गलातिऔ 4:3 - बुक्सा

³ मसी के आनै सै पैले हमरी हालत बी ऐंसीई ही और हम बी बालकौ के हाँई हे, तब हम बी दुनिया के नियमौ के दास हे।

गलातिऔ 4:3 Referans Kwoze

कुलुसिऔं 2:20

कैसेकै तुम मसी के संग मर चुके हौ और तुमकै दुनिया के रीती रिबाज सै छुटकारो दिब्बाओ जा चुको है। तौ तुम ऐंसो बरताब काए करौ हौ, जैसे कै तुम जा दुनिया के हौ? और ऐंसे रीती रिबाजौ कै मानौ हौ जैसे कै,

कुलुसिऔं 2:8

चौकस रौह, कहीं ऐंसो ना होए कै तुमकै आदमी को गियान, झूँटी और बेकार की बातौं सै कोई अपने कबजा मै ना कर लै, जो आदमिऔ और दुनिया के बनाए भए रीती रिबाज के ऊपर टिके हैं, पर मसी की सिक्‍छा ऐंसी ना है।

गलातिऔ 4:9

पर अब तुमनै परमेसर कै जान लओ है या जौ कैंऐ कै परमेसर तुमकै जानै है। तौ तुम अब दुनिया के कमजोर और बेकार नियमौ के पिच्‍छे बापस काए जानो चाँहौ हौ? और का तुम उनको फिर सै गुलाम बन्‍नो चाँहौ हौ?

गलातिऔ 2:4

पर जौ बात उन झूँटे भईयौ की बजै सै भई जो चोरी चोरी हमरे बीच मै घुस आए हे। बे हमरी आजादी खतम कन्‍नै की सोचै हे, जो हमकै मसी ईसु मै मिली। और बे हमकै यहूदी रीती रिबाजौ को गुलाम बनानो चाँहै हे।

गलातिऔ 4:31

इसताँई मेरे पियारे बिसवासिऔ, हम सबई गुलाम बईयर की ना, पर आजाद बईयर की औलाद हैं।

चेलौ के काम 15:10

तौ तुम अब परमेसर कै काए परखनै की सोचौ हौ और दूसरे जाति के बिसवासी लोगौ की गरदन मै ऐंसो भारी जुआ काए रक्‍खो हौ, जिसकै ना तौ हम उठा सकै हैं और नाई हमरे पूरबज?

रोमियो 8:15

कैसेकै बौ आत्‍मा जो तुमकै मिली है, फिर सै दास बनानै या डरानै के ताँई ना है, बलकन बौ आत्‍मा तुमकै परमेसर की गोद लेई भई औलाद बनाबै है। जिस्सै हम “हे अब्बा, हे पिता” कैह कै परमेसर कै बुलाबै हैं।

यहून्‍ना 8:31

तब ईसु उन यहूदिऔं सै जिनौनै बाके ऊपर बिसवास करो हो कैललगो, “अगर तुम मेरे बचन मै बने रौहगे, तौ सचमुच मेरे चेला बनौगे,

इबरानिओ 7:16

नियम कैबै है, लेबी गोत सैई पुजारी आनो है, ईसु बा नियम कै पूरो करते भए ना पर नास ना होनै बारी जिन्‍दगी की सकति सै पुजारी बनो है।

गलातिऔ 4:25

और हाजिरा मानौ एक सिने नाम को पहाड़ है जो अरब देस मै है, और अब बौ आज के ऐरूसलेम की ओर इसारो कर रओ है। कैसेकै बौ अपने बालकौ के संग गुलामी मै है।

गलातिऔ 3:19

तौ फिर नियम को का मतलब है? जाकै जा ताँई दओ गओ कै लोग अपने पापौं कै देख सकैं। जिस बेटा के आनै को बादो करो है और बा बेटा के आनै तक जौ नियम है। परमेसर नै इन नियमौ कै सुरगदूतौं के दुआरा मूसा कै दओ और जौई मूसा परमेसर और आदमिऔ के बीच को बिचौंदिया है।

मत्‍ती 11:28

“हे थके-माँदे और बोज सै दबे भए लोगौ, मेरे धौंरे आऔ, मैं तुमकै सुक चैन दंगो।

रोमियो 7:14

कैसेकै हम जानै हैं कै नियम आत्‍मिक है, पर मैं सिरप एक आदमी हौं जिसकै पाप के हात मै बेच दओ है।

2 कुरन्‍थियों 11:20

कैसेकै जब तुमकै कोई अपनो दास बनाऐ, या तुमरो फाएदा उठाऐ, या तुमकै कुछ बात मै फसा देवै, या खुद कै तुमसै बड़ो समजै, या तुमरे मौह मै चाँट मारै तौबी तुम बाकै सैह लो।

गलातिऔ 4:2

पर जो बखत अब्बा नै ठैरार खाओ है तब तक बौ देखरेख कन्‍नै बारे और परबंधक के बस मै है।

गलातिऔ 4:8

पर जब तुम परमेसर कै ना जानै हे, तौ तुम उन देबताऔ के गुलाम हे, जो सच्‍ची मै परमेसर ना हे।

गलातिऔ 4:24

जा बात को एक मतलब है कै जो जे दो बईयरैं हैं बे दो करारनामे हैं। एक तौ सिने नाम को पहाड़ जिस्सै गुलामई पैदा होवै हैं और बौ हाजिरा है।

इबरानिओ 5:12

तुमकै अबी तक तौ सिकानै बारो बन जानो चँईऐ। पर तुमरे ताँई तौ अबी बी ऐंसे लोगौ की जरूरत है जो तुमकै परमेसर के बचनौ को गियान सुरू सै दे सकैं। तुमकै रोटी ना चँईऐ पर छोटे बालक के हाँई दूदई चँईऐ है।