गलातिऔ 2:13 - बुक्सा

¹³ और जो बहाँ के यहूदी लोग हे बे बी पतरस के हाँई ढौंग करल लगे और बरनबास बी उनके ढौंग के चक्‍कर मै पड़कै भटक गओ।

गलातिऔ 2:13 Referans Kwoze

1 कुरन्‍थियों 15:33

धोको ना खाऔ, “बुरी संगत अच्‍छे सौभाब कै बिगाड़ देवै है।”

इफिसिऔ 4:14

जिस्सै कै हम ऐंसे बालक ना बनै जो हर किसी आदमी की गलत सिक्‍छा, ठग बिद्‍दिया और चालाँकी की आँधी मै पड़कै उनकी धोके की बातौं मै बहक जाँय।

इबरानिओ 13:9

तुम तरै-तरै की सिक्‍छा के बैहकाबे मै ना अईओ। तुमरे दिल के ताँई जौ अच्‍छो है कै बौ परमेसर की किरपा के दुआरा मजबूत करो जाय। पर खानै पीनै के नियम के ताँई ना, कैसेकै जो खानै पीनै के नियम कै मानै है उनकै कुछ फाएदा ना मिलै है।

1 कुरन्‍थियों 8:9

पर जा बात को धियान रक्‍खौ कै तुमरी आजादी कमजोर लोगौ के ताँई पाप की बजै ना बनै।

1 कुरन्‍थियों 5:6

तुमरो घमंड कन्‍नो ठीक ना है। का तुम जौ ना जानौ हौ, कै थोड़ो सो बासी चून सिगरे नए माड़े भए चून कै खट्‍टो बना देवै है।

चेलौ के काम 4:36

कुपरूस जघै मै एक आदमी हो जिसको नाम यूसप हो और बौ एक लेबी गोत को हो। और भेजे भए चेला बाकै बरनबास नाम सै बुलाबै हे, जिसको मतलब है, “हिम्मत बढ़ानै बारो लौंड़ा।”

गलातिऔ 2:1

चौदैह साल के बाद बरनबास के संग जब मैं फिर ऐरूसलेम गओ तौ तीतुस कै बी अपने संग ले गओ।

1 कुरन्‍थियों 12:2

का तुमकै जौ बात पतो है कै जब तुम मूरती पूजा करै हे, तौ उन गूँगी मूरतिऔं के पिच्‍छे तुमकै जैसो चलाओ जातो तुम बैसेई चलै हे।

मत्‍ती 23:28

ऐंसेई तुम बाहार सै तौ धरमात्‍मा दिखाई देवौ हौ, पर भीतर सै छल-कपट और बुराई सै भरे भए हौ।

गलातिऔ 2:9

याकूब, पतरस और यहून्‍ना बिसवासी लोगौ के बीच मै जानेमाने नेता हे। जो किरपा मैंकै परमेसर सै मिली ही जब उन्‍नै बाकै जान लओ तबई मैंकै और बरनबास कै अपनो साती मानो। और बे जा बात मै राजी हो गए कै हम गैर यहूदी लोगौ के धौंरे जांऐ और बे यहूदी लोगौ के धौंरे जांगे।