गलातिऔ 2:19 - बुक्सा

^19-20 कैसेकै मैं तौ नियम के दुआरा नियम के ताँई मर गओ जिस्सै कै मैं परमेसर के ताँई जिऔं। मैं मसी के संग कुरूस मै चढ़ाओ गओ, पर अब जो जिन्‍दो है बौ मैं ना हौं, पर मसी मेरे भीतर जिन्‍दो है। पर अब मैं जा सरीर मै जिन्‍दो हौं, तौ सिरप बा बिसवास के दुआरा जो परमेसर के लौंड़ा ईसु मसी मै है, जिसनै मैंसै पियार करो और मेरे ताँई अपनी जान तक दे दई।

गलातिऔ 2:19 Referans Kwoze

रोमियो 7:4

मेरे भईयौ, ऐंसेई मसी के सरीर के दुआरा नियम के ताँई तुम बी मर चुके हौ। इसताँई अब तुम बी उस मसी के हो गए हौ। जो मरे भएऔं मै सै फिर सै जिन्‍दो करो गओ है। जिस्सै हम परमेसर के ताँई अच्‍छे फल लाऐ।

रोमियो 6:2

बिलकुल ना। हम जो पाप के ताँई मर चुके हैं, तौ पाप मैई कैसे जींगे

1 थिसलुनीकियौ 5:10

बौ हमरे ताँई इसताँई मरो जिस्सै कै हम चाँहे जिन्‍दे रैंह या मर गए हौं, जब बौ बापस आगो सबई मिलकै बाईके संग जिन्‍दगी जीऐं।

2 कुरन्‍थियों 5:15

मसी सिगरे लोगौ के ताँई मरो, कैसेकै जो जिन्‍दे हैं बे खुद के ताँई ना पर बाके ताँई जीऐं जो उनके ताँई मरो और फिर सै जिन्‍दो भओ।

रोमियो 6:11

तुम बी ऐंसेई अपने ताँई सोचे करौ, कै तुम पाप के ताँई मर चुके हौ, पर ईसु मसी मै परमेसर के ताँई जिन्‍दे हौ।

रोमियो 8:2

कैसेकै आत्‍मा के नियम नै, जो ईसु मसी दुआरा जिन्‍दगी देवै है, मैंकै पाप के नियम और मौत सै आजाद करो है।

1 पतरस 2:24

बौ हमरे पापौं कै अपने सरीर मै लेए भए कुरूस मै चढ़ गओ जिस्सै कै हम पापौं के ताँई मरै और धारमिकता के ताँई जिन्‍दगी जीऐं, कैसेकै पबित्‍तर सास्तर मै लिखो है, “बाईके मार खाने सै तुम अच्‍छे भए हौ।”

रोमियो 6:14

तुम लोगौ के ऊपर पाप को कोई हक ना रैहगो, कैसेकै अब तुम नियम के बस मै ना हौ बलकन परमेसर की किरपा के बस मै हौ।

1 पतरस 4:6

कैसेकै मरे भए आदमिऔ कै बी अच्‍छी खबर इसताँई सुनाई ही कै सरीर के हिसाब सै उनको नियाय हो पर आत्‍मा मै बे परमेसर के हिसाब सै जीऐं।

इबरानिओ 9:14

मसी को खून भौत कुछ कर सकै है, मसी तौ हमेसा की आत्‍मा के दुआरा हमरे परमेसर के सामने निरदोस चढ़ाबो करकै खुद कै चढ़ाओ, तब तौ बाको खून जरूर मौत की ओर लेजानै बारे कामौ सै हमरे मन कै सुद्‍द करैगो, जिस्सै हम जिन्‍दे परमेसर की सेवा करैं।

तीतुस 2:14

जिसनै अपने आपकै हमरे ताँई दे दओ कै हमकै हर तरै की बुराई सै छुटाले, और सुद्‍द करकै अपने ताँई खुद ऐंसी परजा बना ले जो भले कामौ मै तईयार हो।

कुलुसिऔं 2:20

कैसेकै तुम मसी के संग मर चुके हौ और तुमकै दुनिया के रीती रिबाज सै छुटकारो दिब्बाओ जा चुको है। तौ तुम ऐंसो बरताब काए करौ हौ, जैसे कै तुम जा दुनिया के हौ? और ऐंसे रीती रिबाजौ कै मानौ हौ जैसे कै,

गलातिऔ 3:24

इस तरै मसी के आनै तक नियम हमरी देखरेख कन्‍नै बारो हो, जिस्सै कै हम बिसवास के दुआरा धरमी ठैरैं।

कुलुसिऔं 3:3

कैसेकै तुम तौ मर गए हौ और तुमरी जिन्‍दगी मसी के संग परमेसर के भीतर लुकी है।

गलातिऔ 3:10

बे लोग जो नियम के कामौ मै भरोसो रक्‍खै हैं, उनके ऊपर सराप है, कैसेकै पबित्‍तर सास्तर मै लिखो है कै, “बे सिगरे आदमी सरापित हैं, जो मूसा के नियम की लिखी भई सिगरी बातौं मै ना चलै हैं।”

1 कुरन्‍थियों 10:31

इसताँई तुम लोग चाँहे खाऔ-पिऔ, या जो कुछ बी करौ, सब परमेसर की बड़ाई के ताँई करौ।

रोमियो 7:14

कैसेकै हम जानै हैं कै नियम आत्‍मिक है, पर मैं सिरप एक आदमी हौं जिसकै पाप के हात मै बेच दओ है।

रोमियो 5:20

नियम इसताँई आओ कै पाप बढ़ सकै। मगर जहाँ पाप बढ़ो, बहाँ परमेसर की किरपा और बी जादा बढ़ी।

रोमियो 4:15

नियम तौ घुस्सा कै लेकै आवै है मगर जहाँ नियमई ना हैं तौ बहाँ नियम कै का तोड़ैं?

1 कुरन्‍थियों 9:20

मैं यहूदिऔं के ताँई यहूदी हाँई बनो जिस्सै कै उनकै जीत सकौं, और जो लोग मूसा के नियम मै बंधे भए हैं, उनके हाँई मैं बी बन गओ जिस्सै कै मैं उनकै जीत सकौं पर मैं खुद नियम मै ना बंधो हौं।

गलातिऔ 6:14

पर हमरे परभु ईसु मसी के कुरूस के अलाबा मैं किसी और के ऊपर घमंड कन्‍नो ना चाँहौ हौं। जिसकी बजै सै मैं दुनिया के ताँई और दुनिया मेरे ताँई मर गई।