गलातिऔ 2:4 - बुक्सा

⁴ पर जौ बात उन झूँटे भईयौ की बजै सै भई जो चोरी चोरी हमरे बीच मै घुस आए हे। बे हमरी आजादी खतम कन्‍नै की सोचै हे, जो हमकै मसी ईसु मै मिली। और बे हमकै यहूदी रीती रिबाजौ को गुलाम बनानो चाँहै हे।

गलातिऔ 2:4 Referans Kwoze

यहूदा 1:4

कैसेकै हमरे बीच मै कुछ बुरे लोग चोरी सै घुसे हैं, और बे परमेसर की किरपा को फाएदा गलत कामौ कै कन्‍नै के ताँई कर रए हैं, और जो हमरो एकई मालिक और परभु ईसु मसी है, बाकै ना मानै हैं। पबित्‍तर सास्तर मै पैलेई ऐंसे लोगौ के ताँई सजा के बारे मै लिखो भओ है।

गलातिऔ 5:1

मसी नै हमकै आजाद कर दओ है, जिस्सै हम आजादी पांऐ। इसताँई बिसवास मै पक्‍के रौह और तुम फिर सै गुलामी मै ना दबिओ।

गलातिऔ 4:3

मसी के आनै सै पैले हमरी हालत बी ऐंसीई ही और हम बी बालकौ के हाँई हे, तब हम बी दुनिया के नियमौ के दास हे।

2 कुरन्‍थियों 11:26

मैंनै बेरमबेरा आनै जानै मै भौत खतरा उठाओ, कबी नद्‍दिऔं मै खतरा, कबी डाँकुऔं को खतरा, कबी यहूदी लोगौ सै खतरा, कबी गैर यहूदी लोगौ सै खतरा और कबी सैहरौं मै खतरा, कबी बियाबान मै खतरा, कबी समन्‍दर मै खतरा और कबी झूँटे बिसवासी लोगौ सै खतरा और मैंनै बेसानी मैहनत करकै भौस्सी रात जग-जग कै जिन्‍दगी जीई है।

1 यहून्‍ना 4:1

मेरे पियारे लोगौ, हर आत्‍मा को बिसवास मत करौ, बलकन हमेसा उनकै परख कै देखौ कै का बे परमेसर की ओर सै हैं? जौ बात मैं तुमसै इसताँई कैरओ हौं, कैसेकै भौस्से झूँटी भबिसबानी कन्‍नै बारे दुनिया मै फैले भए हैं।

2 पतरस 2:19

बे उनकै आजाद होनै के ताँई बादो करै हैं, पर बे खुद पाप के दास हैं कैसेकै जो आदमी जिस्सै हार गओ बौ बाको दास बन जावै है।

2 तीमुथियुस 3:6

इनौई मैसै ऐंसे गलत सिक्‍छा दैनै बारे लोग हैं, जो दूसरौं के घरौं मै घुसकै और जो बईयरैं मूरख हैं, उनकै अपने बस मै कर लेबै हैं, जो बईयरैं अपने पाप के बोज सै दबकै कई तरै की बुरी इच्‍छाऔं मै फसी हैं।

गलातिऔ 5:10

मैं तुमरे बारे मै परभु मै भरोसो रक्‍खौ हौं कै तुम किसी दूसरी बातौं मै ना पड़ौगे। पर जो लोग तुमकै परेसान करै हैं, बे कोई बी काए ना हौं उनकै सजा जरूर मिलैगी।

2 कुरन्‍थियों 11:20

कैसेकै जब तुमकै कोई अपनो दास बनाऐ, या तुमरो फाएदा उठाऐ, या तुमकै कुछ बात मै फसा देवै, या खुद कै तुमसै बड़ो समजै, या तुमरे मौह मै चाँट मारै तौबी तुम बाकै सैह लो।

2 कुरन्‍थियों 11:13

इसताँई ऐंसे भेजे भए चेला ढौंगी हैं और धोको दैनै बारे हैं। जो मसी की अच्‍छी खबर कै सुनानै को ढौंग करै हैं।

2 कुरन्‍थियों 3:17

परभु तौ आत्‍मा है, और जहाँ परभु को आत्‍मा है बहाँ छुटकारो है।

चेलौ के काम 20:30

तुमरे बीच मै ऐंसे लोग खड़े हौंगे जो चेलौ कै अपने पिच्‍छे कन्‍नै के ताँई घुमा फिरा कै बात कैंगे।

चेलौ के काम 15:24

हमनै जौ सुनो है कै हम्मै सै कुछ लोगौ नै हम सै बगैर पूँछे तुमरे बीच मै जाकै अपनी बातौं सै तुमकै दुख पौंचाओ है और तुमरो दिल कै बेचैन करो है।

चेलौ के काम 15:1

तबई कुछ लोग यहूदिया परदेस सै अन्‍ताकिया मै आकै बिसवासी लोगौ कै सिकाल लगे कै, “अगर तुमरो खतना मूसा के नियम के तरीका सै ना भओ है तौ तुमकै मुक्‍ति ना मिल सकै है।”

1 पतरस 2:16

आजाद आदमी के हाँई जिऔ पर अपनी आजादी कै बुरे कामौ कै छिपानै के ताँई अपनो साधन ना बनाऔ बलकन परमेसर के दास के हाँई जिन्‍दगी जिऔ।

गलातिऔ 4:25

और हाजिरा मानौ एक सिने नाम को पहाड़ है जो अरब देस मै है, और अब बौ आज के ऐरूसलेम की ओर इसारो कर रओ है। कैसेकै बौ अपने बालकौ के संग गुलामी मै है।

2 कुरन्‍थियों 11:17

मैं जो कुछ अब बोल रओ हौं बौ परभु के हिसाब सै ना बोलौ हौं, पर एक घमंडी आदमी के हिसाब सै बोलौ हौं।

रोमियो 8:15

कैसेकै बौ आत्‍मा जो तुमकै मिली है, फिर सै दास बनानै या डरानै के ताँई ना है, बलकन बौ आत्‍मा तुमकै परमेसर की गोद लेई भई औलाद बनाबै है। जिस्सै हम “हे अब्बा, हे पिता” कैह कै परमेसर कै बुलाबै हैं।

गलातिऔ 1:7

पर सई मै कोई दूसरी अच्‍छी खबर हैई ना पर कुछ लोग ऐंसे हैं जो तुमरे दिल मै बैहैम डारै हैं और मसी की अच्‍छी खबर कै बिगाड़नै की सोचै हैं।

याकूब 1:25

पर परमेसर के नियम सिद्‍द हैं जो हमकै आजादी देवै हैं, अगर कोई आदमी उन बचनौ के ऊपर धियान देवै है और उनकै सुनकै ना भूलै है, पर उन बचनौ के हिसाब सै चलै है तौ बौ परमेसर सै अपने कामौ मै आसीस पागो।

लूका 5:38

इसताँई नओ अंगूरौं को रस नई मटकिऔ मैई भन्‍नो चँईऐ।