गलातिऔ 4:19 - बुक्सा

¹⁹ ओ मेरे बालकौ, जब तक तुम मसी हाँई ना बन जाऔ, तब तक मैं बा बईयर के हाँई बैसो दरद सैहतो रैहंगो जो बालक जननै के बखत होवै है।

गलातिऔ 4:19 Referans Kwoze

रोमियो 8:29

कैसेकै जिनकै उसनै पैलेई चुनो उनकै अपने लौंड़ा के हाँई बन्‍नै के ताँई ठैराओ ताकि भौस्से भईयौ मै बौ सबसै पैलो बन सकै।

इफिसिऔ 4:13

जब तक कै हम सबई के सबई बिसवास मै और परमेसर के लौंड़ा के गियान मै एक ना हो जाँय और मसी के गुन के हिसाब सै पूरे सिद्‍द आदमी को रूप कै ना पालैं।

रोमियो 13:14

बलकन परभु ईसु मसी कै अपने भीतर बसालो, और अपने सरीर की इच्‍छाऔं कै पूरो कन्‍नै मै मत लगे रैहऔ।

इफिसिऔ 4:24

तुम बा नए सौभाब कै पैहरलो जो परमेसर के रूप मै सच्‍ची मैई धरमी और पबित्‍तर बन्‍नै के ताँई बनार खाओ है।

कुलुसिऔं 4:12

इपफरास जो तुमरे हिंया को है, बौ मसी ईसु को सेवक है, तुमकै नमस्कार कैबै है। बौ तुमरे ताँई हमेसा जौ पिराथना करतो रैहबै है कै तुम परमेसर की सिगरी मरजी के बारे मै पूरे तरीका सै समजकै और पक्‍के होकै टिके रौह।

कुलुसिऔं 3:10

और एक नओ सौभाब कै पैहर लओ है, जो तुमकै बनानै बारे के हाँई है जो बाकै जान्‍नै की ओर अग्गे बढ़ानै के ताँई नओ होतो रैहबै है।

फिलिप्‍पीऔ 2:5

जैसो मसी ईसु की सोच ही बैसेई तुमरी बी सोच होए।

याकूब 1:18

परमेसर नै अपनी मरजी सै हमकै सच्‍चाई के बचन सै पैदा करो है, जिस्सै कै हम बाकी बनाई भई चीजौ मै सै पैलो फल बनै।

फिलेमौन 1:10

मैं अपने बालक उनेसिमुस के ताँई बिनती करौ हौं, जो तब मेरो लौंड़ा बनो हो, जब मैं जेल मै कैद हो।

कुलुसिऔं 1:27

परमेसर उनकै दिखानो चाँहै है कै गैर यहूदी लोगौ मै महिमा की गुप्‍त बात का है? और बौ जौ है कै, मसी जो महिमा की आस है बौ तुमरे भीतर रैहबै है।

कुलुसिऔं 2:1

मैं चाँहौ हौं कै तुमकै जौ बात पतो चल जाय कै मैं तुमरे ताँई और लौदीकिया के बिसवासी लोगौ के ताँई और उन सबई लोगौ के ताँई जिनौनै मैंकै कबी देखोई ना है, कैसी मैहनत कर रओ हौं।

फिलिप्‍पीऔ 2:17

और अगर मैंकै तुमरे बिसवास के बलिदान और सेवा के संग अपनो खून बी बहानो पड़ै तौबी मैं खुस हौं और तुम सबके संग खुसी मनांगो।

फिलिप्‍पीऔ 1:8

परमेसर मेरो गभा है कै मैं मसी ईसु के पियार सै तुम सबके ताँई कितनो तड़प रओ हौं।

1 यहून्‍ना 5:21

हे बालकौ, खुद कै झूँटे देबी-देबताऔ सै बचाकै रक्‍खौ।

1 यहून्‍ना 2:12

पियारे बालकौ, मैं तुमकै इसताँई लिख रओ हौं, कैसेकै तुमरे पाप ईसु मसी के नाम की बजै सै माफ भए हैं।

1 यहून्‍ना 2:1

हे मेरे बालकौ, जे बात मैं तुमकै इसताँई लिख रओ हौं कै तुम पाप ना करौ। पर अगर कोई पाप करै है, तौ परमेसर के धौंरे हमरी ओर सै एक बोलनै बारो है, और बौ है धरमी ईसु मसी।

इबरानिओ 5:7

जब ईसु सरीर मै जिन्‍दो हो तौ बानै चिल्‍ला-चिल्‍लाकै और रो रो कै परमेसर सै बिनती करी, जो बाकै मौत सै बचा सकै हो और ईसु की भक्‍ति की बजै सै बाकी पिराथना सुनी गई।

तीतुस 1:4

मैं अपने सच्‍चे लौंड़ा तीतुस कै बा बिसवास के संग लिख रओ हौं जो हम्मै एक जैसो है। पिता परमेसर और हमरे मुक्‍तिदाता ईसु मसी की ओर सै तेकै किरपा और सान्‍ति मिलती रैह।

फिलेमौन 1:19

मैं पौलुस अपने हात सै लिख रओ हौं, कै मैं खुद इसकै चुकांगो, और मैंकै जौ कैनै की जरूरत ना है, कै तू मेरो करजदार है और बौ करज तेरी जिन्‍दगी है।

लूका 22:44

तब ईसु बड़ी बेचैनी के संग और जोर सै पिराथना करल लगो। और उसको पसीना खून की बूंद के हाँई जमीन मै टपक रओ हो।

2 कुरन्‍थियों 12:14

सुनौ, मैं अब तीसरी दफै तुमरे धौंरे आनै के ताँई तईयार हौं। पर मैं तुमरे ऊपर किसी बी बात के ताँई बोज ना बनंगो। मैं तुमरी दौलत कै ना पर तुमकै चाँहौ हौं। कैसेकै औलाद सै जौ उमीद ना करी जावै है कै बे अईया-अब्बा के ताँई कमाऐं पर औलाद के ताँई अईया-अब्बा कमाबै हैं।

1 थिसलुनीकियौ 2:7

हम मसी के भेजे भए चेला होनै की बजै सै अपनो हक जता सकै हैं। पर हम तुमरे संग पियार सै रैहए, जैसे अईया अपने बालकौ कै खबा पिबा कै उनकै पालै है, बैसेई हमनै बी तुमरे संग कोमलता दिखाई है।

3 यहून्‍ना 1:4

मैंकै और किसी बात मै इत्‍ती खुसी ना भई, जित्‍ती जौ सुनकै भई कै, मेरे बालक सच्‍चाई की रस्ता मै चलै हैं।