नमर हौं पर जब दूर हौं तौ कठोर हौं।

मत्‍ती 9:13

तुम जाऔ और सीक लो कै इसको अरथ का है कै, ‘मैं बलि ना पर दया चाँहौ हौं।’ कैसेकै मैं धरमिऔं कै ना पर पापिऔं कै बुलानै आओ हौं।”

1 कुरन्‍थियों 14:37

अगर कोई आदमी सोचै कै बौ परमेसर की ओर सै बोलै है या बाकै आत्‍मिक बरदान मिले हैं। तौ बौ जौ जान ले कै जो कुछ मैं लिख रओ हौं, बौ परभु की आगियाँ है।

1 कुरन्‍थियों 7:5

तुम आपस मै एक दूसरे सै अगल ना रौह, पर रैहनो है तौ आपस मै बातचीत करकै कुछ बखत पिराथना के ताँई जरूर लिकारिओ और फिर उसके बाद संगई रैहईओ। कहीं ऐंसो ना हो जाऐ कै तुम खुद के ऊपर काबू ना रख सकौ और सैतान तुमकै परखै।

1 कुरन्‍थियों 2:15

जिसके भीतर परमेसर की आत्‍मा है। बौ सिगरी बातौं कै सई ढंग सै परख कै करै है, पर बा आदमी कै कोई बी परख ना सकै है।

रोमियो 8:6

सरीर मै मन लगानो तौ मौत है, पर आत्‍मा मै मन लगानो जिन्‍दगी और सान्‍ति है।

मत्‍ती 11:29

मेरो जुआ अपने ऊपर उठा लो, और मैंसै सीकौ, मैं सौभाब सै नमर और दीन हौं, और तुम अपने मन मै सान्‍ति पाऔगे।

याकूब 3:13

अगर तुम लोगौ मै सै कोई खुद कै अकलमन्‍द और समजदार समजै है, तौ बौ बाकै अपने अच्‍छे चाल-चलन सै नमरता और समज सै करे भए कामौ के दुआरा दिखाऐ।

इबरानिओ 13:3

जो लोग कैदी हैं उनकै इस तरै याद करौ जैसे कै तुम बी उनके संग कैद मै हौ। जिनके संग बुरो बरताब करो जावै है उनकै बी ऐंसे याद रक्‍खौ कै तुमरे संग बी बुरो बरताब करो जा रओ है।

गलातिऔ 5:23

नमर सौभाब और खुद के ऊपर काबू रखनो। और ऐंसी बातौं के खिलाप मै कोई नियम ना है।

1 कुरन्‍थियों 3:1

हे भईयौ और बहनौ, मैं तुमसै इस तरै सै बात ना कर सको जैसे आत्‍मिक लोगौ सै करौं हौं, पर तुम्मै जो लोग मसी के बिसवास मै बालकौ के हाँई हैं। मैंनै उनके संग ऐंसी बात करीं जैसी दुनिया के लोगौ के संग करौ हौं।

मत्‍ती 26:75

तब पतरस कै ईसु की कैई भई बात याद आई कै, मुरगा के बाँक दैनै सै पैले तू तीन दफै मेरो इनकार करैगो। और बौ बाहार जाकै फूट-फूटकै रोल लगो।

मत्‍ती 26:69

पतरस अबी नीचे दारे मै बाहार बैठो हो कै एक नौकन्‍नी उसके धौंरे आई और बोली, “तू बी तौ बाई गलीली ईसु के संग हो।”

गलातिऔ 6:18

ओ भईयौ और बहनौ, हमरे परभु ईसु मसी की किरपा तुमरी आत्‍मा के संग बनी रैह। ऐंसोई होए।

1 थिसलुनीकियौ 4:1

इसताँई भईयौ और बहनौ, हम तुमसै परभु ईसु के नाम सै जौ बिनती करै है कै परमेसर कै खुस कन्‍नै के ताँई कैसी जिन्‍दगी जीनी चँईऐ, बाके बारे मै हमनै तुमकै सिकार खाओ है। तुम बैसेई जिऔ और जादा बढ़कै करौ।

2 कुरन्‍थियों 2:8

इसताँई मैं तुमसै बिनती करौ हौं कै बाकै जौ पतो लग जाय कै तुम बासै सच्‍चो पियार करौ हौ।