गलातिऔ 5:5 - बुक्सा

⁵ पर हम पबित्‍तर आत्‍मा और बिसवास के दुआरा परमेसर के सामने धरमी होनै की आस रखते भए पैंड़ो देखै हैं।

गलातिऔ 5:5 Referans Kwoze

1 थिसलुनीकियौ 1:10

और बे कैबै हैं कै तुम बाके लौंड़ा को सुरग सै आनै को पैंड़ो देखौ हौ, जिसकै परमेसर नै मरे भएऔं मै सै जिन्‍दो करो यानी ईसु, जो हमकै परमेसर की आनै बारी घुस्सा सै बचागो।

2 तीमुथियुस 4:8

अब सुरग मै मेरे ताँई धारमिकता को मुकट तईयार करकै रखर खाओ है और परभु जो सच्‍चो नियाय कन्‍नै बारो है। मैंकै बा दिन देगो और मैंकैई ना पर उन सबई लोगौ कै बी देगो जो पियार के संग बाको फिर सै आनै को पैंड़ो देख रए हैं।

तीतुस 2:13

और उस धन्‍न उमीद की मतलब अपने महान परमेसर और मुक्‍तिदाता ईसु मसी की महिमा के परकट होनै को पैंड़ो देखते रैंह।

फिलिप्‍पीऔ 3:9

और बाके संग पूरी तरै सै एक हो जांऔ; मेरी बा धारमिकता सै ना जो नियम कै माननै सै मिलै है, पर बा धारमिकता सै जो मसी मै बिसवास कन्‍नै सै मिलै है, जो परमेसर की ओर सै आवै है, जो बिसवास मै टिकी है।

रोमियो 5:21

ताकि जैसे मौत के दुआरा पाप नै राज करो, ठीक बैसेई हमरे परभु ईसु मसी के दुआरा हमेसा की जिन्‍दगी लानै के ताँई परमेसर के किरपा नै धारमिकता के दुआरा राज करो।

2 थिसलुनीकियौ 3:5

परभु तुमरे दिल कै परमेसर के पियार और मसी के सबर के संग अग्गे बढ़नै मै सायता करै।

इफिसिऔ 2:18

कैसेकै मसी के दुआरा हम दौनौ यहूदी और गैर यहूदी लोगौ कै एकई पबित्‍तर आत्‍मा के दुआरा परम पिता के धौंरे तक पौंच होगी।

1 कुरन्‍थियों 1:7

और तुम्मै पबित्‍तर आत्‍मा के किसी बी बरदान की कमी ना है और तुम हमरे परभु ईसु मसी के बापस आनै को पैंड़ो देखते रैहए।