गलातिऔ 3:15 - बुक्सा

¹⁵ भईयौ और बहनौ, अब मैं तुमकै रोजमर्‌रा की जिन्‍दगी सै एक उदाहरन देवौ हौं। देखौ, कोई आदमी किसी के संग एक पक्‍को करारनामो कन्‍नै के बाद, बौ ना तौ बामै कुछ जोड़ सकै है और ना बाकै तोड़ सकै है।

गलातिऔ 3:15 Referans Kwoze

इबरानिओ 9:17

बाके मरनै के बाद बसीयत पक्‍की ठैरैगी। जब तक बसीयत कै लिखनै बारो जिन्‍दो है तब तक बा बसीयत की कोई ऐहमियत ना है।

रोमियो 6:19

मैंनै तुमकै जौ उदाहरन इसताँई दओ कैसेकै जौ बात समजनी तुमरे ताँई मुसकल है। जैसे तुमनै बुराई के ताँई अपने सरीर के अंगौ कै असुद्‍द और गलत कामौ को दास बनाओ, बैसेई अब तुम पबित्‍तर होनै के ताँई अपने सरीर के अंगौ कै धारमिकता को दास बनाओ।

रोमियो 3:5

इसताँई अगर हमरे बुरे काम परमेसर के अच्‍छे काम कै दिखामै हैं, तौ हम का करैं? मैं आदमी की सोच के हिसाब सै कैरओ हौं कै, का परमेसर को हमरे ऊपर घुस्सा कन्‍नो, गलत है?

1 कुरन्‍थियों 15:32

अगर मैं आम आदमी के हाँई इफिसुस के लोगौ सै लड़ौं जो जंगली जनाबरौ के हाँई हैं, तौ मैंकै का फाएदा भओ? जब मरे भए जिन्‍दे करेई ना जांगे, तौ आऔ और खाऔ-पिऔ, कैसेकै आज ना तौ कल मरनोई है।

चेलौ के काम 1:15

बा दिन के बाद एक दिन जब कम सै कम एक सौ बीस बिसवासी लोग इखट्‍टे हे, तबई पतरस नै बीच मै खड़े होकै उनसै कैई ही कै,

रोमियो 1:13

हे भईयौ, मैं जौ चाँहौ हौं कै तुम जौ बात जानलो कै जैसे मैंनै गैर यहूदिऔं मै मसी के ताँई लोगौ कै चेला बनाओ, बैसेई तुमरे बीच मै बी लोगौ कै मसी के चेला बनानै के ताँई तुमरे धौंरे भौत दफै आनो चाँह रओ हो, पर कुछ ना कुछ मुसीबत की बजै सै आ ना सकै हो।

गलातिऔ 6:18

ओ भईयौ और बहनौ, हमरे परभु ईसु मसी की किरपा तुमरी आत्‍मा के संग बनी रैह। ऐंसोई होए।

इबरानिओ 6:13

जब परमेसर नै इब्राहिम सै बादो करो तौ कसम खानै के ताँई बासै बड़ो कोई ना हो, इसताँई बानै अपनी कसम खाकै कैई कै,

इबरानिओ 6:16

लोग जब कसम खावै हैं तौ बे अपने सै बड़े के नाम की कसम खावै हैं और बौ कसम बाके सिगरे बिबाद कै खतम कर देवै है।